২ তীমথিয় 1:8 - Chakma Bible

⁸ সেনত্যে আমা প্রভু পৌইদ্যেনে সাক্ষি দেদে ন-লাজেচ্, আর তাত্যেই যে মুই বন্দী, মত্যেয়ো ন-লাজেচ্। সিয়েনর বদলে গোজেনে তরে যে খেমতা দিয়্যে সেই খেমতা মজিম তার্ গম হবর্ প্রচারত্যে মঅ লগে দুঘ্ গর্।

২ তীমথিয় 1:8 Iomraidhean Croise

গীতসংহিতা 119:46

তুই যেদক্কানি কধা কোইয়োচ্ সিয়েনি মুই রাজাগুনো মুজুঙোত্ কোম; মুই ন-লাজেম্।

গীতসংহিতা 19:7

লগেপ্রভুর উগুমোত্ কনঅ ভেজাল্ নেই, সিয়েনে মান্‌‌জ্যরে জাগেই তুলে। লগেপ্রভুর কধানি বিশ্বেজ্ গুরিবার, সিয়েনিয়ে সিদেসিদি মানুচ্চুনোরে জ্ঞান দে।

যিশাইয় 51:7

“যিয়েন ঠিগ্ তুমি যিগুনে সিয়েন হবর্ পহ্ আর যিগুনোর মনত্ মঅ শিক্ষ্যেগান আঘে, তুমি শুনো। তুমি মানজ্যর্ ঈচ্ গরানাগানি বা তারার্ অগমান গরানাগানি ন-দোরেয়ো,

যিশাইয় 8:20

তমাত্তুন্ গোজেনর্ উগুম আর সাক্ষি ইদু যাহ্ পুরিবো। যুনি তারা গোজেন কধা মজিম্ কধা ন-কন্ সালে বুঝো পুড়িবোদে তারা ইদু কনঅ পহ্‌‌র জিনিস্‌চান নেই।‌

মার্ক 8:38

এই কালর্ অবিশ্বেজি আর পাপী মানুচ্চুনো ভিদিরে যুনি কেঅ মরে নিইনে আর মঅ কধানিলোই লাজান্, সালে মান্‌‌জ্য পুয়োবো যেক্কে পবিত্র দূত্‌‌তুনো সমারে গুরি তা বাব মহিমালোই এবঅ, সেক্কে তেয়ো সেই মানুচ্চুনো পৌইদ্যেনে লাজেব।”

লূকে লেখ্যে গম্ হবর্ 9:26

যুনি কেঅ মরে নিইনে আর মঅ কধালোই লাজান্, সালে মান্‌জ্য পুয়োবো যেক্কে নিজোর্ মহিমালোই, বাপর্ আর পবিত্র স্বর্গদূত্তুনোর্ মহিমালোই এবঅ সেক্কে তেয়ো সেই মানুচ্চো পৌইদ্যেনে লাজেব।

যোহন 15:27

আর তুমিয়ো মঅ পৌইদ্যেনে সাক্ষি দিবা, কিয়া পৌইল্যাত্তুন্ ধুরি তুমি মঅ সমারে সমারে আঘঅ।

যোহন 19:35

যে নিজো চোগেদি ইয়েন্ দেগিলো তেয়ই সাক্ষি দিইনে কোইয়্যে, আর তা সাক্ষিগান্ সত্য। তে কোই পারে, তে যিয়েন্ কোইয়্যে সিয়েন্ সত্য, যেন তুমিয়ো বিশ্বেজ্ গুরি পারঅ।

প্রেরিত্‌ 5:41

ইয়েন্দোই যীশু নাঙানত্যে প্রচারক্কুনে যে অগমান ভুগেদে ধোক্ক্যেন ওইয়োন সেনত্তে ফুত্তি গত্তে গত্তে তারা দাঙর্ তেম্মাঙ্ ছাড়িনে গেলাক্।

রোমীয় 1:16

যীশু খ্রীষ্ট পৌইদ্যেনে এই যে গম্ হবর্ সিয়েনত্ মর্ কনঅ লাজ নেই, কিত্যেই এ গম্ হবরানই অলঅ গোজেনর্ খেমতা যিবের্ মাধ্যমে তে বেক্ বিশ্বেজি গুনোরে পাপত্তুন্ উদ্ধোর্ গরে-পত্তমে যিহূদীগুনোরে, সে পরেদি অযিহূদীগুনোরে।

