২ তীমথিয় 3:10 - Chakma Bible

¹⁰ তুই মর্ শিক্ষ্যে, চালচলন্, উদ্দেচ্চ্য, বিশ্বেজ্, সোজ্জ্যগুণ, কোচ্‌পানা আর ধৈজ্জ্য পৌইদ্যেনে গমেডালে খিয়েল্ গোজ্জ্যস্।

২ তীমথিয় 3:10 Iomraidhean Croise

দানিয়েল 1:8

মাত্তর্ দানিয়েলে মনে মনে ঠিগ্ গুরিলো, তে রাজার হানা আর আংগুর-রস দিইনে নিজোরে অসিজি ন-গুরিবো। এবাবোত্যেগুরি যেনে নিজোরে অসিজি গরা ন-পড়ে সেনত্তে তে রাজার কামগুরিয়্যে আজল্লো ইধু অনুমতি চেলঅ।

লূকে লেখ্যে গম্ হবর্ 1:3

সেই বেক্ বিষয়ানি পৌইদ্যেনে পৌইল্যাত্তুন্ ধুরি গমেডালে হবরা-হবর্ লোইনে তত্তে সিয়েন এক্কান্ এক্কান্ গুরি লেগানা মুইয়ো গম্ বিলি মনে গুরিলুং।

প্রেরিত্‌ 11:23

গোজেনে যে কেধোক্ক্যেন্ গুরি আন্তিয়খিয়া মানুচ্চুনোরে দোয়্যে গোজ্জ্যে বার্ণবা এইনে সিয়েন দেগিনে অমকদ হুজি অলঅ। তারা যেন বেক্ মনান্ দিইনে প্রভু ইধু বিশ্বেজি থান্ সেনত্তে তে তারার্ বেক্কুনোরে উচ্চোমি দিয়্যে ধুরিলো।

প্রেরিত্‌ 2:42

সেই মানুচ্চুনে দিপাধেয়্যেগুনোর শিক্ষ্যেনি শুনিদাক্, তারা সমারে এক ওইনে প্রভুর হানা লদাক্ আর তবনা গুরিনে সময় কাদেদাক্।

প্রেরিত্‌ 20:18

তারা সিধু লুমিলে পরেদি পৌলে তারারে কলঅ, এশিয়া রেজ্যত্ এজানার্ পরেদি পত্তম্ দিনোত্তুন্ ধুরি নিত্য তমা সমারে মুই কেধোক্ক্যেন্ গুরি কাদেয়োং সিয়েন দঅ তুমি হবর্ পঅ।

প্রেরিত্‌ 26:4

চিগনত্তুন্ ধুরিনে, অত্তাৎ মর্ জিংকানির্ আরাম্ভত্তুন্ ধুরিনে মর্ নিজোর্ দেজত্ আর যেরেদি যিরূশালেম মানুচ্চুনো ইধু মুই কেধোক্ক্যেন্ গুরিনে জিংকানি কাদেয়োং যিহূদীগুনে বেক্কুনে সিয়েনি কোই পারন্।

রোমীয় 16:17

ভেইলগ্, তুমি যে শিক্ষ্যে পেইয়ো সিয়েনির বিরুদ্ধে শিক্ষ্যে দিইনে যিগুনে দলাদলি আর মানা গরন্, সিগুনো উগুরে খিয়েল্ রাগেবাত্তে মুই তমারে বিশেষ্ গুরিনে কোজোলি গরঙর্। তুমি তারাত্তুন্ দূরোত্ থেইয়ো,

২ করিন্হীয় 1:17

তুমি কি মনে গরঅ মুই কনঅ তামাশার্ মনভাব্‌পোই ইয়েনি ঠিগ্ গোজ্জ্যং? সাধারণ মানুচ্‌ যেবাবোত্যেগুরি একই সময়োত্ অয় আরঅ নয় কন্, মুই কি সেবাবোত্যেগুরি কনঅ কিজু ঠিগ্ গরং?

ইফিষীয় 4:14

মান্‌জ্যে পাজি বুদ্ধি খাদেইনে অন্যগুনোরে ভুল্ পধেদি নেযেবাত্যে যে ভুল্ শিক্ষ্যেনি দুয়োন, সেই ভুল্ শিক্ষ্যেনি ভিদিরে আমি বৈয়্যেরে দুলি উঠ্যে তুবোল ধোক্ক্যেন ইন্দি উন্দি ন-দুলিবোং।

ফিলিপীয় 2:20

মঅ লগে এমন্‌ আর কেঅ নেই, যে তীমথিয় ধোক্ক্যেন গুরিনে ঘেচ্চ্যেকগুরি তমাত্যে চিন্তে গরে।

ফিলিপীয় 2:22

মাত্তর্ তুমি কোই পারঅ, তীমথিয় তার্ যোগ্যতাগান প্রমাণ গোজ্জ্যে, কিয়া যেধোক্ক্যেন গুরিনে পুয়োবো বাব সমারে কাম্ গরে সেধোক্ক্যেন গুরিনে তে মঅ সমারে যীশু খ্রীষ্ট পৌইদ্যেনে গম হবর্ প্রচারর্ কামত্ দুঘ্ গোজ্জ্যে ।

