২ তীমথিয় 2:24 - Chakma Bible

²⁴ যিবে প্রভুর চাগর্, তার কোল্-কোজ্জ্যে গরানা উচিত নয়, বরং তাত্তুন্ বেক্কুনো উগুরে দোয়্যেলু উয়ো পরিবো। তাত্তুন্ অন্যগুনোরে শিক্ষ্যে দানর্ খেমতা আর সোজ্জ্যগুণ থাহ্ পরিবো।

২ তীমথিয় 2:24 Iomraidhean Croise

২ বংশধর 24:6

সেনত্তে রাজা আজল্‌ ধর্মগুরু যিহোয়াদারে ডাগি আনিনে কলঅ, “সাক্ষ্য-তাম্বুলোত্তে লগেপ্রভুর চাগর্‌ মোশি ইস্রায়েলর বেক্‌ মানুচ্চুনো উগুরে যে খাজানা বোজেয়্যে সিগুন্‌ যিহূদা আর যিরূশালেমত্তুন্‌ আদায় গুরিবাত্তে তুই লেবীয়গুনোরে পাধেই ন-দুয়োচ্‌ কিত্তে?”

যিশাইয় 40:11

তে গরগ ধোক্ক্যেন্ গুরি তা ভেড়া পালুন চোরেব, ভেড়া ছঅগুন্ তে আঢ্‌তোই তুলি নিবো‌ আর করত্ গুরি তারারে বুয়োই নেযেব; ছঅ আগন্ এবাবোত্যে ভেড়িগুনোরে তে লাড়ে লাড়ে গুরি চালেই নেযেব।

দানিয়েল 6:20

গাদ ইধু যেইনে তে রঅ গির্‌‌‌‌গিজ্যে গুরি দানিয়েলরে ডাগিনে কলঅ, “ও গোজেনর চাগর্ দানিয়েল, তুই নিত্য যিবের্ সেবা গরচ্ তর্ সেই গোজেনে কি তরে সিংহ মুয়োত্তুন্ রোক্ষ্যে গুরি পাজ্যে?”

মথি লেখ্যে গম্ হবর্ 12:19

তে কোজ্যে বা রঅ ন-ছাড়িবো; তে পধে পধে তা মুয়োর্ রবুয়ো ন-শুনেব।

যোহন 6:52

এ কধাগান্ শুনিনে যিহূদী নেতাগুনো ভিদিরে তর্কাতুর্কি আরাম্ভ অলঅ। তারা কুয়ো ধুরিলাক্, “কিবাবোত্যেগুরি এ মানুচ্চো তা কিয়্যেগান্ আমারে হেবাত্তে দি পারে?”

প্রেরিত্‌ 15:2

সেক্কে পৌল আর বার্ণবা সমারে এ মানুচ্চুনোর্ জদবদে কধা তর্কাতর্কি অলঅ। যেরেদি থিগ্ অলঅ যে, পৌল আর বার্ণবা আন্তিয়খিয়ার কয়েক্কো বিশ্বেজিরে সমারে লোইনে যিরূশালেমত্ যেবাক্ আর দিপাধেয়্যেগুনো সমারে আর মন্ডলী নেতাগুনো সমারে এ পৌইদ্যেনে কধাবাত্তা কবাক্।

প্রেরিত্‌ 23:9

সেক্কে ভারী কোল্-কোজ্জ্যে আরাম্ভ অলঅ আর ফরীশী দলর্ কয়েক্কো ধর্ম-মাষ্টর উদিনে রঅ ছাড়ি ছাড়ি কধা কুয়ো ধুরিলাক্। তারা কলাক্, “আমি এ মানুচ্চোর্ কনঅ দুষ্ ন-দেগির্। অয়ত কনঅ আত্মা বা কনঅ স্বর্গদূতে তা সমারে কধা কোইয়্যে।”

প্রেরিত্‌ 7:26

তার কেল্যে মোশি দ্বিজন ইস্রায়েলীয়রে মারামারি গত্তে দেগিলো। সেক্কে তে তারারে মিলেই দিবাত্যে কলঅ, ও, তুমি দঅ ভেই ভেই; সালে একজন আরেকজন সমারে কিত্ত্যে এবাবোত্যে বজং বেবহার গরর্?

