প্রেরিত্‌ 1:10 - Chakma Bible

¹⁰ যীশু যেক্কে উগুরেদি উদি যার্ সেক্কে শিচ্চ্যগুনে চোগো পাদা ন-ফেল্ল্যে গুরি আগাজন্দি রিনি চেই এলাক্। থিক্ সেক্কে ধূব্ কাবর্ উজ্জ্যে দ্বিজন মানুচ্‌ শিচ্চ্যগুনো কায়কুরে থিয়্যেইনে কলাক্,

প্রেরিত্‌ 1:10 Iomraidhean Croise

২ রাজাবলী 2:10

এলিয় কলঅ, “তুই এক্কান্‌ আগাত্যে জিনিস চেইয়োচ্‌। তো তঅ কায়-কুরেত্তুন্‌ মরে নেযেবার অক্তত্ যুনি তুই মরে দেগচ্‌ সালে তুই সিয়েন পেবে; যুনি ন-দেগচ্‌ সালে ন-পেবে।”

দানিয়েল 7:9

পরেদি মুই দেগিলুং কয়েক্কান সিংহাসন রাগা অলঅ আর অমকদ বুড়ো এক্কো তা সিংহাসনানত্ বুজিলো। তা কাবড়-চুগোড়ানি বরফ ধোক্ক্যেন ধুব্ আর তা মাঢাবো চুলানি ধুব্ কেজ ধোক্ক্যেন। তার সিংগাসনান্ আর সিংহাসনর চাক্কাগুন যেন আগুনো ধোক্ক্যেন জ্বলের্।

মথি লেখ্যে গম্ হবর্ 17:2

তারা দেগিলাক্ যীশুর চেয়ারাগান্ বুদুলি গেলঅ। তা মুয়োন্ বেলান ধোক্ক্যেন্ জ্বোল্‌জোল্যে আর তা কাবড়ান্ অমকদ ধুব্ ওই গেলঅ। সে পরেদি তারা তিনজন শিচ্চ্যই মোশি আর এলিয় যীশু লগে কধা কধে দেগিলাক্।‍

মথি লেখ্যে গম্ হবর্ 28:3

তা চেঙেরাগান্ কারেন ধোক্ক্যেন্ এলঅ আর তা কাবড়-চুগোড়ানি তুলো ধোক্ক্যেন্ ধুব্ এলঅ।

মার্ক 16:5

সেনত্যে তারা গোরানত্ সোমেলাক্, সিয়েনত্ তারা দেগিলাক্ ধুব্ কাবড়-উজ্যে এক্কো গাবুর্ মানুচ্ ডেনেদি বুয়োই আঘে। সেনত্যে তারা অমকদ আমক্ অলাক্।

লূকে লেখ্যে গম্ হবর্ 24:4

যেক্কে তারা আমক্ ওইনে সে পৌইদ্যেনে ভাবদন্ সেক্কে দেবা ঝিমিলেনি ধোক্ক্যেন্ জ্বোল্‌‌জোল্ল্যে কাবড় উজ্যে দ্বিজন্ মানুচ্‌ তারা কায় কুরে এইনে থিয়্যেলাক্।

যোহন 20:12

যীশুর্ কিয়্যেগান্ যিয়েনত্ পোজ্যে এলঅ সিয়েনত্ ধুব্ কাবড় উজ্যে দ্বিজন্ স্বর্গদূত্ বৈই আঘন্-এক্কো মাধাবো ইন্দি আর এক্কো ঠেঙদি।

প্রেরিত্‌ 10:3

এক দিন্ন্যে বেল্যেমাদান্ তিন্নো বাজদে তে এক্কান্ দর্শন পেলঅ। তে গমেদালে দেগিলোদে গোজেনর্ এক্কো দূত্ এইনে তারে ডাগের্, “কর্ণীলিয়”।

প্রেরিত্‌ 10:30

সেক্কে কর্ণীলিয় কলঅ, “চের্ দিন আগে ঠিগ্ এ সময়োত্ বেল্যেমাদান্ তিন্নো বাজদে মুই মঅ ঘরত্ তবনা গরঙর্। এমন সময়োত্ আদিক্ক্যে গুরি জ্বোল্‌জোল্ল্যা কাবড় উজ্যে এক্কো মানুচ্‌ মঅ মুজুঙোত্ এইনে থিয়্যেইনে কলঅ,

ফগদাং পেইয়্যে 3:4

মাত্তর্ সার্দিত তর্ এন্ কয়েক্কো মানুচ্‌ আঘন যিগুনে তারার্ কাবর-চুগোর্, অত্তাৎ চালচলনান্ কাজর্ ন-গরন্। তারা যগাজ্জ্যে মানুচ্‌ বিলিনে ধুব্ কাবর পিনিনে মঅ সমারে আঢাউদো গুরিবাক্।

ফগদাং পেইয়্যে 7:14

মুই তারে কলুং, “চাহ্, সিয়েন তুয়ই কোই পারচ্।” তে মরে কলঅ, “সেই অমকদ দুঘোত্তুন্ যিগুনে এচ্চ্যন ইগুনে সিগুনই। ইগুনে তারার্ কাবড়ানি ভেড়া-ছঅ লো-লোই ধোইনে ধুব্ গোজ্জ্যন।