২ তীমথিয় 2:14 - Chakma Bible

¹⁴ এই বেক্‌ কধানি মানুচ্চুনোরে ইদোত্ গুরি দেনাত্ থাগ। গোজেন মুজুঙোত্ তারারে উজিয়ার গুরি দে যেন তারা বাজে কধালোই তর্কাতর্কি ন-গরন। ইয়েনর কনঅ দাম নেই, বরং যিগুনে সিয়েনি শুনোন্ তারারে সিয়েনে সর্বনাশ গরে।

২ তীমথিয় 2:14 Iomraidhean Croise

যিরমিয় 16:19

ও লগেপ্রভু, মর্ খেমতা, মর্ ঘর, মর্ দুঘো সময়োর আশ্রয়, পিথ্‌তিমীর শেজ্ দুযিত্তুন অন্য জাদ্‌‌তুনে তইধু এইনে কবাক্, “আমা পুরোণি মানুচ্চুনে এমন মিজে দেব-দেবেদা আর অপদাত্ত মূত্তির্ গিরোজ্ এলাক্ যিয়েনিলোই তারার কনঅ লাভ ন-অয়।‍‍‍

যিরমিয় 2:11

যুনিয়ো জাদ্‌‍‍তুনোর দেব-দেবেদাগুনে গোজেন নয় তো কনঅ জাদে নিজোর্ দেব-দেবেদাগুনোর পরিবত্তন্ ন-গরন; মাত্তর্ মঅ মানুচ্চুনে তারার বাঈনী গরেদে গোজেনর বদলে অপদাত্ত দেবেদাগুনোরে মানি লোইয়োন্। ‍

যিরমিয় 2:8

ধর্মগুরুগুনে পুযোর্ ন-গরন, লগেপ্রভু কুধু? যিগুনো আঢত্ রীদি-সুদোম এলঅ তারা মরে ন-চিনোন্; নেতাগুনে মঅ বিরুদ্ধে উল্লোমী গোজ্যন্। ভাববাদীগুনে অপদাত্ত মূত্তিগুনোর পিজেদি যেইনে বাল দেবেদার নাঙে কধা কোইয়োন।

যিরমিয় 23:32

ঘেচ্চেকগুরি মুই সেই ভাববাদীগুনো বিরুদ্ধে যিগুনে মিজে স্ববনর্ কধা কন। তারা সিয়েনি কন্ আর তারার বাড়্‌বো গোজ্যে মিজে কধালোই মঅ মানুচ্চুনোরে ভান্ন্যেই পধেদি নেযান। মাত্তর্ মুই তারারে ন-পাদাং বা উগুমঅ ন-দুয়োং। তারা এ মানুচ্চুনোরে এ শোস্যবিজিয়ো উপকার গুরি ন-পারন। মুই লগেপ্রভু এ কধাগান কঙর্।”

যিরমিয় 23:36

মাত্তর্ তুমি যেন আর কনদিন্‌অ ন-কঅ, ‘লগেপ্রভুর কধাগান ইয়েন,’ কিত্তে পত্তি মানুচ্ নিজোর কধানরে গোজেনর কধা বানায়। এবাবোত্যেগুরি তুমি জেদা গোজেনর, তমা বেগত্তুন খেমতাবলা লগেপ্রভুর কধানি বেঙা গরঅ।”

যিরমিয় 7:8

চঅ, তুমি মিজে কধালোই বিশ্বেজ্ গোজ্য, মাত্তর্ সিয়েনত্ কনঅ লাভ নেই।

হবক্‌‌‌‌কূক 2:18

আড়ুগোর্ কনঅ দাম নেই, কিত্যেই মান্‌‌‌‌‌‌জ্যে দঅ তারে খুনিনেই বানেয়োন্। ছাজিনে ঢাল্যে মূত্তির্‌অ মূল্য নেই, কিত্যে সিয়েনত্তুন্ মান্‌‌‌‌‌‌জ্যে মিজে শিক্ষ্যে পান্। যে সিবে বানায় তে কিত্তে তা আঢে বানেয়্যে জিনিস্‌‌‌‌‌‌ছো উগুরে বিশ্বেজ্ গরে? সেই মূত্তি দঅ কধা কোই ন-পারে।

মথি লেখ্যে গম্ হবর্ 16:26

যুনি তুই পুরো পিত্‌থিমীগান পেইনেয়ো সিয়েনর বদলে আজল্ জিংকানিগান্ আরাস্ সালে সিয়েনর্ কি লাভ্ অলঅ? নিশ্চই নয়! সালে কেধোক্ক্যেন গুরি এক্কো মান্‌জ্যে তা জিংকানিগান ফিরি পেবঅ?

