২ তীমথিয় 2:18 - Chakma Bible

¹⁸ ইগুনে গোজেনর্ সত্যত্তুন্ দূরোত্ সুরি যেইয়োন। ইগুনে কন্, বিশ্বেজিগুনোর্ মরণত্তুন্ জেদা ওই উদোনা আগে ওই যেইয়্যে। ইগুনে কারঅ কারঅ বিশ্বেজরে বর্‌বাত্ গুরি ফেলেয়োন।

২ তীমথিয় 2:18 Iomraidhean Croise

মথি লেখ্যে গম্ হবর্ 15:13

জোবত্ তে কলঅ, “যে চারাবো মর্ স্বর্গর্ বাপ্পো ন-লাগায় সিগুন বেক্কুন্ উগুরে ফেলা অবঅ। তারা কধা বাদ্ দুয়ো।

মথি লেখ্যে গম্ হবর্ 22:29

যীশু তারারে কলঅ, “তুমি ভুল্ গরর্, কিয়া তুমি পবিত্র বোইয়ো ন-জানঅ, গোজেন খেমতার্ পৌইদ্যেনেয়ো ন-জানঅ।

লূকে লেখ্যে গম্ হবর্ 8:13

শিলো ভূইয়োত্ পোজ্যে বীজ্‌চুনোর্ মাধ্যমে সিগুনো পৌইদ্যেনে কুয়ো ওইয়্যে যিগুনে সেই কধানি শুনিনে হুজিয়ে মানি লন্, মাত্তর্ তারা ইধু সিগুনোর্ শিঙোরানি গমেডালে ন-বজে। সেনত্তে তারা থরা কয়েক দিনোত্তে বিশ্বেজ্ গরন, মাত্তর্ যেক্কে পোরোক্ষ্যে এজে সেক্কে পিজেদি যান্।

প্রেরিত্‌ 5:39

মাত্তর্ যুনি গোজেনত্তুন্ ওই থায় সালে তুমি ইগুনোরে থামেই ন-পারিবা। অয়ত দেগিবা তুমি গোজেন বিরুদ্ধে যুদ্ধ গরর্।”

১ করিন্হীয় 11:19

খালিক্ তমা ভিদিরে কধার্ অমিল্ অবঅ যেন গোজেনর্ চোগেদি তমা ভিদিরে যগাজ্যে মানুচ্ কন্না, সিয়েন ধরা পড়ে।

১ করিন্হীয় 15:12

মাত্তর্ যুনি প্রচার গরা অয় যে, খ্রীষ্টরে মরণত্তুন্ জেদা গরা ওইয়্যে সালে তমাত্তুন্ কেঅ কেঅ কেধোক্ক্যেন গুরি কদন্ যে, মরাগুনোর্ জেঈ উদোনা বিলিনে কিচ্চু নেই?

কলসীয় 3:1

সালে তুমি যেক্কে খ্রীষ্ট সমারে মরণত্তুন্ জেদা ওইয়ো সেক্কে খ্রীষ্ট স্বর্গত যিয়েনত্ গোজেনর্ ডেন্ ডাগেদি বৈই আঘে সেই স্বর্গীয় বেপারানিত্যে আয়োজি অ।

১ তীমথিয় 1:19

আর সে লগে বিশ্বেজ্ আর সাব্ বিবেক রোক্ষ্যে গর্। কুদুক্কুন মান্‌জ্যে বিবেগর্ কধানি ন-শুনিনে তারার্ বিশ্বেজত্ যাগুলুগ্ গুরি দুয়োন।

১ তীমথিয় 6:10

নানান্ বাবোত্যে ভান্ন্যেয়র্ গোড়াত্ রোইয়্যেদে টেঙা-পৌইজ্যে উগুরে কোচ্‌‌পানা। ভালোক্ জনে টেঙা-পৌইজ্যের্ লুভে খ্রীষ্টীয় ধর্ম-বিশ্বেজত্তুন্ সুরি যেইনে নিজো উগুরে বোউত্ দুঘ্ ডাগি আন্ন্যন্।

১ তীমথিয় 6:21

কনঅ কনঅ মানুচ্‌ এবাবোত্যে জ্ঞানর্ দাবি গুরিনে খ্রীষ্টীয় ধর্ম-বিশ্বেজত্তুন্ দূরোত্ সুরি যেইয়োন। গোজেনে তমারে দোয়্যে গোরোক্।

২ তীমথিয় 2:14

এই বেক্‌ কধানি মানুচ্চুনোরে ইদোত্ গুরি দেনাত্ থাগ। গোজেন মুজুঙোত্ তারারে উজিয়ার গুরি দে যেন তারা বাজে কধালোই তর্কাতর্কি ন-গরন। ইয়েনর কনঅ দাম নেই, বরং যিগুনে সিয়েনি শুনোন্ তারারে সিয়েনে সর্বনাশ গরে।

তীত 1:11

এ মানুচ্চুনোর মুয়োনি নাঢি দেনা দরকার, কিয়া অন্যেয় লাভত্যে তারা এন্‌ শিক্ষ্যে দুয়োন যিয়েনি তারার্ দেনা উজিত নয়; আর এবাবোত্যে গুরি তারা কয়েক্কো ঘোর্‌‌‌‌‌বোরে ভস্ত গুরি ফেলেয়োন।

ইব্রীয় 3:10

মুই তারা উগুরে রাগে কোইয়োং, ‘এ মানুচ্চুনোর মনানি ভান্ন্যেই পধেদি ঘুরি বেড়ার্; তারা আমা পথ্‌তান হবর্ ন-পেলাক্।’

যাকোব 5:19

মর্ ভেইয়ুন্, তমা ভিদিরে যুনি কেঅ সত্যত্তুন্ দূরোত্ সুরি যায় আর তমাত্তুন্ কেঅ তারে ফিরেই আনঅ,

১ যোহন 2:19

খ্রীষ্টর্ এ শত্রুগুন আমা ভিদিরেত্তুন্ নিগিলি যেয়োন। মাত্তর্ তারা আমা মানুচ্‌ ন-এলাক্। যুনি তারা আমার্ অদাক্ সালে আমা সমারে থেদাক্, মাত্তর্ তারা নিগিলি যেইয়োন বিলিনে বুঝো যার্, তারা কেঅই আমার নয়।