২ তীমথিয় 3:11 - Chakma Bible

¹¹ ইয়েনিবাদে আন্তিয়খিয়াত, ইকনিয়ত আর লুস্ত্রাত মুই যেদক্কানি অত্যেচার আর দুঘ্ পেইয়োং সেই বেক্‌ অত্যেচারর্ কধায়ো তুই কোই পারচ্, মাত্তর্ প্রভু সিয়েনি বেক্কানিত্তুন্ মরে রোক্ষ্যে গোজ্জ্যে।

২ তীমথিয় 3:11 Iomraidhean Croise

পত্থম 48:16

সেই স্বর্গদূত্তো, যিবে মরে বেক্‌ দজাত্তুন্‌ উদ্ধোর্‌ গোজ্যে, তে এ পুয়োগুনোরে বর্ দুয়োক্‌। ইগুনোরে দিইনে মর্‌ আর মঅ পুরোণি মানুজ্‌ অব্রাহাম আর ইসহাক নাঙানি জিংকানিবর্ বাঁজি থোক্‌। আমা দেজ ভিদিরে তারা বংশর্‌ মানুচ্চুনে জনেদি ভালোক্কুন্‌ বাড়োদোক্‌।”

২ শমূয়েল 22:1

লগেপ্রভু যেক্কে দায়ূদোরে শৌল আর তার অন্য শত্রুগুনোর্‌ আঢত্তুন্‌ উদ্ধোর্ গুরিলো সেক্কে তে লগেপ্রভুর নাঙে এ গান্নো গেইয়্যে:

২ শমূয়েল 22:49

তে শত্রুগুনোর আঢত্তুন্ মরে রোক্ষ্যে গোজ্যে। ও গোজেন, তুই মরে শত্রুগুনোর উগুরে তুল্যচ্‌, অত্যেচারী মানুচ্চুনোর আঢত্তুন্ তুয়ই মরে রোক্ষ্যে গোজ্যস্‌।

গীতসংহিতা 34:19

যে ন্যায়র পধেদি চলে তা দজাগান দাঙর্ অলেয়ো সিয়েনিত্তুন্ লগেপ্রভু তারে উদ্ধোর্ গরে।

গীতসংহিতা 37:40

লগেপ্রভুই তারারে সাহায্য আর রোক্ষ্যে গরে; পাজিগুনোর আঢত্তুন তেয়ই তারারে উদ্ধোর গরে, আর তেয়ই তারারে বাঁজাই, কিয়া তারা তাইদু আশ্রয় নেযেয়োন।

গীতসংহিতা 91:14

লগেপ্রভু কোইয়্যেদে, “কোচ্‌পানালোই যে মরে আজাবোধে ধোজ্যে, তারে মুই রোক্ষ্যে গুরিম; মুই তারে দজাত্ ন-ফেলেম, কিত্তে তে মরে ঘেচ্ছেক্‌গুরি চিন্যে।

যিশাইয় 41:10

সেনত্তে তুই ন-দোরেচ্, মুই দঅ তঅ সমারে সমারে আগং; থির্ নেইয়্যে ন-ওইয়ো, কিত্তে মুই তর্ গোজেন। মুই তরে খেমতা দিম্ আর ঘেচ্চেকগুরি সাহায্য গুরিম আর মর্ ন্যায়র ডেন্ আঢ্‌তানিলোই তরে হামাক্কায় ধুরি রাগেম।‌‌

যিশাইয় 41:14

ও যাকোব, ও ইস্রায়েল, তুই যুনিয়ো পুগো ধোক্ক্যেন সামান্য তো ন-দোরেচ্; মুই নিজেই তরে সাহায্য গুরিম। মুই লগেপ্রভু তর্ উদ্ধোরগুরিয়্যে ইস্রায়েলর সেই সুদ্ধো-সাংগ মানুচ্চো এ কধাগান কঙর্।

যিশাইয় 43:2

তুই যেক্কে পানি উগুরেদি যেবে সেক্কে মুই তঅ লগে লগে থেম্। যেক্কে তুই গাঙ উগুরেদি যেবে, সেক্কে সিয়েনিয়ে তরে ন-ডুবেব; তুই যেক্কে আগুনো উগুরেদি যেবে, সেক্কে তুই পুড়ি ন-যেবে, আগুনো জ্বিলান্ তঅ কিয়্যেত্ ন-বাঁজিবো;

যিরমিয় 1:19

তারা তঅ বিরুদ্ধে যুদ্ধো গুরিবাক্ মাত্তর্ তরে ওদেই দি ন-পারিবাক্, কিত্তে তরে রোক্ষ্যে গুরিবাত্তে মুই তঅ লগে লগে আগং। মুই লগেপ্রভু এ কধাগান কঙর্।”

দানিয়েল 6:27

তে রোক্ষ্যে আর উদ্ধোর গরে; তে আগাজত্ আহ্ পিত্‌‌থিমীত্ চিহ্নো ইজেবে নানান্ বাবোত্যে আমক্ কাম গরে। তে সিংহগুনো আঢত্তুন্ দানিয়েলরে রোক্ষ্যে গোজ্যে।

প্রেরিত্‌ 13:14

যেরেদি তারা পর্গাত্তুন্ পিষিদিয়া রেজ্যর্ আন্তিয়খিয়া শঅরত্ গেলাক্ আর জিরেবার দিন্নোত্ সমাজ-ঘরত যেইনে বলাক্।

