২ তীমথিয় 4:18 - Chakma Bible

¹⁸ প্রভু মরে বেক্ ভান্ন্যেই কামত্তুন্ রোক্ষ্যে গুরিবো আর গমেডালে তার্ স্বর্গীয় রেজ্যত্ নেযেব। যুগে যুগে উমরত্যে তার্ বাঈনী ওক্‌। আমেন।

২ তীমথিয় 4:18 Iomraidhean Croise

পত্থম 48:16

সেই স্বর্গদূত্তো, যিবে মরে বেক্‌ দজাত্তুন্‌ উদ্ধোর্‌ গোজ্যে, তে এ পুয়োগুনোরে বর্ দুয়োক্‌। ইগুনোরে দিইনে মর্‌ আর মঅ পুরোণি মানুজ্‌ অব্রাহাম আর ইসহাক নাঙানি জিংকানিবর্ বাঁজি থোক্‌। আমা দেজ ভিদিরে তারা বংশর্‌ মানুচ্চুনে জনেদি ভালোক্কুন্‌ বাড়োদোক্‌।”

১ বংশধর 4:10

যাবেষ ইস্রায়েল গোজেনরে ডাগিনে কোইয়্যেদে, “তুই মরে বর্ দে আর মঅ সোম্বোত্তিগানি বাড়েই দে। তঅ বলান্‌ মঅ সমারে থোক্‌ আর দজাত্তুন্‌ তুই মরে রোক্ষ্যে গর্‌ যেনে মুই দুগ্‌ ন-পাং।” আর গোজেনে তার্‌ কোজোলিগান্‌ রোক্ষ্যে গুরিলো।

গীতসংহিতা 121:7

বেক্ ফি-গানিত্তুন্ লগেপ্রভু তরে রোক্ষ্যে গুরিবো; তে তঅ পরাণান্ রোক্ষ্যে গুরিবো।

গীতসংহিতা 37:28

লগেপ্রভু ন্যায়বিচের গমপায়; তা ভক্তগুনোরে তে ছাড়ি ন-যায়। জিংকানিবর্ তারারে রোক্ষ্যে গরা অবঅ, মাত্তর্ শদানর বংশধরুনোরে ভস্ত গরা অবঅ।

গীতসংহিতা 73:24

তর্ উগুম্মোই তুই মরে চালেবে, আর যেরেন্দি তর্ মহিমালোই মরে মানি লবে।

গীতসংহিতা 92:10

ঝাড় গোরুর অজল্ শিং ধোক্ক্যেন্ তুই মর্ মাঢাবো অজলত্ তুল্যচ্; হুজিয়ে মঅ উগুরে নুয়ো তেল ঢালি দিয়্যে ওইয়্যে।

গম্ উপদেজ্ 14:32

পাজিগুনোর অন্যেয় কামানিয়ে তারারে তলে লামেই দে, মাত্তর্ গোজেন ভক্ত মানুচ্চুনোর মরণর সময়ত্অ আজা থায়।

মথি লেখ্যে গম্ হবর্ 13:43

সে অক্তত্ গোজেনভক্ত মানুচ্চুনে তারার্ স্বর্গর্ বাব রেজ্যত্ বেলান ধোক্ক্যেন জ্বোল্‌জোল্যে ওই দেগা দিবাক্। যিবের্ শুনিবার্ কান্ আগে তে শুনোক্।

মথি লেখ্যে গম্ হবর্ 25:34

ইয়েনর্ পরেদি রাজা তা ডেনেদি মানুচ্চুনোরে কবঅ, তুমি যিগুনে মঅ বাপ্পোর্ বর্ পেইয়ো, এজঅ। জগদর্ আরাম্ভত্ যে রেজ্যগান্ তমাত্তে যুক্কোল্ গুরি রাগা ওইয়্যে সিয়েনর্ অধিকারী অ।

মথি লেখ্যে গম্ হবর্ 6:13

আমারে তুই পোরোক্ষ্যেত্ পড়িবাত্তে ন-দিস্, মাত্তর্ শদান আঢত্তুন্ রোক্ষ্যে গর্।

লূকে লেখ্যে গম্ হবর্ 11:4

আমা পাপ্পানি খেমা গর্, কারন যিগুনে আমা বিরুদ্ধে অন্যেয় গরন্ আমি তারারে ক্ষেমা গুরিই। আমারে তুই পোরোক্ষ্যেত্ ন-ফেলেচ্।’ ”

লূকে লেখ্যে গম্ হবর্ 12:32

ও মর্ ভেড়া ছাগল চিগোন্ পাল্লো, ন-দোরেয়ো, কিয়া তমা বাপ্পোর্ আওজ্‌‌‌চান ইয়েন, তা রেজ্যগান্ তে তমারে দিবো।

লূকে লেখ্যে গম্ হবর্ 22:29

মঅ বাপ্পো যেবাবোত্যেগুরি মরে শাসন-খেমতা দান্ গোজ্যে সেবাবোত্যেগুরি মুইয়ো তমারে খেমতা দান গরঙর্।

