২ তীমথিয় 2:16 - Chakma Bible

¹⁶ গোজেন উগুরে ভোক্তি-নেইয়্যে আর বাজে কধাবাত্তাত্তুন্ দূরোত্ থাগঅ, কিয়া এবাবোত্যে কধা বাত্তাত্যে মানুচ্চুনো মনত্ গোজেন উগুরে ভোক্তির্ মনভাব্‌পান কুমি যানাত্ থেবঅ।

২ তীমথিয় 2:16 Iomraidhean Croise

ইষ্রা 10:10

সেক্কে ধর্মগুরু ইষ্রা উদিনে থিয়্যেইনে তারারে কলঅ, “তুমি অবিশ্বেজি ওইয়ো, অন্য জাদর্ মিলেগুনোরে লোইনে তুমি ইস্রায়েলীয়গুনোর্ পাপ সমারে আর পাপ মিজেয়ো।

হোশেয় 12:1

ইফ্রয়িমে বোইয়্যের্ খায়; তে গোদাদিন্নো পূগো বোইয়্যেরানরে লড়াই আর মিজে কধা আহ্ অত্যেচার বাড়ায়। তে আসিরিয়া লগে আত্ মিলেয়্যে আর মিসররে জলপাইয়র তেল পাধেয়্যে।”

১ করিন্হীয় 15:33

কধায় কয়, “বজং সমাজ্জ্যে গম্ মান্‌জ্যরেয়ো বজং গুরি ফেলায়।”

১ করিন্হীয় 5:6

দেমাগ্ গরানা তমাত্যে গম্ নয়। তুমি কি কোই ন-পার যে, এক্কেনাগুরি সদা এক্কান গোদা মোইদ্যের্ তালরে ফুলেই তুলে? তমা ভিদিরেত্তুন্ সেই পুরোণি সদাগানরে ফেলেই দুয়ো,

১ তীমথিয় 1:9

আমি ইয়েন্অ কোই পারিই, কনঅ সৎ মান্‌জ্যত্যে এ আইন-কানুনানি দিয়্যে ন-অয়; সিয়েনি দিয়্যে ওইয়্যেদে তারাত্যে যিগুনে আইন অমান্য গরন্ আর অবাধ্য অন্, যিগুনে ভক্তিনেইয়্যে আর পাপী, যিগুনে অপবিত্র আর অধার্মিক, যিগুনে বাপ্-মারে মারে ফেলান, যিগুনে খুন্ গরন,

১ তীমথিয় 4:7

গোজেন উগুরে ভোক্তি-নেইয়্যে হিত্যে-কধাত্তুন্ দূরোত্ থাগঅ; ইয়েনি দঅ বুড়ীগুনোর্ বানেয়্যে হিত্যে ধোক্ক্যেন। সিয়েনিত্তুন্ বরং গোজেন ভক্তির অভ্যেস্ গরঅ।

১ তীমথিয় 6:20

ও তীমথিয়, যিয়েন রোক্ষ্যে গুরিবাত্যে তরে দিয়্যে ওইয়্যে সিয়েন গমেডালে রোক্ষ্যে গর্। মিজে জ্ঞানর্ ভোক্তি-নেইয়্যে বাজে কধা আর ভুল্ শিক্ষ্যেত্তুন্ দূরোত্ থাগ্।

২ তীমথিয় 2:14

এই বেক্‌ কধানি মানুচ্চুনোরে ইদোত্ গুরি দেনাত্ থাগ। গোজেন মুজুঙোত্ তারারে উজিয়ার গুরি দে যেন তারা বাজে কধালোই তর্কাতর্কি ন-গরন। ইয়েনর কনঅ দাম নেই, বরং যিগুনে সিয়েনি শুনোন্ তারারে সিয়েনে সর্বনাশ গরে।

২ তীমথিয় 2:21

যিগুনে এবাবোত্যে নিচু কামর বাজোন ধোক্ক্যেন, তারাত্তুন্ সুরি এইনে যুনি কেঅ নিজোরে সিজি গরে সালে তে এমন্‌ বাজোন ধোক্ক্যেন অবঅ যিবেরে সর্মানর কামত্ বেবহার গরা অয়। পবিত্র উদ্দেচ্যে তারে যুদো গুরি থুয়ো অবঅ, তে প্রভুর কামত্ লাগিবো আর নানান্ বাবোত্যে গম কাম গুরিবাত্যে তে যুক্কোল্ থেবঅ।