২ করিন্হীয় 10:1

খ্রীষ্টর্ চিদে আর দোয়্যেলু মনর্ কধা ইদোত্ রাগেইনে মুই পৌল নিজেই তমারে কোজোলি গরঙর্। মান্‌জ্যে কন্, মুই যেক্কে তমা কুরে থাং সেক্কে নাকি দোরে দোরে কাদাং, মাত্তর্ যেক্কে ন-থাং সেক্কে সাহসী অং।

২ করিন্হীয় 10:4

সাধা-সিধে মান্‌জ্যে যেদক্কানি আত্যের্‌লোই যুদ্ধো গরন্ আমি সিয়েনিলোই যুদ্ধো ন-গুরির্, মাত্তর্ গোজেনর্ খেমতালোই আমার্ দরমর দেবাল ঘিজ্যে আত্যেরানি ভাঙি ফেলেই পারে।

২ করিন্হীয় 6:4

তাত্তুন্ বরং বেক্কানি পৌইদ্যেনে গোজেনর্ সেবাগুরিয়্যে বিলিনে আমি নিজোরে প্রমাণ গুরিই। অত্যেচার্, দযা আর দুঘোত্ বোউত্ ধৈজ্জ্য ধুরিনে আমি এ প্রমাণান্ দির্।

গালাতীয় 5:22

মাত্তর্ পবিত্র আত্মার্ ফল অলঅ-কোচ্‌পানা, হুজী, শান্তি, সোজ্জ্যগুন, দোয়্যের্ খাচ্চ্যত্, গম খাচ্চ্যত্, বিশ্বেজ্‌বলা,

ইফিষীয় 4:2

তমার খাচ্চ্যদ্‌তানি যেন পুরোপুরি গুরি নম্র আর নরম অয়। ধৈজ্জ্য ধরঅ আর কোচ্‌পানার মনভাব্‌পোই একজন আরেকজনরে সোজ্জ্য গরঅ।

দ্বি’লম্বর বিররণ 34:5

লগেপ্রভু যিয়েন কোইয়্যে সে মজিম লগেপ্রভুর চাগর মোশি সেই মোয়াব দেজত্‌ মুরি গেলঅ।

ফিলিপীয় 2:14

তুমি কনঅ আবিত্তি আর তর্ক ন-গুরিনে বেক্কানি গরঅ, যেন তুমি নিদ্দুজি আর খাটি ওই পারঅ আর এই কালর্ বিবেক-নেইয়্যে আর বজং খাচ্চ্যদর্ মানুচ্চুনো মুজুঙোত্ গোজেনর্ থুদোনেইয়্যে মানুচ্ ওই পারঅ। সে মানুচ্চুনো মুজুঙোত্ তুমি দঅ জিংকানি দান গুরিয়্যে কধা তুলি ধুরিনে এ জগদত্ তারা ধোক্ক্যেন জ্বোল্‌জোল্যে ওই আঘঅ, সালে খ্রীষ্ট যেদিন্যে এবঅ সেদিন্যে মুই ইয়েনিলোই দেমাগ্ গুরি পারিম যে, মর্ চেষ্টা আর কামানি নিষ্ফল ন-অয়।

ফিলিপীয় 2:3

নিজোর্ লাভর্ আজায় বা দেমাগর্ বশত কিচ্চু ন-গোজ্জ্য, বরং নম্র গুরিনে অন্যরে নিজোত্তুন্ সর্মানর্ জাগা দুয়ো।

কলসীয় 3:13

একজন আরেক জনরে সোজ্জ্য গরঅ আর যুনি কারঅ বিরুদ্ধে তমার কনঅ দুচ্‌ দিবার থায় সালে তারে ক্ষেমা গরঅ। প্রভু যেধোক্ক্যেন গুরি তমারে ক্ষেমা গোজ্জ্যে সেধোক্ক্যেন গুরি তুমিয়ো একজন আরেকজনরে খেমা গরানা উচিত।

১ থিষলনীকীয় 2:7

মাত্তর্ সিয়েনর্ বদলে মাবো যেধোক্ক্যেন তা নিজোর পুয়ো-ছাগুনোরে আদর-যত্তন্ গরে, তমা ইধু থেবার অক্তত্ আমিয়ো তমা লগে সেবাবোত্যে নরম বেবহার গোজ্জ্যেই।

১ তীমথিয় 6:11

মাত্তর্ তুই দঅ গোজেনর্ মানুচ্‌; ইয়েনিত্তুন্ তুই ধেই যা। সৎ জিংকানি, ভোক্তি, বিশ্বেজ্, কোচ্‌পানা, ধৈজ্জ্য আর নরম খাচ্চ্যদত্যে আয়োজি অ।

