প্রেরিত্‌ 1:11 - Chakma Bible

¹¹ “গালীলো মানুচ্চুন, ইধু থিয়্যেইনে আগাজ ইন্দি কিত্ত্যেই রিনি চেই আঘঅ? যিবেরে তমাত্তুন্ তুলি নেযা অলঅ সেই যীশুরে যেবাবোত্যে গুরি তুমি স্বর্গত্ যাদে দেগিলা সেবাবোত্যেগুরি তে ফিরি এবঅ।”

প্রেরিত্‌ 1:11 Iomraidhean Croise

মথি লেখ্যে গম্ হবর্ 16:27

মান্‌জ্য পুয়োবো তা স্বর্গদূত্তুনোরে সমারে নিইনে তা বাবর্ মহিমালোই এজের্। সেক্কে তে পত্তি মান্‌জ্যরে তারার্ কাম মজিম্ ফল দিবো।

মথি লেখ্যে গম্ হবর্ 16:28

মুই তমারে ঘেচ্চেকগুরি কঙর্, ইয়োত্ এমন কয়েকজন আগন্ যিগুনো ইধু মান্‌জ্য পুয়োবোরে রাজা ইজেবে রাজাগিরি গরানা ন-দেগানা সং তারা কনমতে মুরি ন-যেবাক্।”

মথি লেখ্যে গম্ হবর্ 24:30

এমন্ সময়োত্ আগাজত্ মান্‌জ্য পুয়োবোর্ চিহ্নো দেগা দিবো। সেক্কে পিত্‌থিমীর্ বেক্ মানুচ্চুনে দুঘে বুগ্ চাবেড়েবাক্। তারা মান্‌জ্য পুয়োবোরে খেমতা আর মহিমার লগে মেঘ ভিদিরে এত্তে দেগিবাক্।

মথি লেখ্যে গম্ হবর্ 25:31

মান্‌জ্য পুয়োবো বেক্ স্বর্গদূত্‌তুনোরে সমারে লোইনে যেক্কে নিজোর্ মহিমালোই এবঅ সেক্কে তে রাজা ইজেবে তা সিংহাসনত্ মহিমার্ লগে বুজিবো।

মার্ক 13:26

সে সময়োত্ মানুচ্চুনে মান্‌‌জ্যপুয়োবোরে দাঙর্ খেমতালোই আর মহিমালোই মেঘ ভিদিরে পিত্‌‌থিমীত্ এবাত্তে দেগিবাক্।

মার্ক 14:70

পিতরে আরঅ অস্বীগের্ গুরিলো। যিগুনে কায়কুরে থিয়্যেই এলাক্ তারায়ো কানক্ষণ্ পরেদি পিতররে কলাক্, “হামাক্কায় তুই সিগুনোত্তুন্ একজন, কিয়া তুই দঅ গালীলো মানুচ্।”

মার্ক 16:19

শিচ্চ্যগুনো মুজুঙোত্ এই বেক্ কধানি কনার্ পরেদি প্রভু যীশুরে স্বর্গত্ তুলি নেযা অলঅ। সিধু তে গোজেনর্ ডেনেদি বুজিলো।

লূকে লেখ্যে গম্ হবর্ 21:27

সে অক্তত্ দাঙর্ খেমতালোই আর মহিমালোই মান্‌জ্যপুয়োবোরে তারা মেঘ ভিদিরে গুরি এত্তে দেগিবাক্।

লূকে লেখ্যে গম্ হবর্ 24:5

সেক্কে মিলেগুনে অমকদ দোরেইনে মাঢা নিগিরিলাক্। সে মানুচ্চো তারারে কলঅ, “যিবে জেদা তারে মরাগুনো ভিদিরে কিত্ত্যে তগর্?