প্রেরিত্‌ 13:10

“তুই শদানর্ পুয়ো আর যিয়েনি গম্ সিয়েনির শত্রু। তঅ ভিদিরে নানান্ বাবোত্যে ছলনা আর থগামি রোইয়্যে। প্রভুর উজু পধ্‌‌তানরে বেঙা গুরিবার কামান্ কি তুই কনঅ দিনঅ ন-থামেবে?

প্রেরিত্‌ 15:24

“আমি শুনিলোং, আমা ভিদিরেত্তুন্ কয়েকজনে যেইনে ভালোক্কানি কধা কোইনে তমা মনানি যাগুলুগ্ গুরিনে দুঘ্ দুয়োন, মাত্তর্ আমি তারারে এবাবোত্যে কাম্ গুরিবাত্তে ন-কোই।

রোমীয় 14:1

বিশ্বাজে যে মন্‌মরা তারে আপন গুরি নেয; তা কধাগান্দোই তা সমারে তর্কাতর্কি ন-গোজ্য।

গালাতীয় 1:7

আসলে সিয়েন দঅ কনঅ গম হবর্ নয়। তো কিজু মানুচ্‌ আঘন যিগুনে তমারে থির্ থেবাত্তে ন-দেদন্, আর খ্রীষ্ট পৌইদ্যেনে গম হবর্ বুদুলিবাত্যে চাদন্।

ইফিষীয় 4:17

ইয়েনত্যে মুই কঙর্, আর প্রভুর্ ওইনে বিশেষ জোর্ দিইনে কঙর্-অযিহূদীগুনে যেবাবোত্যেগুরি বাজে চিন্তেলোই তারার্ জিংকানি কাদান্ তুমি আর্ সেবাবোত্যেগুরি জিংকানি ন-কাদেয়ো।

১ থিষলনীকীয় 4:1

আরঅ কং ভেইলগ্, গোজেনরে হুজি গুরিবাত্যে কেধোক্ক্যেন গুরি চলানা উচিত সেই শিক্ষ্যেগান্ দঅ তুমি আমাত্তুন্ পেইয়ো, আর ঘেচ্চ্যেকগুরি তুমি সেবাবোত্যে গুরি চলর্। তো প্রভু যীশুর্ ওইনে আমি তমারে কোজোলি গুরির্ আর উপদেচ্‌ দিত্তে যেন তুমি আরঅ বেশ্ গুরিনে সেবাবোত্যেগুরি চলঅ।

২ থিষলনীকীয় 3:6

ভেইলগ্, আমা প্রভু যীশু খ্রীষ্টর্ নাঙে আমি তমারে এ উগুমান দির্-যুনি কনঅ ভেই আল্‌সি গুরিনে কাদায় আর আমাত্তুন্ তুমি যে শিক্ষ্যেগানি পেয়ো সিয়েনি ন-পালায়, সালে তুমি তা সমারে ন-মিল্ল্য।

১ তীমথিয় 1:4

তারারে এ উগুমান্অ দিচ যেন তারা হিত্যে-কধালোই আর দাঙর্ দাঙর্ গুট্টির্-নাঙানি ইন্দি মনযোগ ন-দুয়োন। ইয়েনিয়ে গোজেনর্ কাম বাদ দিইনে নানান্ তর্কাতর্কির সৃট্টি গরে মাত্তর্ গোজেনে কেধোক্ক্যেন গুরি তার্ কামানি পরিচালনা গরে সিয়েনি বিশ্বেজর্ মাধ্যমে জানা যায়।

১ তীমথিয় 1:6

কিজু মান্‌জ্যে ইয়েনিত্তুন্ সুরি যেইনে বাজে কধাবাত্তা ইন্দি বেশ্ মনান্ দুয়োন।

১ তীমথিয় 4:8

কিয়্যেগানদি ব্যায়ামত্ কিজু লাভ অয় সত্য, মাত্তর্ গোজেন-ভোক্তিলোই বেক্কানিন্দি লাভ্ অয়; সিয়েনত্যে এ জিংকানিত্ আর পর জিংকানিত্যে আজা আঘে।

