২ তীমথিয় 2:7 - Chakma Bible

⁷ মুই যিয়েন কঙর্ সিয়েন তুই চিন্তে গুরি চেইচ্, কিয়া প্রভুই তরে বেক্কানি পৌইদ্যেনে বুঝিবার খেমতা দান গুরিবো।

২ তীমথিয় 2:7 Iomraidhean Croise

১ বংশধর 22:12

লগেপ্রভু তঅ উগুরে যেক্কেনে ইস্রায়েলর শাজন্ গুরিবার্ ভারান্‌ দিবো সেক্কে যেনে তে তরে বুদ্ধি-বিবেচনা আর বুঝিবার বলান্‌ দে যেনে তুই তর্‌ গোজেন লগেপ্রভুর রীদি-সুদোম মানিনে চলি পারচ্‌।

১ বংশধর 29:19

মর্ পুয়ো শলোমনরে এধোক্ক্যেন উজুউস্যে মান্‌জ্য মন দান গুরিচ্‌ যেনে তে তঅ উগুমানি, তঅ কধানি আর তঅ সুদোমানি পালেই পারে আর মুই যে পাক্কা ঘরান্‌ বানেবার্‌ যুক্কোল গোজ্যং সিয়েন্‌ বানেই পারে।”

গীতসংহিতা 119:125

মুই তর্ চাগর্; মরে বুঝোনার খেমতাগান্ দে যেনে মুই তঅ কধাগান বুঝি পারং।

গীতসংহিতা 119:144

তর্ বেক কধানি উমরত্তে সত্য; মরে সিয়েনি বুঝোনার খেমতাগান দে যেনে মুই বাঁজি থেই পারং।

গীতসংহিতা 119:73

তঅ আঢ্‌তানে মরে বানেয়্যে; মরে বুঝোনা খেমতাগান দে যেনে তর্ বেক উগুমানি মুই জানি পারং।

গীতসংহিতা 64:9

সেক্কেনে বেক্কুনোর মনত্ দর্‌বুক লাগিবো; গোজেনে যিয়েন গোজ্যে তারা সিয়েন ফগদাং গুরিবাক্ আর সেই কধাগান ভাবিবাক্।

গম্ উপদেজ্ 24:32

মুই যিয়েন দেগিলুং সিয়েনত্ মনান্ দিলুং, সিয়েন দেগিনে মুই এ শিক্ষ্যেগান পেলুং,

যিশাইয় 1:3

গোরুবো তা গিরোজ্‌ছোরে চিনে, গাধাবোয়ো তা গিরোজ্‌ছোর ঘাস খাজাবো চিনে; মাত্তর্ ইস্রায়েলে তা গিরোজ্‌ছোরে ন-চিনে, মঅ মানুচ্চুনে মরে ন-বুঝোন্।”

যিশাইয় 28:26

তা গোজেনে তারে উগুম দে আর তারে ঠিগ পথ্‌তান্ শিক্ষ্যে দে।

যিশাইয় 5:12

তারার হানা অক্তত্ থেবদে সুরবাহার আর বীণা, আহ্ থেবদে ঝোন্‌ঝোনি, বাশি আর আংগুর-রস; মাত্তর্ লগেপ্রভুর কাম উগুরে তারার্ কনঅ মনযোগ নেই, তা আঢ কাম উগুরে কনঅ খিয়েল্ নেই।

দানিয়েল 1:17

এ চের্‌জন গাবুজ্যেরে নানান্ বাবোত্যে সাহিত্য আর বিদ্যেদি জ্ঞানবান গুরিবার আর বুঝিবার খেমতা দিলো; আর দানিয়েলে নানান্ বাবোত্যে দর্শন আর স্ববন পৌইদ্যেনে বুঝি পারিদো।

লূকে লেখ্যে গম্ হবর্ 21:15

কিয়া মুই তমারে এমন কধা আর এমন জ্ঞান যুগেই দিম্ যিয়েনর জোবত্ তমা শত্রুগুনে কিজু কোইয়ো ন-পারিবাক্ আর সিয়েন অস্বীগের্-অ গুরি ন-পারিবাক্।

লূকে লেখ্যে গম্ হবর্ 24:45

পবিত্র বোইবো বুঝিবাত্যে তে শিচ্চ্যগুনোরে বুদ্ধি খুলি দিলো আর তারারে কলঅ, “লেগা আঘে, মশীহত্তুন্ দুঘ্ পাহ্ পুরিবো আর তিন দিনোর্ দিন্নোত্ মরণত্তুন্ জেদা ওই উদো পুরিবো।

লূকে লেখ্যে গম্ হবর্ 9:44

“মুই কি কোইয়োং এ কধাগান্ ভুলি ন-যেইয়ো, মান্‌জ্য পুয়োবোরে খেমতাবলা মানুচ্চুনো আঢত্ ধুরি দিয়্যে অবঅ।”

যোহন 14:26

সেই সাহায্যগুরিয়্যেবো, মানে পবিত্র আত্মা যিবেরে বাবা মঅ নাঙে পাধেই দিবো, তেয়ই বেক্কানি পৌইদ্যেনে তমারে শিক্ষ্যে দিবো, আর মুই তমারে যিয়েনি কোইয়োং সিয়েনি বেক্কানি তমারে ইদোত্ তুলি দিবো।

যোহন 16:13

মাত্তর্ সেই সত্যর্ আত্মাগান্ যেক্কে এবঅ সেক্কে তে তমারে পধ দেগেইনে পুরোপুরি সত্যত্ নেযেব। তে নিজোত্তুন্ কধা ন-কবঅ, মাত্তর্ যিয়েনি শুনে সিয়েনি কবঅ, আর যিয়েনি ঘুদিবো সিয়েনি তে তমারে জানেব।

