২ তীমথিয় 3:8 - Chakma Bible

⁸ যেধোক্ক্যেন গুরি যান্নি আর যাম্ব্রি মোশি বিরুদ্ধে থিয়্যেয়োন্ ঠিগ্ সেবাবোত্যে গুরি এ মানুচ্চুনেয়ো সেই সত্যগানর্ বিরুদ্ধে থিয়্যেয়োন্। ইগুনোর্ মনানি কুজুরো আর খ্রীষ্টীয় ধর্ম-বিশ্বেজর্ কনঅ প্রমাণ তারা ইধু পাহ্ ন-যায়।

২ তীমথিয় 3:8 Iomraidhean Croise

যাত্রা 7:11

ফরৌণে সেক্কে জ্ঞানীগুনোরে আন মাত্তলে ধরেদে বাবোত্যে জিনিস কামত্‌ লাগেই পারন্দে মানুচ্চুনোরে, অত্তাৎ যাদু পারিয়্যেগুনোরে ডাগিলো। তারায়ো তারার যাদুমন্ত্রলোই একই কাম গুরিলাক্।

যাত্রা 7:22

সেক্কে মিসরীয় যাদু পারিয়্যেগুনে তারার্‌ যাদুমন্ত্রলোই একই কাম্‌ গুরিলাক্। সেনত্যে ফরৌণ মনান্‌ আরঅ চিৎনপুজ্যে ওই উদিলো। লগেপ্রভু যিয়েনি কোইয়্যে সিয়েন অলঅ; মোশি আর হারোণর্ কধা ফরৌণে ন-শুনিলো,

যাত্রা 8:18

যাদু গুরিয়্যেগুনে তারার্‌ যাদুমন্ত্রলোই মশা আনিবার্‌ চেরেস্‌তা গুরিলাক্ মাত্তর্‌ ন-পারিলাক্। মানুচ্ আর য়েমানুনো উগুরে মশা পড়া ধুরিলাক্।

যাত্রা 8:7

যাদুকরুনেয়ো তারার্‌ যাদুমন্ত্রর বলে সেই এক্কুই কাম্‌ গুরিলাক্। তারায়ো মিসর্‌ দেজত্‌ বেঙ্‌ আনিলাক্।

প্রেরিত্‌ 15:24

“আমি শুনিলোং, আমা ভিদিরেত্তুন্ কয়েকজনে যেইনে ভালোক্কানি কধা কোইনে তমা মনানি যাগুলুগ্ গুরিনে দুঘ্ দুয়োন, মাত্তর্ আমি তারারে এবাবোত্যে কাম্ গুরিবাত্তে ন-কোই।

রোমীয় 1:28

এবাবোত্যেগুরি মানুচ্‌ গোজেনরে মানিবাত্তে ন-চান্ বিলি গোজেনেয়ো পাপ্পোই ভরা মনঅ আঢত্ তারারে ইরি দিয়্যে, আর সেনত্তে মানুচ্‌ ভান্ন্যেই কাম্ গুরি থান্।

রোমীয় 16:18

কিয়া এবাবোত্যে মানুচ্চুনে আমা প্রভু খ্রীষ্টরে সেবা ন-গুরিনে বরং নিজো পেদর্ সেবা গত্তন্। মিধে মিধে আর বিগিদি কধা কোইনে তারা মাদিঘিলে মানুচ্চুনোরে ঠগাদন্।

ইফিষীয় 4:14

মান্‌জ্যে পাজি বুদ্ধি খাদেইনে অন্যগুনোরে ভুল্ পধেদি নেযেবাত্যে যে ভুল্ শিক্ষ্যেনি দুয়োন, সেই ভুল্ শিক্ষ্যেনি ভিদিরে আমি বৈয়্যেরে দুলি উঠ্যে তুবোল ধোক্ক্যেন ইন্দি উন্দি ন-দুলিবোং।

১ তীমথিয় 1:19

আর সে লগে বিশ্বেজ্ আর সাব্ বিবেক রোক্ষ্যে গর্। কুদুক্কুন মান্‌জ্যে বিবেগর্ কধানি ন-শুনিনে তারার্ বিশ্বেজত্ যাগুলুগ্ গুরি দুয়োন।

