২ তীমথিয় 2:20 - Chakma Bible

²⁰ দাঙর্ ঘরত বানা যে সনা-রূবোর বাজোন্ থায় সিয়েন নয়, মাত্তর্ তক্তার আর মাদির্ বাজোন্‌অ থায়। সিগুনো ভিদিরে কুদুক্কুন্ বাজোন্ সর্মানর্ কামত আর কুদুক্কুন্ বাজোন্ নিচু কামত বেবহার গরা অয়।

২ তীমথিয় 2:20 Iomraidhean Croise

ইষ্রা 1:6

তারার্ বেক পাড়াল্যেগুনে রুবোর্ পিলে, সনা, অন্য পযাপিরা, য়েমানপাল আর মংগা মংগা জিনিস দিইনে তারারে সাহায্য গুরিলাক্ আর গোজেনর্ ঘরত্যে নিজোর্ আওজে বক্‌‌‌শিজ্অ দিলাক্।

ইষ্রা 6:5

ইয়েনবাদে নবূখদ্‌‌নিৎসরে যিরূশালেমর্ উবোসনা-ঘরত্তুন্ যেদক্কানি সনা-রূবোর পিলে বাবিলোত্ নেযেয়োন সিয়েনিয়ো আরঅ গোজেনর্ ঘরত্ ঠিগ্ জাগাত্ রাগা ওক্।”

যাত্রা 27:3

ডালিপূজোবোর্‌ ছেইয়ানি ফেলেবার্‌ পিলে আর কাদি, উৎসর্বর্‌ লো রাগেবার্‌ কদরা, য়েরা তুলিবার্‌ কাদা চামেচ্‌ আর আগুন্‌ রাগেবার্‌ পিলে বেক্কুন্‌ পিদোল্লোই‌ বানা পুরিবো।

আবিলেচ্ 4:2

সিয়োনর পুয়োগুন্ একদিন সোনা ধোক্ক্যেন মূল্যবান এলাক্; তারারে ইক্কিনে মনে গরা অয় কুমোরর্ বানেয়্যে মাদি পিলে ধোক্ক্যেন্।

দানিয়েল 5:2

আংগুর-রস খাদে খাদে বেল্‌শৎসরে উগুম দিলো, তা মা বাব্‌পো ‌‌নবূখদ্‌নিৎসরে যিরূশালেমর উবোসনা-ঘরত্তুন্ যিদুক্কুন সনা আর রূবোর লদা আন্যে সিগুন যেনে আনা অয় সেনত্যে রাজা, তার আজল্ মানুচ্চুনে, তা মোগ্‌কুনে আর তার্ যেরেদি ঘর মোগ্‌‌‌‌‌‌‌কুনে সে লদাগুনোত্ গুরিনে আংগুর-রস হেই পারন্।‌‌‌‌

যোহন 8:49

যীশু জোবত্ কলঅ, “মরে ভুদে ন-পায়। মুই মঅ বাবারে সর্মান গরং, মাত্তর্ তুমি মরে অসর্মান্ গরর্।

রোমীয় 9:20

সিয়েনর্ জোবত্ মুই কোম্‌বে, তুই মানুচ্‌; গোজেনর্ কধানি উগুরে কধা কবার্ তুই কন্না? কনঅ মান্‌জ্যে যুনি এক্কান্ জিনিচ্‌ বানায় সালে সেই বানেইয়্যে জিনিচ্চানে কি তারে পুযোর্ গুরি পারে, “কিত্ত্যে মরে এবাবোত্যে বানেলে?”

১ করিন্হীয় 3:9

কিয়া আমি দ্বিয়ো জনেই গোজেন সমারে কাম গুরির্। তুমি গোজেনর্ খেত্, গোজেনর্ বানেয়্যে বিল্ডিং।

২ করিন্হীয় 4:7

মাত্তর্ এই ধন মাত্ত্যা পিলেত্ থুয়ো ওইয়্যে; আর আমিই সেই মাত্ত্যা পিলাগুন্। মাত্ত্যা পিলেত্ সিয়েন থুয়ো ওইয়্যে যেন মান্‌জ্যে বুঝি পারন্ যে, এ অসাধারণ দাঙর্ খেমতাগান আমা নিজোত্তুন্ ন-এজে বরং গোজেনত্তুনই এচ্চ্যে।

ইফিষীয় 2:22

তুমি তা সমারে এগত্তর্ ওইয়ো আর সেনত্যে তমারেয়ো এক সমারে তুলো অর্, যেন পবিত্র আত্মার মাধ্যমে তুমি গোজেনর্ থেবার জাগা ওই পারঅ।