১ করিন্হীয় 12:8

কাররে কাররে সেই পবিত্র আত্মার্ মাধ্যমে জ্ঞানর্ কধা বা বুদ্ধির্ কধা কবাত্যে দিয়্যে অয়।

দ্বি’লম্বর বিররণ 32:29

বুদ্ধি থেলে এই কধাগান তারা বুঝিদাক, বুঝিদাক তারার শেজ্‌ দজাগান কি অবঅ।

দ্বি’লম্বর বিররণ 4:39

“এচ্চ্যে তুমি এ কধাগান্‌ জানি রাগেয়ো আর মনত্‌ রাগেয়ো, লগেপ্রভুই উগুরে স্বর্গর আর তলেন্দি পিত্‌থিমীর গোজেন, আর তে বাদে অন্য কনঅ গোজেন নেই।

ফিলিপীয় 4:8

যেরেদি কং, ভেইলগ্, যিয়েন সত্য, যিয়েন যগাজ্জ্যে, যিয়েন গম্, যিয়েন খাটি, যিয়েন-দোল্, যিয়েন সর্মান পেবার যগাজ্জ্যে, আজল্ কধা যিয়েন গম্ আর নাঙ্ গিনিবার্, সিন্দি তুমি মনানি দুয়ো।

কলসীয় 1:9

ইয়েনত্যে তমা পৌইদ্যেনে শুনোনার্ পরেত্তুন ধুরি আমি নিত্য তমাত্যে তবনা গুরির্। আত্মিক জ্ঞান আর বুদ্ধিলোই যেন তুমি গোজেনর্ আওজ্‌চান পুরোপুরি বুঝি পারঅ আমি সিয়েনই গোজেন ইধু মাগির্।

১ তীমথিয় 4:15

এ বেপারানিলোই মনযোগি অ; নিজোরে পুরোপুরি গুরিনে সিয়েন ভিদিরে ডুবেই রাগা, যেন বেক্কুনে দেগন্ যে, তুই উজেই যর্।

২ তীমথিয় 2:6

যে চাষাবলাবো কাম্ গরে তাত্তুনই পত্তমে খেদর্ ভাগ্ পানা উচিত।

২ তীমথিয় 2:8

যীশু খ্রীষ্ট পৌইদ্যেনে এ কধাগান মনত্ রাগেচ্, তারে মরাত্তুন্ জেদা গুরি তুলো ওইয়্যে আর তে দায়ুদো গুট্টির্ মানুচ্‌ এলঅ। যে গম হবরান মুই প্রচার গরং সিয়েন ভিদিরে এ কধাগান আঘে,

ইব্রীয় 12:3

যিবে পাপীগুনোর্ এত্তমান কুজুরোমি সোজ্জ্য গুরিলো তুমি তা পৌইদ্যেনে চিন্তে গরঅ, যেন তমার্ মনানি মন্‌মরা আর আজানেইয়্যে ন-অয়।

ইব্রীয় 13:7

যিগুনে তমা ইধু গোজেনর্ কধা কদাক্ তমার্ সেই নেতাগুনোর্ কধা ইদোত্ রাগেয়ো। তারার্ জিংকানির থুমোর্ কধাগান গমেডালে চিন্তে গোজ্জ্য আর তারা ধোক্ক্যেন গুরি তুমিয়ো বিশ্বেজ্ গোজ্জ্য।

ইব্রীয় 3:1

সেনত্যে পবিত্র ভেইয়ুন, তুমি যিগুনে স্বর্গর্ অধিকারী অবাত্যে তা ডাগনিলোই মাত্য, তুমি যীশু পৌইদ্যেনে মনযোগী অ। যিবে উগুরে আমি বিশ্বেজ্ গোজ্জ্যেই তেয়ই গোজেনর্ সেই পাধ্য়্যে মানুচ্ আর সেই দাঙর্ ধর্মগুরুবো।

ইব্রীয় 7:4

চঅ, মল্কীষেদকে কত্তমান দাঙর্! আমা দাঙর্ পূরোণি মানুচ্ অব্রাহামেয়ো তারে বেক্কানিত্তুন দশ্ ভাগর্ এক ভাগ দিয়্যে।

যাকোব 1:5

তমা ভিদিরে যুনি কারঅ জ্ঞানর্ অভাব থায় সালে তে যেন গোজেন ইধু সিয়েন মাগে, আর গোজেনে তারে সিয়েন দিবো, কিয়া তে তোচ্চ্যে ন-পেইনে পত্তিজনরে জদবদে দান গরে।

যাকোব 3:15

এবাবোত্যে জ্ঞান স্বর্গত্তুন্ লামি ন-এজে, বরং পিত্‌থিমীর্, ভান্ন্যেই আওজর্ আর ভান্ন্যেই আত্মাগুনো সমারে তার্ উদোন্ বজন্;

যাকোব 3:17

মাত্তর্ যে জ্ঞানান্ স্বর্গত্তুন্ এজে সিয়েন পত্তমে খাটি, সে পরেদি শান্তিলোই ভরা; সিয়েনত্ থায় সোজ্জ্যগুণ্ আর নম্রতা; সিয়েন দোয়্যে আর গম কামত্ ভরা, থির্ আর ভন্ডামী-নেইয়্যে।

১ যোহন 5:20

আমি আরঅ কোই পরিই যে, গোজেনর্ পুয়োবো এইনে আমারে বুঝিবার খেমতা দিয়্যে যেন সত্য গোজেনরে আমি জানি পারিই। যিবে সত্য গোজেন আমি তা সমারে এগত্তর্, অত্তাৎ তা পুয়োবো যীশু খ্রীষ্ট সমারে এগত্তর্ আঘিই। তেয়ই সত্য গোজেন আর তেয়ই উমর্‌অ জিংকানি।