১ থিষলনীকীয় 1:5

কিয়া আমার ফগদাং গোজ্জ্যে গম্ হবরান বানা কধালোই তমা ইধু ন-এজে, মাত্তর্ সিয়েন খেমতা, পবিত্র আত্মা আর পুরোপুরি নিচ্চিত্ গুরি এচ্চ্যে। তমা সমারে থেবার অক্তত্ তমার ভালেদিত্যে আমি কেধোক্ক্যেন গুরিনে আঢাউদো গোজ্জ্যেই সিয়েন তুমি কোই পারঅ।

১ তীমথিয় 1:3

মুই ম্যাসিডোনিয়াত্ যেবার সময়োত্ তরে যিয়েনি কোইয়োং ইক্কিনিয়ো সিয়েনি কঙর্-তুই ইফিষ শঅরত্ থাগ্, যেনে কয়েক্কো মান্‌জ্যরে নিদ্দেচ্‌ দি পারচ যেন তারা আর ভুল্ শিক্ষ্যে ন-দুয়োন।

১ তীমথিয় 4:6

যুনি তুই এ বেপারানি ভেইয়ুনোরে বুঝেই দুয়োচ্ সালে খ্রীষ্টীয় ধর্ম-বিশ্বেজর্ যে সত্যগান আর ভুল-নেইয়্যে শিক্ষ্যেগান তুই মানি চলর্, সিয়েন্দোই কাবিল্ ওইনে খ্রীষ্ট যীশুর এক্কো যগাজ্জ্যে সেবাগুরিয়্যে অবে।

১ তীমথিয় 6:11

মাত্তর্ তুই দঅ গোজেনর্ মানুচ্‌; ইয়েনিত্তুন্ তুই ধেই যা। সৎ জিংকানি, ভোক্তি, বিশ্বেজ্, কোচ্‌পানা, ধৈজ্জ্য আর নরম খাচ্চ্যদত্যে আয়োজি অ।

২ তীমথিয় 2:22

গাবুজ্জ্যে কালর্ ভান্ন্যেই কামনা-বাসনাত্তুন্ তুই ধেই যাগোই আর যিগুনে খাটি মনে প্রভুরে ডাগন্ তারা সমারে সৎ জিংকানি, বিশ্বেজ্, কোচ্‌পানা আর শান্তিত্যে আয়োজি অ।

২ তীমথিয় 4:2

গোজেনর্ কধানি ফগদাং গরঅ; সময়োত্ ওক্‌ বা অসময়ত্ ওক্‌, আমিযে ফগদাঙত্যে যুক্কোল্ থাগঅ; ভারী ধৈজ্জ্য ধুরি শিক্ষ্যে দিইনে মানুচ্চুনোরে দুষ্ দেগেই দে, তারারে উজিয়ার্ গরঅ আর উপদেচ্‌ দুয়ো।

২ তীমথিয় 4:3

এন্‌ অক্ত এবঅ যেক্কে সত্য শিক্ষ্যেনি মান্‌জ্যর সোজ্জ্য ন-অবঅ, বরং নিজো আওজ্‌চান পূরোণ গুরিবাত্যে তারা ভালোক্কুন্ মাষ্টর্ তুবেবাক্ যিগুনে তারারে হুজি গরেদে ধোক্ক্যেন শিক্ষ্যে দিবাক্।

২ তীমথিয় 4:7

খ্রীষ্টর্ পক্ষে মুই মনে-পরাণে যুদ্ধ গোজ্জ্যং, মত্যে ঠিগ্ গোজ্জ্যে পধ্‌তানর্ থুম্ সং ধাবা দুয়োং আর খ্রীষ্টীয় ধর্ম-বিশ্বেজ্‌চানরে ধুরি রাগেয়োং।

তীত 2:7

বেক্কানিত্ তুই তারা ইধু গম কামর্ এক্কান আদর্শ অ। তঅ শিক্ষ্যে ভিদিরে যেন গম উদ্দেচ্চ্য থায়, সিয়েনত্ যেন পাদল্ মনভাব ন-থায়।

ইব্রীয় 13:9

নানান্ বাবোত্যে নূয়ো নূয়ো শিক্ষ্যেলোই যেন তমারে ভুল্ পধেদি ন-নেযান্। আমা মনানি উৎসর্বর হানা উগুরে ন-থেইনে যেন গোজেন দোয়্যে উগুরে থির্ ওইনে বজে। যিগুনে সেই হানাগান উগুরে নির্ভর্ গুরিনে চলিদাক্, সেই হানাগানত্তুন্ তারার্ কনঅ লাভ্ ন-অয়।

২ পিতর 3:11

বেক্কানি যেক্কে এবাবোত্যেগুরি ভস্ত অবাত্যে যার্ সেক্কে তমার কিবাবোত্যে মানুচ্‌ অনা উচিত? আওজ্ গুরিনে গোজেন দিন্নোরে বাজ্জেই থেইনে তমার পবিত্র আর গোজেন উগুরে ভোক্তিবলা জিংকানি কাদানা উচিত। সেদিন্ন্যে দাঙর্ আগাজ্‌চান পুড়ি যাদে যাদে ভস্ত ওই যেবঅ আর বেলান-চানান আর তারাগুন আগুনোত্ গলি যেবাক্।