২ তীমথিয় 3:13

মাত্তর্ পাজি মানুচ্চুনে আর ফক্করুনে দিন দিন আরঅ বজং অবাক্। তারা অন্যগুনোরে ভুল্ পধেদি নেযেবাক্ আর নিজেয়ো ভুল্ পধেদি চলিবাক্।

তীত 1:11

এ মানুচ্চুনোর মুয়োনি নাঢি দেনা দরকার, কিয়া অন্যেয় লাভত্যে তারা এন্‌ শিক্ষ্যে দুয়োন যিয়েনি তারার্ দেনা উজিত নয়; আর এবাবোত্যে গুরি তারা কয়েক্কো ঘোর্‌‌‌‌‌বোরে ভস্ত গুরি ফেলেয়োন।

তীত 1:14

আর যিহূদীগুনোর্ হিত্যে-কধালোই আর যিগুনে গোজেনর্ সত্যত্তুন্ ফিরি যেইয়োন তারার্ উগুমে কান ন-পাদন্।

তীত 3:9

অঘা ধোক্ক্যেন তর্কাতর্কি, বংশর-নাঙানি, কোল্-কোজ্জ্যে আর রীতি-সুদোমর্ কধা সলাসুলিত্তুন্ তুই দূরোত্ থাগ, কিয়া ইয়েনি গুরিনে কনঅ লাভ নেই; ইয়েনি বেক্কানি অত্ত-নেইয়্যে।

ইব্রীয় 12:15

চঅ, কেঅ যেন গোজেনর্ দোয়্যেত্তুন্ বাদ্ ন-পড়ন্। চঅ, বিষ্‌বলা তিদে গাজ শিঙোর ধোক্ক্যেন্ গেজেই উদিনে কেঅ যেন দুঘ্ বাড়েইনে ভালোক্ জনরে অসিজি ন-গরন্।

২ পিতর 2:18

তারা বাজে আর দাঙর্ দাঙর্ কধা কন্ আহ্ মান্‌জ্যর পাপ-খাচ্চ্যদর্ কামনাবলা আওজ্‌চান জাগেই তুলিনে তারা এন্‌ মানুচ্চুনোরে ভুল পধেদি নেযান্ যিগুনে অন্যেয় ভিদিরে বজত্তি গুরিয়্যে মানুচ্চুনোত্তুন্ নিগিলি এবার পধত্ এলাক্।

২ পিতর 2:2

ভালোকজনে তারারে দেগিনে কামানি বেঙেবাক্। তারাত্যে মানুচ্চুনে সত্য পধ্‌থানরে বদনাঙ্ গুরিবাক্।

ফগদাং পেইয়্যে 13:14

সেই পত্তম য়েমান্নোর্ ওইনে যেদক্কানি আমক্ কাম গুরিবাত্যে তারে খেমতা দিয়্যে ওইয়্যে তে সিয়েনি গুরিনে মানুচ্চুনোরে ভুল্ পধেদি নেযা ধুরিলো। পত্তম যে য়েমান্নো ছুড়ির্ আঘাত্ পেইনেয়ো বাঁজি এলঅ, দ্বিলম্বর য়েমান্নোয়ো মানুচ্চুনোরে কলঅ যেন তারা তার্ এক্কো মূত্তি বানান্।

ফগদাং পেইয়্যে 13:3

য়েমান্নোর্ এক্কো মাঢাত্ এমন্‌ এক্কান আঘাত এলঅ যিয়েনত্যে তে মরেদে ধোক্ক্যেন ওইয়্যে, মাত্তর্ সেই আঘাত্তান্ গম ওই যেয়্যে। সেক্কে জগদর্ বেক্ মানুচ্চুনে আমক্ ওইনে সেই য়েমান্নোর্ পিজে পিজে যাহ্ ধুরিলাক্।