প্রেরিত্‌ 13:45

এদক্ মান্‌জ্যর্ ভীড়্ দেগিনে যিহূদীগুনে ইংসে গুরিলাক্ আর পৌলে যিয়েন কোইয়্যে তা বিরুদ্ধে নানান্ বাবোত্যে কধা কোইনে তারে বদ্‌নাঙ্ গরা ধুরিলাক্।

প্রেরিত্‌ 14:8

লুস্ত্রা শঅরত্ এক্কো লেং মানুচ্‌ বৈই থেদঅ। তে জর্মত্তুন্ ধুরি লেং এলঅ আর কনদিন্অ ন-আঢে।

প্রেরিত্‌ 20:19

যিহূদীগুনোর নানান্ কুজুরোমির্ কারনে মত্তুন্ জদবদে পোরোক্ষ্যেত্ পরা পোজ্জ্যে, মাত্তর্ মুই খুব্ নম্র গুরিনে চোগো পানিলোই প্রভুর্ চাগর্ ওইনে তার্ সেবা গোজ্জ্যং।

প্রেরিত্‌ 23:10

সেই কোল্-কোজ্জ্যেগান্ এদক্ দাঙর্ অলঅ যে, আজল্ সেনাপতিবো দোরেলদে যে যুনি তারা পৌলরে কট্টা কট্টা গুরি ফেলান্। তে সৈন্যগুনোরে উগুম্ দিলো যেন তারা যেইনে মানুচ্চুনো আঢত্তুন্ পৌলরে ছাড়েই আনিনে কেম্পত্ নেযান্।

প্রেরিত্‌ 26:17

তর্ নিজো মানুচ্চুনোত্তুন্ আর অযিহূদীগুনো আঢত্তুন্ মুই তরে রোক্ষ্যে গুরিম। তারা চোগ্‌কুন্ মেলি দিবাত্যে আর আন্ধারত্তুন্ পহ্‌রত্ আহ্ শদান খেমতার্ আঢত্তুন্ গোজেন ইধু ফিরেই আনিবাত্যে মুই তরে তারা ইধু দিপাধাঙর্, যেন মঅ উগুরে বিশ্বেজর্ কারনে তারা পাপর্ ক্ষেমা পান্ আর গোজেন নাঙে যিগুনোরে যুদো গুরি থুয়ো ওইয়্যে তারা ইধু জাগা পান্।

প্রেরিত্‌ 26:22

মাত্তর্ গোজেনে এচ্চ্যে সং মরে এজাল্ দি এজের্ আর সেনত্তে মুই ইয়েনত্ থিয়্যেইনে চিগোন্-দাঙর্ বেক্কুনো ইধু সাক্ষ্য দোঙর্। ভাববাদীগুনে আর মোশি যিয়েনি ঘুদিবার কধা কোই যেইয়োন্ সিয়েনির বারেদি মুই কিচ্চু ন-কঙর্।

প্রেরিত্‌ 9:16

মত্যেই কত্তমান্ দুঘ্ যে তাত্তুন্ পাহ্ পুরিবো সিয়েন মুই তারে দেগেম্।”

রোমীয় 15:31

তুমি তবনা গরঅ, যিহূদীয়াত্ যিগুনে অমান্য গরন্ তারা আঢত্তুন্ মুই যেন রোক্ষ্যে পাং, আর যিরূশালেমর্ গোজেন মানুচ্চুনে যেন মর্ এ সাহায্যগান্ গুজি লন্।

২ করিন্হীয় 1:5

খ্রীষ্ট ধোক্ক্যেন গুরি আমি যেবাবোত্যে বোউত্ দুঘ্ সোজ্জ্য গুরির্ সেবাবোত্যেগুরি তা মাধ্যমে বোউত্ সান্তনা পেইর্।

২ করিন্হীয় 1:7

তমা পৌইদ্যেনে আমার্ থির্ বিশ্বেজ্ আঘে, কিয়া তুমি যেধোক্ক্যেন আমার্ দুঘোর্ ভাগী সেধোক্ক্যেন আমার্ সান্তনার্‌‌অ ভাগী।

২ করিন্হীয় 12:10

সেনত্যে খ্রীষ্টত্যে বল্‌পোজ্জ্যে, অগমানে, যন্ত্রনায়, অত্যেচারে আর দিদ্দেরি অলেয়ো মুই হুজি; কিয়া যেক্কে মুই হ্‌রান্ সেক্কেই মুই বোলী।

২ তীমথিয় 4:7

খ্রীষ্টর্ পক্ষে মুই মনে-পরাণে যুদ্ধ গোজ্জ্যং, মত্যে ঠিগ্ গোজ্জ্যে পধ্‌তানর্ থুম্ সং ধাবা দুয়োং আর খ্রীষ্টীয় ধর্ম-বিশ্বেজ্‌চানরে ধুরি রাগেয়োং।

২ পিতর 2:9

ইয়েনিত্তুন্ দেগা যেদঅ, যিগুনে প্রভুরে ভোক্তি গরন্ তারারে তে দজাত্তুন্ রোক্ষ্যে গুরি জানে। ইগুনবাদে যিগুনে গোজেনভক্ত নয়, বিশেজ্‌গুরি যিগুনে তারার্ পাপ-খাচ্চ্যদর্ ভান্ন্যেই আওজ্ মজিম চলন্ আর শাসনানি তুচ্চো গরন্, তে তারার্ সাজা পেবাত্যে বিচেরর্ দিন্নো সং থোই জানে।