২ তীমথিয় 2:15 - Chakma Bible

¹⁵ যিবে উগুরে গোজেনে হুজি, অত্তাৎ যিবের্ লাজেবার্ কনঅ কারন নেই সেবাবোত্যে কামর্ মানুচ্‌ ইজেবে আর যে ভুল্-নেইয়্যে গুরি সত্যর্ কধা শিক্ষ্যে দে সেবাবোত্যে মানুচ্‌ ইজেবে নিজোরে গোজেন মুজুঙোত্ আঝির্ গুরিবাত্যে বিশেষ গুরিনে আয়োজি অ।

২ তীমথিয় 2:15 Iomraidhean Croise

মথি লেখ্যে গম্ হবর্ 13:52

সেক্কে যীশু তারারে কলঅ, “স্বর্গ-রেজ্যেগান পৌইদ্যেনে যিদুক্কুন ধর্ম মাষ্টরে শিক্ষ্যে পেইয়োন তারা বেক্কুন এমন্ এক্কো গিরোজ ধোক্ক্যেন্ যিবে তা ভান্ডালত্তুন্ নুয়ো আর পূরোণ জিনিস নিগিলায়।”

মার্ক 4:33

এবাবোত্যে আরঅ বোউত্ হিত্ত্যর্ মাধ্যমে যীশু গোজেনর্ কধা মানুচ্চুনো ইধু কদঅ। তারা যেত্তমান্ বুঝি পারিদাক্ সেত্তমান্ তে তারা ইধু কদঅ।

লূকে লেখ্যে গম্ হবর্ 12:42

জোবত্ প্রভু যীশু কলঅ, সেই বিশ্বেজি আর বুদ্ধিবলা চাগর্‌‌‌বো কন্না, যিবেরে তা গিরোজ্‌‌‌সো তার্ অন্য চাগরুনোরে ঠিগ্ সময়োত্ হানা ভাগ্ গুরি দিবার ভারান্ দিবো?

প্রেরিত্‌ 2:22

ইস্রায়েলীয়গুন, এ কধাগান শুনো। নাসরত যীশুর মাধ্যমে গোজেনে তমা ইধু মহৎ আর আমক্ আমক্ কাম গুরিনে তমা ইধু প্রমাণ গোজ্যেদে, তে যীশুরে দিপাধেয়্যে; আর এ কধাগান দঅ তুমি কোই পারঅ।

প্রেরিত্‌ 20:27

কিয়া গোজেনে কি চায় সিয়েন তমারে জানেবাত্তে মুই কনদিন্অ পিজেদি ন-ফিরোং।

রোমীয় 14:18

যে এবাবোত্যেগুরি খ্রীষ্টরে সেবা গরে গোজেনে তা উগুরে হুজি অয় আর মান্‌জ্যেয়ো তারে গম্ মনে গরন্।

রোমীয় 16:10

খ্রীষ্টর মানুচ্‌ ইজেবে তারে চাগি চাহ্ ওইয়্যে।

রোমীয় 6:13

কিয়্যেগানর্ কনঅ জিনিজোরে অন্যেয় কাম্ গুরিবার্ আত্যের্ ইজেবে পাপ আঢত্ তুলি ন-দুয়ো। মরণত্তুন্ জেদা ওইয়্যে মানুচ্ ইজেবে তুমি বরং গোজেন আঢত্ নিজোরে তুলি দুয়ো আর গম্ কাম্ গুরিবার আত্যের্ ইজেবে তমা পুরো কিয়্যেগানরে গোজেনরে দি দুয়ো।

১ করিন্হীয় 2:6

যিগুনে খ্রীষ্টীয় জিংকানিত্ পাগানা তারা ইধু অবুচ্চোই আমি জ্ঞানর্ কধা কোই; মাত্তর্ সেই জ্ঞানান্ এ জগদর্ নয়, বা এ জগদর্ নেতাগুনোর্‌অ নয় যিগুনে খেমতা-নেইয়্যে ওইয়োন্ ।

২ করিন্হীয় 10:18

কিয়া নিজোর্ নাঙ্ ফুদেবাত্যে কেঅ গম্ বিলিনে প্রমাণ ন-অয়, বরং প্রভু যিবেরে নাঙ্ গিনে তেয়ই গম্ বিলিনে প্রমাণ অয়।

২ করিন্হীয় 3:6

এক্কান নুয়ো বেবস্থার্ কধা জানিবাত্যে তেয়ই আমারে যোগাজ্জ্যে গুরি তুল্ল্যে। এ বেবস্থাগান্ অক্ষরে অক্ষরে আইন-কানুন্ পালানার্ বেপার নয়, মাত্তর্ পবিত্র আত্মার পরিচালনায় মনর্ বাধ্যতার্ বেপার; কিয়া আইন-কানুনে মরণ আনে, মাত্তর্ পবিত্র আত্মাগানে জিংকানি দান গরে।

২ করিন্হীয় 4:2

মান্‌জ্যে গুমুরোত্ যেদক্কানি লাজ্ গরেদে বাবোত্যে কাম্ গরন সিয়েনি আমি এক্কুবারে ন-গুরিই। আমি কনঅ কামত্ ছলনা ন-গুরিই, গোজেন কধানিত্ কনঅ ভুলোর্ ভেজাল্ ন-দিই। আমি বরং গোজেনর্ সত্যগান্ ফগদাং গুরিনে তা মুজুঙোত্ বেক্‌ মানুচ্চুনোর্ বিবেগ ইধু নিজোরে মানি লোইয়্যে বিলিনে তুলি ধুরিই।