তীত 1:1

মুই পৌল গোজেনর্ চাগর আর যীশু খ্রীষ্টর্ এক্কো প্রচারক ওইয়োং, যেন মুই গোজেনর্ বেঈ লোইয়্যে মানুচ্চুনোরে বিশ্বেজর্ পধেদি আনি পারং, আর গোজেন-ভোক্তির্ সমারে যে সত্যগান আঘে সেই সত্যগানরে জানিবাত্যে তারারে সাহায্য গুরি পারং।

তীত 1:7

গোজেনত্তুন্ কামর্ ভারান পেইয়্যে মানুচ্ ইজেবে সেই পরিচালক্কোত্তুন্ এমন্‌ উয়ো পরিবো যেনে কেঅ তারে নিন্দে গুরি ন-পারন। তে যেন একগোঙ্যে, রাগী, মাত্তল্ বা বদ্‌মেজাজী ন-অয়। অন্যেয় লাভ ইন্দি যেন তার্ মনান্ ন-থায়।

তীত 1:9

গোজেনর্ বিশ্বেজবলা কধানি, যিয়েনি মুই শিক্ষ্যে দুয়োং, তাত্তুন্ সিয়েনি দরমর গুরি ধুরি থা পরিবো, যেন সত্য শিক্ষ্যে পৌইদ্যেনে তে প্রচার গুরি পারে আর যিগুনে বিরুদ্ধে যান্ তারারে ভুলানি দেগেই দি পারে।

তীত 3:2

তারা যেন কারঅ নিন্দে ন-গরন্ বা কোল্‌-কোজ্জ্যে ন-গরন্, বরং তারা যেন শান্ত খাচ্চ্যদর্ অন্ আর বেক্কুনো সমারে ভারী চিদে বেবহার গরন্।

যাকোব 1:1

মুই গোজেন আর প্রভু যীশু খ্রীষ্টর চাগর্ যাকোব পিত্‌থিমীর বেক্‌ জাগানি ইধু ছিদি পোজ্যে যিহূদী জাদর্ বারবো গুট্টির মানুচ্চুনোরে ভালেদি জানাঙর্।

যাকোব 3:17

মাত্তর্ যে জ্ঞানান্ স্বর্গত্তুন্ এজে সিয়েন পত্তমে খাটি, সে পরেদি শান্তিলোই ভরা; সিয়েনত্ থায় সোজ্জ্যগুণ্ আর নম্রতা; সিয়েন দোয়্যে আর গম কামত্ ভরা, থির্ আর ভন্ডামী-নেইয়্যে।

যাকোব 4:2

তুমি আশা গরঅ মাত্তর্ ন-পঅ, তুমি খুন্ গরঅ আর লুভ্ গরঅ, মাত্তর্ যিয়েনি চঅ সিয়েনি ন-পঅ। তুমি কোল্-কোজ্যে আর মারামারি গরঅ তো তমার কিচ্চু ন-থায়, কিয়া তুমি গোজেনত্তুন্ ন-মাগঅ।

যিহোশূয় 1:1

লগেপ্রভুর চাগর্‌ মোশির মরাণার পরেন্দি লগেপ্রভু মোশির এজাল্‌ দিয়্যে নূনর পুঅ যিহোশূয়রে কলঅ‌,

১ পিতর 3:8

শেজদি কং, তমার বেক্কুনো মনানি যেন একবাবোত্যে অয়। তুমি একজন আরেকজনর্ দুঘে দুঘ্ পঅ, ভেইয়ো ধোক্ক্যেন কোচ্‌‌পানার মনভাব রাগঅ আর দোয়্যেলু আহ্ চিদে অ।

যিহূদা 1:3

কোচ্‌পেইয়্যে সমাজ্জ্যেগুন, পাপত্তুন্ যে উদ্ধোর্ আমি বেক্কুনে পেইয়্যেই সেই উদ্ধোর পৌইদ্যেনে মুই তমা ইধু লিগিবাত্যে ভারী আওজি এলুং। মাত্তর্ তো খ্রীষ্টীয় ধর্ম-বিশ্বেজ্, যিয়েন গোজেনে তা মানুচ্চুনোরে উমরত্যে দিয়্যে, তার পৌইদ্যেনে যেন তুমি মনে পরাণে যুদ্ধ গরঅ সে উচ্চোমিগান দিবাত্যে মুই তমা ইধু লেগানাগান দরকার মনে গুরিলুং।