২ তীমথিয় 3:12 - Chakma Bible

¹² আসলে যিগুনে খ্রীষ্ট যীশুর্ লগে মিজেইনে গোজেন উগুরে ভোক্তিবলা জিংকানি কাদেবাত্যে চান্ তারা অত্যেচারিত অবাক্।

২ তীমথিয় 3:12 Iomraidhean Croise

মথি লেখ্যে গম্ হবর্ 16:24

ইয়েনর্ পরেদি যীশু তা শিচ্চ্যগুনোরে কলঅ, “যুনি কেঅ মঅ পথ্‌তানদি এবাত্তে চায় সালে তে নিজোর্ আওজ্ মজিম ন-চোলোক্; নিজো ক্রুশ্‌চান বুয়োইনে তে মঅ পিজে পিজে এজোক্।

মথি লেখ্যে গম্ হবর্ 23:34

সেনত্যে মুই তমারে কঙর্, মুই তমা ইধু ভাববাদী, জ্ঞানী মানুচ্ আর ধর্ম-মাষ্টরুনোরে পাদাঙর্। তুমি তারাত্তুন্ কয়েকজনরে খুন্ গুরিবা আর কয়েকজনরে ক্রুশোত্ দিবা। কয়েকজনরে তমা সমাজ-ঘরত্ চাবুক্ মারিবা আর এক আদামত্তুন্ অন্য আদামত্ লোড়েইনে বেড়েবা।

মার্ক 10:30

তে এ যুগোত্ তার একশঅ গুন্ বেশ্ ঘর-বাড়ি, ভেই-বোন, মা, পুয়ো-ঝি আর জাগা-জোবিন্ পেবঅ আর সমারে সমারে অত্যেচার্‌‌‍অ পেবঅ; আর এজেত্তে যুগোত্ তে উমর জিংকানি পেবঅ।

যোহন 16:2

মানুচ্চুনে সমাজ-ঘরত্তুন্ তমারে নিগিলেই দিবাক্; এন্ কি, সময় এজের্ যেক্কে তমারে যিগুনে মারে ফেলেবাক্ তারা মনে গুরিবাক্ যে, তারা গোজেনর্ সেবা গত্তন্।

যোহন 16:33

মুই তমারে ইয়েনি বেক্কানি কলুং যেন তুমি মঅ সমারে আঘঅ কিনেই মনত্ শান্তি পঅ। এ জগদত্ তুমি কষ্ট আর চাপ মুয়োত্ আঘ, মাত্তর্ সাহচ্‌ ন-আরেইয়ো; মুয়ই জগদ্‌তানরে জয় গোজ্যং।”

যোহন 17:14

তুই যিয়েনি কোইয়োচ্ মুই তারারে সিয়েনি জানেয়োং। জগদ মানুচ্চুনে তারারে ঈচ্ গোজ্যন্, কিয়া মুই যেধোক্ক্যেন্ এ জগদর্ নয় তারায়ো সেধোক্ক্যেন্ এ জগদর্ নয়।

১ করিন্হীয় 15:19

খ্রীষ্ট উগুরে আমার্ যে আজা সিয়েন যুনি বানা এ জিংকানিত্যে অয় সালে বেক্‌ মানুচ্চুনোত্তুন্ আমার বেশ্ পড়াকবাল্যে।

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

২ করিন্হীয় 4:9

অত্যেচারিত অলেয়ো গোজেনে আমারে ন-ছাড়ের্; মাদিত্ আযার্ মারিলেয়ো আমি ভস্ত ন-ওর্।

১ তীমথিয় 2:2

এবাবোত্যেগুরি রাজাগুনোত্যে আর যিগুনো আঢত্ খেমতা আঘে তারার্ বেক্কুনোত্যে তবনা গরা পড়িবো, যেনে গোজেন উগুরে ভোক্তি দেগেইনে আর গমেডালে চলিনে আমি থির্ আর সুগে-শান্দিয়্যে জিংকানি কাদে পারিই।