২ করিন্হীয় 5:9

সেনত্যে আমি কিয়্যেগানর্ ঘরানত্ বজত্তি গুরিই বা ন-গুরিই, আমার্ উদ্দেচ্য অত্তে প্রভুরে হুজী গরানা।

গালাতীয় 1:10

মুই ইয়েনত্ কার প্রশংসা পেবার চেষ্টা গরঙর্, মান্‌জ্যর না গোজেনর্? না কি মান্‌জ্যরে হুজী গুরিবার চেষ্টা গরঙর্? মুই যুনি এজঅ মান্‌জ্যরে হুজী গুরিবার চেষ্টা গরং সালে দঅ মুই খ্রীষ্টর্ চাগর নয়।

ইফিষীয় 1:13

আর তুমিয়ো সত্যর্ কধা, অত্তাৎ পাপত্তুন্ উদ্ধোর্ পেবার গম হবর্ শুনিনে খ্রীষ্ট উগুরে বিশ্বেজ্ গোজ্জ্য। খ্রীষ্ট সমারে মিজেয়ো বিলি গোজেনে তার্ এগেম্ গোজ্জ্যে পবিত্র আত্মালোই তমারে সীল্‌মারি রাগেয়্যে।

১ থিষলনীকীয় 2:4

বরং যগাজ্জ্যে মনে গুরিনে গম হবর্ জানেবার ভারান্ গোজেনে আমা উগুরে দিয়্যে বিলিনে আমি সে ইজেবে কধা কোর্। মান্‌জ্যরে হুজী গুরিবাত্যে আমি এ কধানি ন-কোর্, মাত্তর্ যিবে আমার রিবেঙানি যাচাই গুরি চায় সেই গোজেনরে হুজি গুরিবাত্যে কোর্।

১ থিষলনীকীয় 5:14

ভেইলগ্, আমি তমারে এ উপদেচ্‌‌‌চান দিত্তে-যিগুনে আল্‌চি তারারে উজিয়ার্ গরঅ; যিগুনোর সাহচ্‌ নেই তারারে সাহচ্‌ দুয়ো; যিগুনে বল্‌‌পোজ্জ্যে তারারে বল্ দুয়ো আর বেক্কুনোরে ধৈয্য ধুরিনে সোজ্জ্য গরঅ।

১ তীমথিয় 4:6

যুনি তুই এ বেপারানি ভেইয়ুনোরে বুঝেই দুয়োচ্ সালে খ্রীষ্টীয় ধর্ম-বিশ্বেজর্ যে সত্যগান আর ভুল-নেইয়্যে শিক্ষ্যেগান তুই মানি চলর্, সিয়েন্দোই কাবিল্ ওইনে খ্রীষ্ট যীশুর এক্কো যগাজ্জ্যে সেবাগুরিয়্যে অবে।

ইব্রীয় 4:11

ইয়েনত্যে এজঅ, আমি সেই জিরেন্ পেবাত্যে গমেডালে আয়োজি ওই। কেঅ যেন সেই অবাধ্য ইস্রায়েলীগুনো ধোক্ক্যেন গোজেনরে অমান্য গুরিনে তার্ দিয়্যে জিরেনত্তুন্ বাদ ন-পড়ন্।

যাকোব 1:12

পোরোক্ষ্যের্ সময়োত্ যে ধৈয্য ধরে তে বর্ পেইয়্যে, কিয়া যগাজ্জ্যে প্রমাণ অলে পরেদি জিদেনার্ মালা ইজেবে তে জিংকানি পেবঅ। গোজেনরে যিগুনে কোচ্‌পান তারারে তে এ জিংকানিগান দিবার এগেম্ গোজ্জ্যে।

যাকোব 1:18

তা নিজোর্ আওজে সত্য কধানিলোই তে আমারে তার্ পুয়ো বানেয়্যে, যেন তার্ সৃট্টি জিনিজো ভিদিরে আমি এক বাবোত্যে পত্তম ফল ধোক্ক্যেন ওই।

২ পিতর 1:10

ইয়েনত্যে ভেইলগ, গোজেনে যে ঘেচ্চ্যেকগুরি তমারে ডাক্ক্যে আর বেঈ লোইয়্যে সিয়েন যদবদে অবাত্যে আরঅ বেচ্ আওজি অ। ইয়েনি গুরিলে তুমি কনদিনঅ উজোট্ ন-হেবা।

২ পিতর 1:15

মর্ মরণর পরেদিয়ো যেন তুমি এই বেপারানি আমিযে মনত্ থঅ, মুই সিয়েনর বেবস্থাগান গুরিবাত্যে ভারী চেষ্টা গুরিম।

২ পিতর 3:14

কোচ্‌পেইয়্যে ভেইয়ুন, তুমি ইক্কিনে ইয়েনি বেক্কানিত্যে বাজ্জেই আঘঅ বিলিনে মনেপরাণে চেষ্টা গরঅ যেনে তে এইনে তমারে থুদো নেইয়্যে ওইনে নিদ্দুজি অবস্থায় সুগে-শান্দিয়্যে বজত্তি গত্তে দেগেগি।