রোমীয় 16:25

যীশু খ্রীষ্ট পৌইদ্যেনে যে গম্ হবরান্ মুই প্রচার গরং সেই গম্ হবরান ভিদিরেদি তমারে থির্ গুরি রাগেবার খেমতা গোজেনর্ আঘে। ভালোক্ যুগ্ ধুরিনে গোজেনে তার্ গুমুরো উদ্দেচ্চ্যগান পৌইদ্যেনে কাররে ন-কয়,

রোমীয় 8:36

পবিত্র বোইবোত্ লেগা আঘে, তত্যে নিত্য আমাত্তুন্ কাররে নলে কাররে মারে ফেলা অর্; জবাই গোজ্জ্যে ভেড়া ধোক্ক্যেন্ মান্‌জ্যে আমারে মনে গরন্।

রোমীয় 9:33

এ পৌইদ্যেনে পবিত্র বোইবোত্ লেগা আঘে, চঅ, মুই সিয়েনত্ এন্ এক্কো পাত্তর্ থোইয়োং যেনে মান্‌‌‌জ্যে উজোত্ খান্ আর যিবে মান্‌‌‌জ্যর্ উজোত্ হেবার্ অয়। মাত্তর্ যে সিবে উগুরে বিশ্বেজ্ গরে তে আজা ন-অারেব।

১ করিন্হীয় 1:6

কিয়া খ্রীষ্ট পৌইদ্যেনে আমা সাক্ষ্যগান্ তমা রিবেঙত্ ফুদি থেবঅ।

২ করিন্হীয় 6:7

সত্যগান্ ফগদাঙত্যে আর গোজেনর্ খেমতালোই আমি প্রমাণ দিত্তে যে, আমি গোজেনর্ সেবাগুরিয়্যে। আরঅ দ্বি আঢে ন্যায়র্ অাত্যের্ তুলি লোইনে আমি প্রমাণ গুরিত্তে, আমি গোজেনর্ সেবাগুরিয়্যে।

ইফিষীয় 3:1

ইয়েনত্যে মুই পৌল গোজেন ইধু তবনা গরঙর্। তুমি যিগুনে অযিহূদী তমাত্যে মুই খ্রীষ্ট যীশুর্ বন্দী ওইয়োং।

ইফিষীয় 3:13

সেনত্যে মুই কোজোলি গরঙত্তে, তমাত্যে মুই দুঘ্-কষ্ট ভুগোঙর্ বিলিনে তুমি সাহচ্‌ ন-আরেয়ো, কিয়া সিয়েনি বেক্কানি তমার্ বাঈনী পেবাত্যে অর্।

ইফিষীয় 4:1

প্রভুত্যে বন্দী অবস্থায় মুই তমা ইধু এ কোজোলীগান গরঙত্তে, গোজেনে যিয়েনত্যে তমারে ডাক্ক্যে সিয়েনর যগাজ্যে ওইনে চলঅ।

ইফিষীয় 4:17

ইয়েনত্যে মুই কঙর্, আর প্রভুর্ ওইনে বিশেষ জোর্ দিইনে কঙর্-অযিহূদীগুনে যেবাবোত্যেগুরি বাজে চিন্তেলোই তারার্ জিংকানি কাদান্ তুমি আর্ সেবাবোত্যেগুরি জিংকানি ন-কাদেয়ো।

ফিলিপীয় 1:7

তমা বেক্কুনো পৌইদ্যেনে মর্ মনভাব এবাবোত্যে অনা উচিত, কিয়া তুমি মর্ কোচ্‌‌পেইয়্যে। মুই জেলোত্ থেলেয়ো গম হবরর্ পক্ষে থেইনে সিয়েনর্ সত্যগান প্রমাণ গরং, সেক্কে তুমি বেক্কুনে মঅ লগে গোজেনর্ দোয়্যের্ ভাগী।