যোহন 14:3

মুই যেইনে তমাত্যে জাগা থিক্ গুরিনে আরঅ ফিরি এইম্ আর মঅ ইধু তমারে নেযেম্, যেন মুই যিধু থাং তুমিয়ো সিধু থেই পারঅ।

প্রেরিত্‌ 1:2

যে শিচ্চ্যগুনোরে তে বেঈ লোইয়্যে, তারে তুলি নিবার্ আগেদি সেই শিচ্চ্যগুনোরে তে পবিত্র আত্মালোই উগুম দিয়্যে।

প্রেরিত্‌ 1:9

এ কধানি কনার্ পরেদি শিচ্চ্যগুনো চোগো মুজুঙোত্ যীশুরে তুলি নেযা অলঅ আর তে এক্কান্ মেঘঅ আন্দলে গেলগোই।

প্রেরিত্‌ 13:31

গালীলত্তুন্ যিগুনে তা সমারে যিরূশালেমত্ এচ্চ্যন্ সিগুনে ভালোক্ দিন সং তারে দেক্ক্যন্। আমা মানুচ্চুনো ইধু তারা ইক্কিনে তা পৌইদ্যেনে সাক্ষি দেদন্।

প্রেরিত্‌ 2:7

তারা অমকদ আমক্ ওইনে কলাক্, “এই যে মানুচ্চুনে কধা কদন্, ইগুনে কি বেক্কুনে গালীল মানুচ্‌ নয়?

প্রেরিত্‌ 3:12

শলোমন নাঙে যে বারান্দাগান এলঅ তারা সেক্কে সিয়েনত্ এলাক্। এ বেপারান্ দেগিনে পিতরে মানুচ্চুনোরে কলঅ, ইস্রায়েলীয়গুন, ইয়েন্দোই তুমি কিত্ত্যেই আমক্ অর্? আমা নিজো বল্লোই বা গোজেন উগুরে ভক্তির্ গুণে ইবেরে আঢিবার বলান্ দুয়োং মনে গুরিনে কিত্ত্যেই বা তুমি আমা ইন্দি রিনি চেই আঘঅ?

প্রেরিত্‌ 3:21

গোজেনে বেক্কানি যে আরঅ আগ অবস্থায় ফিরেই আনিবো সিয়েন ভালোক্ দিন আগে পবিত্র ভাববাদীগুনোর মাধ্যমে কোইয়্যে। তে যেদ্ক্ দিন সং তার সে কধাগান্ ন-পুরোই সেদক্ দিন সং যীশুত্তুন্ স্বর্গত্ থাহ্ পরিবো।

১ থিষলনীকীয় 1:10

আর স্বর্গত্তুন তা পুয়োবো এযানা পৌইদ্যেনে বাজ্জেই থেই পারঅ। সেই পুয়োবো অলঅ যীশু, যিবেরে তে মরণত্তুন্ জেদা গুরি তুল্ল্যে। গোজেনর্ যে সাজাগান লামি এজের্ সেই সাজাত্তুন্ এই যীশু আমারে রোক্ষ্যে গুরিবো।

১ থিষলনীকীয় 4:16

দাঙর্ রঅ গুরিনে উগুমো সমারে আর বেগ দাঙর্ দূতোর্ ডাগনি আর গোজেনর্ তূরীর ডাগনির্ লগে লগে প্রভু নিজে স্বর্গত্তুন্ লামি এবঅ। খ্রীষ্ট লগে এগত্তর্ ওইনে যিগুনে মুরি যেয়োন সেক্কে সিগুনে পত্তমে জেদা ওই উদিবাক্।

ইব্রীয় 9:28

ঠিগ্ সেবাবোত্যেগুরি ভালোক্কুন মান্‌জ্যর পাপর্ বুধি ভুগিবাত্যে খ্রীষ্টরেয়ো একবার উৎসর্ব গরা ওইয়্যে। তে দ্বিপল্লা এবঅ, মাত্তর্ সেক্কে পাপর্ কারনে মুরিবাত্যে ন-এবঅ, বরং যিগুনে তাত্যে আওজ্ গুরিনে বাজ্জেই আঘন তারারে পুরোপুরি গুরিনে উদ্ধোর্ গুরিবাত্যে এবঅ।

ফগদাং পেইয়্যে 1:7

চঅ, তে মেঘ সমারে এজের্। পত্তিজনর্ চোগেদি তারে দেগিবাক্; যিগুনে তারে পেরেক্ মাজ্জ্যন্ তারায়ো দেগিবাক্ আর পিত্‌থিমীর বেক্‌ জাদ্‌তুনে তাত্যেই গুজুরি গুজুরি কানিবাক্। সিয়েনই ওক্‌, আমেন।