যোহন 17:15

মুই তরে কোজোলি ন-গরঙর্ তুই তারারে এ জগদত্তুন্ নেযাগোই, বরং কোজোলি গরঙত্তে, শদান আঢত্তুন্ তারারে রোক্ষ্যে গর্।

রোমীয় 11:36

বেক্কানি দঅ তাত্তুন্ আর তা মাধ্যমে এজে আর বেক্কানি তা নাঙে। উমরত্তে তার্ বাঈনী ওক্। আমেন।

রোমীয় 16:27

তে বানা এক্কো গোজেন, তেয়ই জ্ঞানী। যীশু খ্রীষ্টর্ মাধ্যমে উমরত্তে তার্ বাঈনী ওক্। আমেন।

১ করিন্হীয় 1:21

গোজেনে তার্ নিজোর্ জ্ঞানে থির্ গোজ্জ্যে বিলিনে জগদ্‌তানে তার্ নিজো জ্ঞান্দোই গোজেনরে হবর্ ন-পায়। ইয়েনত্তে গম্ হবরর্ মূর্খতালোই পাপত্তুন্ বিশ্বেজিগুনোরে উদ্ধোর্ গরানা গোজেনে গম্ বিলি মনে গুরিলো।

১ করিন্হীয় 10:13

মান্‌জ্য জিংকানিত্ যেদক্কানি পোরোক্ষ্যে ওই থায় সিয়েনি বাদে আর অন্য কনঅ পোরোক্ষ্যে দঅ তমা উগুরে ন-অয়। গোজেনে বিশ্বেজবলা; সোজ্জ্যর্ বারেদি পোরোক্ষ্যে তে তমা উগুরে অবাত্তে ন-দিবো, বরং পোরোক্ষ্যের্ লগে লগে সিয়েনত্তুন্ নিগিলি এবার্ এক্কান পধ-অ তে গুরি দিবো যেন তুমি সিয়েন সোজ্জ্য গুরি পারঅ।

১ করিন্হীয় 15:50

ভেইলগ্, মুই যিয়েন কঙর্ সিয়েন এই-মানুচ্‌ তার্ লুয়ো-য়েরা কিয়্যেলোই গোজেন রেজ্যর্ অধিকারী ওই ন-পারে। যিয়েন বর্‌বাদ ওই যেবঅ সিয়েন এমন কিজুর্ অধিকারি ওই ন-পারে যিয়েন বর্‌বাদ ন-অবঅ।

২ করিন্হীয় 1:10

এক দর্‌‌গরেপারা মরণর্ আঢত্তুন্ তে আমারে রোক্ষ্যে গোজ্জ্যে আর এজঅ গরের্। আমি তা উগুরে এ আজাগান রাগেই যে, তে নিত্য আমারে রোক্ষ্যে গরানাত্ থেবঅ।

গালাতীয় 1:5

উমরত্যে গোজেনর্ বাঈনী ওক্‌। আমেন।

১ থিষলনীকীয় 5:23

শান্তিদিয়্যে গোজেনে নিজেই তমারে পুরোপুরি গুরিনে পবিত্র গোরোক্, আর আমার প্রভু যীশু খ্রীষ্ট এবার্ সময়োত্ তমার পুরো কিয়্যেগান-আত্মাগান-মনান নিদ্দুজি রাগেয়ো।

২ থিষলনীকীয় 3:3

মাত্তর্ প্রভু বিশ্বেজ্‌বলা; তেয়ই তমারে থির্ রাগেব আর শদান আঢত্তুন্ তমারে রোক্ষ্যে গুরিবো।

১ তীমথিয় 1:17

যিবে উমরর্ রাজা, যার কনঅ ক্ষয় নেই আর যিবেরে দেগা ন-যায়, উমরত্যে তেয়ই বানা গোজেনর্ সর্মান আর বাঈনী পোক্‌। আমেন।

১ তীমথিয় 6:16

বানা গোজেনে মরণর্ অধীন নয়। তে এমন্‌ পহ্‌রত বজত্তি গরে যিয়েনত্ কনঅ মানুচ্‌ যেই ন-পারে। কনঅ মানুচ্‌ কনদিন্‌‌অ তারে নয়ো দেগন, নয়ো দেগিবাক্। সর্মান আর খেমতা উমরত্যে তার্। আমেন।

২ তীমথিয় 1:12

ইয়েনত্যে মুই এ দুঘ্‌কানি ভুগোঙর্; তো মুই ন-লাজাঙর্, কিয়া মুই কোই পারং মুই কা উগুরে বিশ্বেজ্ গোজ্জ্যং। মুই ঘেচ্চ্যেকগুরি কোই পারং, মুই তা ইধু যিয়েনি থোইয়োং খ্রীষ্টর এবার দিন্নোত্যে সিয়েনি রোক্ষ্যে গুরিবার খেমতা তার্ আঘে।