১ তীমথিয় 4:2

বিবেক বাজে ওই যেয়্যে এমন বেক্ মিজে মাদিয়্যে মানুচ্চুনোর ভন্ডামিত্যে এবাবোত্যে অবঅ।

১ তীমথিয় 6:5

আর চিগোন মনা মানুচ্চুনো ভিদিরে নিত্য যাগুলুগ্। এ মানুচ্চুনো ভিদিরে গোজেনর্ সত্য নেই; তারা খ্রীষ্টীয় ধর্ম-বিশ্বেজ্‌চানরে এক্কান জগদর্ লাভর্ উপায় বিলিনে মনে গরন্।

২ তীমথিয় 4:15

তুইয়ো তা পৌইদ্যেনে উজিয়ার্ থাগ্, কিয়া তে আমা প্রচারর্ বিরুদ্ধে দরমর গুরি লাক্ক্যে।

তীত 1:10

এধোক্ক্যেন বোউত্ মানুচ্‌ আঘন্ যিগুনে উল্লো, যিগুনে বাজে কধা কন্ আর যিগুনে ছলনা গুরি বেড়ান্। যিগুনে চুনু মাঢা কাবানা উগুরে জোর্ দুয়োন, বিশেষ গুরি মুই তারা কধানি কঙর্।

তীত 1:16

মুয়োদি তারা কন্দে তারা গোজনরে জানন্, মাত্তর্ তারার্ কামানিলোই তারা তারে অস্বীগের্ গরন্। তারা ঈচ্‌গরা খেইয়্যে আর অবাধ্য; তারা কনঅ গম কামর্ যগাজ্জ্যে নয়।

২ পিতর 2:14

তারার চোগ্‌কুন্ পরপাগোল্যেলোই ভরা আর তারা পাপ-কাম গরানা কনঅ দিনঅ ন-থামান। যিগুনে চুলুবুলু সিগুনোরে তারা লুভ্ দেগেইনে ভুল পধেদি নেযান্। তারার্ মনানি বানা লুভ গুরিবাত্যে শিক্ষ্যে। তারা উগুরে অভিশাব্ আঘে। তারা উজু পথ্‌তান ফেলেইনে ভুল পধেদি যেইয়োন।

১ যোহন 2:18

পুয়ো-ছা লগ্, ইবেয়ই শেজ্ সময়। তুমি দঅ শুন্ন্য যে, খ্রীষ্ট-শত্রুবো এজের্, মাত্তর্ তার আরঅ ভালোক্কুন্ শত্রু এ ভিদিরে এই যেইয়োন। সেনত্যে আমি বুঝি পারির্, ইবেয়ই শেষ্ সময়।

১ যোহন 4:1

কোচ্‌পানার্ পুয়ো-ছা লগ্, তুমি বেক্‌ আত্মাগুনোরে বিশ্বেজ্ ন-গোজ্জ্য, বরং চাগি চঅ সিগুনে গোজেনত্তুন্ এচ্চ্যন কিনা, কিয়া জগদত্ বোউত্ ভন্ড ভাববাদী নিগিল্লোন।

ফগদাং পেইয়্যে 2:20

তো তঅ বিরুদ্ধে মর্ এ কধাগান কবার্ আঘেদে, তুই ইষেবল নাঙে সেই মিলেবোর্ অন্যেয় সোজ্জ্য গরর্। এই ইষেবলে নিজোরে ভাববাদী কয়। তা শিক্ষ্যেলোই তে মর্ চাগরুনোরে ভুলোয় যেন তারা বেগেয়্যে গরন্ আর মূত্তি ইধু উৎসর্ব গোজ্জ্যে হানা হান্।

ফগদাং পেইয়্যে 2:6

মাত্তর্ এই এক্কান গুণ তর্ আঘে, নীকলায়তীয়গুনে যিয়েনি গরন সিয়েনি তুই ঘিনাচ্, আর মুইয়ো সিয়েনি ঘিনাং।