২ তীমথিয় 3:14 - Chakma Bible

¹⁴ মাত্তর্ তুই যিয়েনি শিক্ক্যচ্ আর ঘেচ্চ্যেক গুরি বিশ্বেজ্ গোজ্জ্যস্ সিয়েনিলোই থির্ থাগ্, কিয়া কাত্তুন্ তুই সিয়েনি শিক্ক্যচ্ সিয়েন দঅ তুই কোই পারচ্।

২ তীমথিয় 3:14 Iomraidhean Croise

প্রেরিত্‌ 17:31

কিয়া তে এমন্‌ এক্কো দিন ঠিগ্ গোজ্যে যেদিন্ন্যে তার্ বেঈ লোইয়্যে মানুচ্চোলোই তে গমেডালে মান্‌জ্যর্ বিচের্ গুরিবো। তে সেই মানুচ্চোরে মরণত্তুন্ জেদা গুরি তুলিনে বেক্ মানুচ্চুনো ইধু ইয়েনর্ প্রমাণ্ দিয়্যে।

রোমীয় 14:5

কারঅ ইধু কনঅ এক্কো দিন অন্য এক্কো দিনোত্তুন্ মূল্যবান। আরঅ কেঅ বেক্‌ দিনুনোরে সং মনে গরন্। এ পৌইদ্যেনে কন্না কি গুরিবো ন-গুরিবো, সিয়েন্দোই যেন তা মনান্ পুরোপুরি গুরিনে সায় দে।

কলসীয় 2:2

মুই চাং যেন তারা রিবেঙত্ উচ্চোমি পান আর কোচ্‌পানালোই এক অন্, আর খ্রীষ্ট পৌইদ্যেনে বুঝোনার ফলে যে নিচ্চয়তা পা-যায় সেই পুরো নিচ্চয়তাগান বেশ্ গুরিনে পান্। সিয়েনর কারনে গোজেনর্ গুমুরো সত্যগানরে, অত্তাৎ খ্রীষ্টরে তারা জানি পারিবাক্।

১ থিষলনীকীয় 1:5

কিয়া আমার ফগদাং গোজ্জ্যে গম্ হবরান বানা কধালোই তমা ইধু ন-এজে, মাত্তর্ সিয়েন খেমতা, পবিত্র আত্মা আর পুরোপুরি নিচ্চিত্ গুরি এচ্চ্যে। তমা সমারে থেবার অক্তত্ তমার ভালেদিত্যে আমি কেধোক্ক্যেন গুরিনে আঢাউদো গোজ্জ্যেই সিয়েন তুমি কোই পারঅ।

১ থিষলনীকীয় 2:13

আমি নিত্য গোজেনরে ভালেদি জানের্, কিয়া গোজেনর্ কধানি আমাত্তুন্ শুনিনে যেক্কে তুমি বিশ্বেজ্ গোজ্জ্য সেক্কে তুমি সিয়েন মান্‌জ্যর বিলিনে নয়, মাত্তর্ গোজেনর্ কধা বিলিনেই মানি লোইয়ো। আর ঘেচ্চ্যেকগুরি সিয়েন গোজেনর্ কধা। তুমি যিগুনে বিশ্বেজ্ গোজ্জ্য, তমা মনত্ সেই কধানিয়ে কাম গোজ্জ্যে।

১ তীমথিয় 4:16

তর্ নিজো পৌইদ্যেনে আর তর্ শিক্ষ্যে পৌইদ্যেনে উজিয়ার্ থাক্। ইয়েনি গরানাত্ থাক্, কিয়া সেক্কে তুই নিজোরে রোক্ষ্যে গুরি পারিবে আর যিগুনে তঅ কধা শুনিবাক্ তারারেয়ো রোক্ষ্যে গুরি পারিবে।

২ তীমথিয় 1:13

তুই মত্তুন্ যিয়েনি শুন্ন্যচ্ সে সত্য শিক্ষ্যেগানি তর্ আদর্শ ইজেবে ধুরি থঅ; আর খ্রীষ্ট যীশু লগে মিজেনার ফলে আমা মনত্ যে কোচ্‌পানা আর বিশ্বেজ্ ওইয়্যে সিয়েন্অ ধুরি রাগা।

২ তীমথিয় 2:2

ভালোক্কুন সাক্ষীর্ মুজুঙোত্ মঅ মুয়োত্তুন যেদক্কানি শিক্ষ্যের্ কধা তুই শুন্ন্যচ্ সেই শিক্ষ্যেনি ধুরি রাগেবাত্যে তুই সিয়েনি এন্‌ বিশ্বেজি মানুচ্চুনোরে দে যিগুনোর্ অন্যগুনোরে শিক্ষ্যে দিবার কাবিল আঘে।

২ তীমথিয় 3:15

চিগনত্তুন্ ধুরিনে তুই পবিত্র বোইবোত্তুন্ শিক্ষ্যে পেইয়োচ্। আর এ পবিত্র বোইবো তরে খ্রীষ্ট যীশু উগুরে বিশ্বেজর্ মাধ্যমে পাপত্তুন্ উদ্ধোর্ পেবাত্যে জ্ঞান দি পারে।

তীত 1:9

গোজেনর্ বিশ্বেজবলা কধানি, যিয়েনি মুই শিক্ষ্যে দুয়োং, তাত্তুন্ সিয়েনি দরমর গুরি ধুরি থা পরিবো, যেন সত্য শিক্ষ্যে পৌইদ্যেনে তে প্রচার গুরি পারে আর যিগুনে বিরুদ্ধে যান্ তারারে ভুলানি দেগেই দি পারে।

ইব্রীয় 10:22

সেনত্যে বিশ্বেজর্ মাধ্যমে যে নিচ্চয়তাগান এজে, এজঅ, আমি সেই পুরোপুরি নিচ্চয়তাগানর্ খাটি রিবেঙোই গোজেন মুজুঙোত্ যেই; কিয়া দুষি বিবেগ আঢত্তুন্ আমা রিবেঙানরে লো ছিদিনেই সিজি গরা ওইয়্যে আর পন্ পানিলোই আমা কিয়্যেগানিরে ধূয়ো ওইয়্যে।

ইব্রীয় 6:11

আমি চেই, তুমি পত্তিজনে যেন থুম্ সং এক্কুই আওজ্ দেগঅ। সেক্কে তুমি পুরোপুরি গুরি নিচ্চিত্ অবা যে, তমার আজাগান পূরোণ অবঅ।