১ তীমথিয় 5:21

গোজেন আর খ্রীষ্ট যীশু আর বেঈ লোইয়্যে স্বর্গদূত্‌‍‍‍ত‌‍‍ুনো মুজুঙোত্ মুই তরে এ উগুমান দুয়োঙর্-কারঅ পক্ষ ন-লোইনে ইয়েনি বেক্কানি গুরিবে আর একচোক্ক্যে ওইনে কনঅ কাম ন-গুরিচ্।

১ তীমথিয় 6:13

গোজেন, যিবে বেক্কুনোরে জিংকানি দান গরে আর খ্রীষ্ট যীশু, যিবে পন্তীয় পীলাত মুজুঙোত্ সত্যর্ পৌইদ্যেনে সাক্ষ্য দিয়্যে, সেই গোজেন আর খ্রীষ্ট যীশুর্ মুজুঙোত্ মুই তরে এ উগুমান দুয়োঙর্-

২ তীমথিয় 1:6

ইয়েনত্যে মুই তরে আরঅ এ কধাগান কবাত্যে চাং-তঅ উগুরে মঅ আঢ্‌তান দিইনে গোজেনে তরে যে বিশেষ দান দিয়্যে সিয়েন আরঅ জাগেই তুল্।

২ তীমথিয় 2:16

গোজেন উগুরে ভোক্তি-নেইয়্যে আর বাজে কধাবাত্তাত্তুন্ দূরোত্ থাগঅ, কিয়া এবাবোত্যে কধা বাত্তাত্যে মানুচ্চুনো মনত্ গোজেন উগুরে ভোক্তির্ মনভাব্‌পান কুমি যানাত্ থেবঅ।

২ তীমথিয় 2:23

বাজে, অঘা তর্কাতর্কিত্ ন-মিজেয়ো, কিয়া তুই দঅ কোই পারচ্ সিয়েনিয়ে যেরেদি কোল্-কোজ্জ্যে বাজেই দে।

২ তীমথিয় 4:1

খ্রীষ্টর্ ফিরি এজানা আর তা রেজ্য পৌইদ্যেনে মনত্ রাগেইনে গোজেন মুজুঙোত্ আর যিবে জেদা আর মরাগুনোর্ বিচের্ গুরিবো সেই খ্রীষ্ট যীশুর্ মুজুঙোত্ মুই তরে এ উগুমান দুয়োঙর্-

তীত 3:1

গোজেনর্ মানুচ্চুনোরে মনত্ তুলি দে যেন তারা শাসনগুরিয়্যে আর যিগুনোর্ আঢত্ খেমতা আঘে তারার্ অধিনোত্ থান, বাধ্য অন্ আর মানুচ্চুনোরে যে কনঅ উপকার গুরিবাত্যে যুক্কোল্ থান্।

ইব্রীয় 13:9

নানান্ বাবোত্যে নূয়ো নূয়ো শিক্ষ্যেলোই যেন তমারে ভুল্ পধেদি ন-নেযান্। আমা মনানি উৎসর্বর হানা উগুরে ন-থেইনে যেন গোজেন দোয়্যে উগুরে থির্ ওইনে বজে। যিগুনে সেই হানাগান উগুরে নির্ভর্ গুরিনে চলিদাক্, সেই হানাগানত্তুন্ তারার্ কনঅ লাভ্ ন-অয়।

২ পিতর 1:13

মাত্তর্ মুই মনে গরং, যেদক দিন মুই এ তাম্বুলো ধোক্ক্যেন কয়েক দিনোত্যে বাঁজি থেম্ সেদক দিন এ বেপারানি ইদোত্ তুলি দিইনে তমারে জাগেই রাগানা মর্ উচিত্;

১ শমূয়েল 12:21

তুমি তাত্তুন্‌ সুরি ন-যেইয়ো, কিত্যে সিয়েন গুরিলে তুমি অসার দেব-দেবেদাগুনোর পিজেন্দি যেবা। সিগুন অসার বিলিনে তমার কনঅ উপকারঅ গুরি ন-পারিবাক্ আর তমারে রোক্ষেয়ো গুরি ন-পারিবাক্।