২ তীমথিয় 2:19 - Chakma Bible19 তো গোজেনর্ গাড়েইয়্যে দরমর গড়াগান থিয়্যেই আঘে, আর সিয়েন উগুরে সীলমাজ্যে ধোক্ক্যেন গুরি এ কধানি লেগা আঘে, “প্রভু কোই পারে, কনা তার্”, আর “যে কেঅ খ্রীষ্টরে প্রভু বিলিনে ডাগে তে বেক্ পাপ্পানিত্তুন্ দূরোত্ যোক্।” Faic an caibideil |
২ তীমথিয় 2:19
69 Iomraidhean Croise
সেই মরদ্তো আমার পূরোণি মানুচ্ ইস্হাকে এলঅ। সেই পুয়ো দ্বিবের্ জর্মর্ আগেদি যেক্কে তারা গম্ বা ভান্ন্যেই কিচ্চু ন-গরন্ গোজেনে সেক্কে রিবিকারে কোইয়্যে, “দাঙর্বো চিগোন্নোর্ চাগর্ অবঅ।” ইয়েন্দোই গোজেনে দেগেয়্যেদে যে, নিজো উদ্দেশ্যগান্ পূরোণ গুরিবাত্তে তেয়ই বেঈ লয়; কনঅ কামর্ ফলে তে সিয়েন ন-গরে বরং তা আওজ্ মজিম তে মান্জ্যরে ডাগে।
যে য়েমান্নোরে তুই দেখ্যচ্ তে আগে এলঅ মাত্তর্ ইক্কুনি নেই। যেরেদি তে সেই সুরুঙো গাঢ্তোত্তুন্ উদি এইনে উমর্ সং সাজা ভুগিবো। সেক্কে যিগুনে এই পিত্থিমীর, অত্তাৎ জগদ্তান সৃট্টির সময়োত্তুন্ ধুরি যিগুনোর্ নাঙানি জিংকানি-বোইয়োত্ লেগা নেই তারা সেই য়েমান্নোরে দেগিনে আমক্ ওই যেবাক্; কিয়া য়েমান্নো আগে এলঅ, ইক্কিনে নেই, অদচ আরঅ দেগা দিবো।
তুই কুধু বজত্তি গরর্ সিয়েন মুই হবর্ পাং; সিয়েনত্ শদানর্ সিংহাসনান্ আঘে। তো তুই মঅ উগুরে বিশ্বেজি আঘচ্ আর মঅ উগুরে তর্ বিশ্বেজ্চানরে অস্বীগের্ ন-গরচ্। এন্ কি, যিয়েনত্ শদানে বজত্তি গরে সিয়েনত্ যেক্কে মর্ বিশ্বেজি সাক্ষী আন্তিপাসে তমা মুজুঙোত্ খুন ওইয়্যে সেক্কেয়ো তুই তঅ বিশ্বেজ্চানরে অস্বিগের্ ন-গরচ্।
Sanasan