১ তীমথিয় 3:16

খ্রীষ্টীয় ধর্ম-বিশ্বেজর্ গুমুরো সত্যগান যে দাঙর্ সিয়েন অস্বিগের্ গরা ন-যায়। সেই সত্যগান ইয়েন- তে মানুচ্‌ ইজেবে ফগদাং পেলঅ; তে যে নিদ্দুজি পবিত্র আত্মাগানে সিয়েন প্রমাণ গুরিলো; স্বর্গদূত্‌তুনে তারে দেক্ক্যন; বেক্‌ জাদ্‌তুনো ইধু তা পৌইদ্যেনে প্রচার গরা ওইয়্যে; জগদত্ তা উগুরে মান্‌জ্যে বিশ্বেজ্ গোজ্জ্যন; স্বর্গত্ তারে মহিমার্ সমারে তুলি নেযা ওইয়্যে।

১ তীমথিয় 6:3

কেঅ যুনি অন্য বাবোত্যে শিক্ষ্যে দে আর সত্য উপদেচ্‌, অত্তাৎ আমা প্রভু যীশু খ্রীষ্টর্ শিক্ষ্যে আর গোজেন-ভোক্তির্ শিক্ষ্যে মানি ন-লয় সালে তে দেমাগী।

তীত 1:1

মুই পৌল গোজেনর্ চাগর আর যীশু খ্রীষ্টর্ এক্কো প্রচারক ওইয়োং, যেন মুই গোজেনর্ বেঈ লোইয়্যে মানুচ্চুনোরে বিশ্বেজর্ পধেদি আনি পারং, আর গোজেন-ভোক্তির্ সমারে যে সত্যগান আঘে সেই সত্যগানরে জানিবাত্যে তারারে সাহায্য গুরি পারং।

তীত 2:12

এই দোয়্যেগানে আমারে শিক্ষ্যে দেত্তে যেন আমি গোজেন উগুরে ভোক্তি-নেইয়্যে আর জগদর্ কামনা-বাসনারে এলাফেলা গুরিনে এ জগদত্ নিজোরে দোঙেই রাগেইনে গোজেন-ভোক্তি সমারে গম্ জিংকানি কাদেই,

যিহোশূয় 17:14

যোষেফ-গুট্টির মানুচ্চুনে যেইনে যিহোশূয়রে কলাক্‌, “সোম্বোত্তি ইজেবে কিত্তেই তুই আমারে বানা এক ভাগ দুয়োচ্‌? লগেপ্রভুর আশিদ্‌বাদে আমার মান্‌জ্যর সোংখ্যে বোউত্‌।”

১ পিতর 3:14

গোজেনর্ আওজ্‌ মজিম চলিবাত্যে যেইনে যুনি তমাত্তুন্ দুগ্অ ভুগো পড়ে সালে তুমি বর্ পেইয়্যে। যিগুনে তমারে দুঘ্ দুয়োন তারারে তুই ন-দোরেচ্ বা দুঘোত্ ওলোজোলো ন-ওচ্,

২ পিতর 3:11

বেক্কানি যেক্কে এবাবোত্যেগুরি ভস্ত অবাত্যে যার্ সেক্কে তমার কিবাবোত্যে মানুচ্‌ অনা উচিত? আওজ্ গুরিনে গোজেন দিন্নোরে বাজ্জেই থেইনে তমার পবিত্র আর গোজেন উগুরে ভোক্তিবলা জিংকানি কাদানা উচিত। সেদিন্ন্যে দাঙর্ আগাজ্‌চান পুড়ি যাদে যাদে ভস্ত ওই যেবঅ আর বেলান-চানান আর তারাগুন আগুনোত্ গলি যেবাক্।

ফগদাং পেইয়্যে 12:4

তা লেজ্‌চান্দোই তে আগাজর্ তিন ভাগর্ এক ভাগ তারা টানি আনিনে পিত্‌থিমীত্ লুঙি মারি দিলো। যে মিলেবোর পুয়ো অদ যার্ দানপ্পো তা মুজুঙোত্ থিয়্যেই এলঅ যেন পুয়োবোর জর্ম অলে তে হেই ফেলেই পারে।

ফগদাং পেইয়্যে 7:14

মুই তারে কলুং, “চাহ্, সিয়েন তুয়ই কোই পারচ্।” তে মরে কলঅ, “সেই অমকদ দুঘোত্তুন্ যিগুনে এচ্চ্যন ইগুনে সিগুনই। ইগুনে তারার্ কাবড়ানি ভেড়া-ছঅ লো-লোই ধোইনে ধুব্ গোজ্জ্যন।