২ তীমথিয় 4:1

খ্রীষ্টর্ ফিরি এজানা আর তা রেজ্য পৌইদ্যেনে মনত্ রাগেইনে গোজেন মুজুঙোত্ আর যিবে জেদা আর মরাগুনোর্ বিচের্ গুরিবো সেই খ্রীষ্ট যীশুর্ মুজুঙোত্ মুই তরে এ উগুমান দুয়োঙর্-

ইব্রীয় 11:16

মাত্তর্ তারা আরঅ গম এক্কান দেজর্, অত্তাৎ স্বর্গগানরে তগাদন্। সেনত্যে গোজেনে নিজোরে তারার্ গোজেন কধে ন-লাজায়, কিয়া তে তারাত্যে এক্কান শঅর্ বানেয়্যে।

ইব্রীয় 12:22

তুমি দঅ সিয়োন মূড়োবো আর জেদা গোজেনর্ শঅর কায় কুরে এচ্চ্য। সেই শঅরান্ অলঅ স্বর্গর্ যিরূশালেম। তুমি আজার্ আজার্ স্বর্গদূতোর্ হুজির্ পরব ইধু এচ্চ্য;

ইব্রীয় 13:21

যিয়েনি গম সিয়েনিলোই তে তার্ আওজ্ মজিম চলিবাত্যে তমারে পুরোপুরি যুক্কোল্ গোরোক্। তার্ চোগেদি যিয়েন গম্ যীশু খ্রীষ্টর্ মাধ্যমে আমা রিবেঙত্ তে সিয়েনই গোরোক্। উমরত্যে গোজেনর্ বাঈনী গরা ওক্‌। আমেন।

যাকোব 2:5

মর্ কোচ্‌‌পেইয়্যে ভেইয়ুন্, শুনো। এই জগদর্ চোগেদি যিগুনে নাঢা মানুচ্, বিশ্বাজে তাগোয়্যে অবাত্যে গোজেনে কি তারারে বেঈ ন-লয়? যিগুনে গোজেনরে কোচ্‌পান সিগুনোরে তে যে রেজ্যগান দিবার্ এগেম্ গোজ্জ্যে সেই রেজ্যগানর্ অধিকারী অবাত্যে এই নাঢা মানুচ্চুনোরে কি তে বেঈ ন-লয়?

১ পিতর 1:5

তুমি পুরোপুরি গুরিনে উদ্ধোর্ ন-পানা সং গোজেনর্ খেমতায় বিশ্বেজ্‌‌চান্দোই তমারে গমেডালে থুয়ো অর্। শেজ্ সময়োত্ ফগদাং অবাত্যে সেই উদ্ধোরর্ যুক্কোল্ গুরি থুয়ো ওইয়্যে।

১ পিতর 5:11

তার খেমতাগান্ উমরত্যে থোক্। আমেন।

২ পিতর 1:11

ইয়েন্দোই আমা প্রভু আর উদ্দোর্ গুরিয়্যে যীশু খ্রীষ্টর্ উমরর্ রেজ্যগান আওজ্ গুরিনে মানি ল-পরিবো।

২ পিতর 3:18

তুমি আমার প্রভু আর উদ্ধোর্ গুরিয়্যে যীশু খ্রীষ্টর্ দোয়্যেই আর তা পৌইদ্যেনে জ্ঞানে বাড়ি উদোনাত্ থাগঅ। ইক্কিনে আর উমর সং তারই বাঈনী ওক্‌। আমেন।

যিহূদা 1:1

মুই যীশু খ্রীষ্টর চাগর আর যাকোবর্ ভেই যিহূদা। বাবা গোজেনে যিগুনোরে ডাক্ক্যে আর কোচ্‌পেইয়্যে আহ্ যীশু খ্রীষ্ট যিগুনোরে রোক্ষ্যে গোজ্জ্যে তারা ইধু মুই এ চিধিগান লেগঙর্।

১ শমূয়েল 17:37

দায়ূদে আরঅ কলঅ, “লগেপ্রভু, যিবে মরে সিংহ আর ভালুগো মুয়োত্তুন্‌ রোক্ষ্যে গোজ্যে, তেয়ই মরে সেই পলেষ্টীয়গুনোর আঢত্তুন্‌অ রোক্ষ্যে গুরিবো।” সেক্কে শৌল দায়ূদরে কলঅ, “সালে যাহ্, লগেপ্রভু তর্‌ লগে থোক্।”

১ শমূয়েল 25:39

নাবলর্ মরাণার হবর্‌ পেইনে দায়ূদে কলঅ, “লগেপ্রভুর বাঈনী ওক্‌। তে নাবলর্ বিরুদ্ধে মর্‌ পক্ষেন্দি থিয়েইয়্যে, কিত্যে নাবলে মরে অগমান গোজ্যে, আর নাবলর্ অন্যেয়ানরে নাবল উগুরে ফিরেই দিয়্যে।” পরেন্দি দায়ূদে অবীমেলকরে লবার্‌ সল্লাগান্ তাইদু মানুচ্‌ পাধেই দিলো।