ফিলিপীয় 3:10

মুই খ্রীষ্টরে জানিবাত্যে চাং আর যে খেমতালোই তারে মরণত্তুন্ জেদা গরা ওইয়্যে সেই খেমতাগানরে জানিবাত্যে চাং। মুই তার্ দুঘোর্ ভাগী অবার্ চাং। আজল্ কধা, যে মনভাব্‌পোই তে মোজ্জ্যে মুইয়ো সেবাবোত্যে মনভাব্ পেবাত্যে চাং।

ফিলিপীয় 4:13

যে মরে বল্ দান গরে তার্ মাধ্যমে মুই বেক্কানি গুরি পারং।

কলসীয় 1:11

ইয়েন সম্ভব, কিয়া গোজেনে তার্ দাঙর্ খেমতা মজিম বেক্ খেমতাগান্দোই তমারে খেমতাবলা গোজ্জ্যে যেনে তুমি নিত্য হুজিয়ে ধৈজ্জ্য ধুরিনে বেক্কানি সোজ্জ্য গরঅ আর বাবা গোজেনরে ভালেদি জানঅ। পহ্‌র রেজ্যত্ গোজেন মানুচ্চুনে যে অধিকারান পেবাক্ সিয়েনর্ ভাগী অবাত্যে তে তমারে যগাজ্জ্যে গুরি তুল্ল্যে,

কলসীয় 1:24

মুই তমাত্যে যে দুঘ্ ভুগোঙর্ সিয়েনত্যে মুই হুজি। খ্রীষ্টর্ কিয়্যেগানর্, অত্তাৎ মন্ডলীত্যে তার্ যে দুঘোত্ ভুগোনা এজঅ বাগী আঘে সিয়েন মুই মঅ কিয়্যেগান্দোই পূরেই দুয়োং।

১ থিষলনীকীয় 3:4

দুঘ্-কষ্ট যে আমা উগুরে এবঅ সেই কধাগান তমা লগে থেবার্ অক্তত্ আমি বার্‌বার্ কোইয়্যেই, আর তুমি কোই পারঅ যে, ঠিগ্ সিয়েনই ঘোট্যে।

১ তীমথিয় 2:6

তে বেক্‌ মানুচ্চুনোর উদ্ধোরর্ দাম ইজেবে নিজোর জিংকানিগান দিয়্যে। গোজেনর্ ঠিগ গোজ্জ্যে সময়োত্ সে পৌইদ্যেনে সাক্ষ্য দিয়্যে ওইয়্যে,

২ তীমথিয় 1:10

মাত্তর্ ইক্কিনে আমার উদ্ধোর্ গুরিয়্যে খ্রীষ্ট যীশুর এ জগদত্ এজানায় তে সেই দোয়্যেগান ফগদাং গোজ্জ্যে। খ্রীষ্ট মরণানরে ভস্ত গোজ্জ্যে আর গম হবরর্ মাধ্যমে ভস্ত ন-ওইয়্যে জিংকানির্ কধা ফগদাং গোজ্জ্যে।

২ তীমথিয় 1:12

ইয়েনত্যে মুই এ দুঘ্‌কানি ভুগোঙর্; তো মুই ন-লাজাঙর্, কিয়া মুই কোই পারং মুই কা উগুরে বিশ্বেজ্ গোজ্জ্যং। মুই ঘেচ্চ্যেকগুরি কোই পারং, মুই তা ইধু যিয়েনি থোইয়োং খ্রীষ্টর এবার দিন্নোত্যে সিয়েনি রোক্ষ্যে গুরিবার খেমতা তার্ আঘে।

২ তীমথিয় 1:16

অনীষিফর ঘোর্‌‌‌‌‌বোগুনো উগুরে প্রভু দোয়্যে গোরোক্; তে ভালোক্ বার্ মরে তচ্‌তাজা গুরি তুল্যে, আর মুই জেল্ খাট্যে ওইয়োং বিলিনে তে ন-লাজায়।

২ তীমথিয় 2:3

খ্রীষ্ট যীশুর এক্কো যগাজ্জ্যে সৈনিক ধোক্ক্যেন তুই আমা লগে কষ্ট সোজ্জ্য গর্।

২ তীমথিয় 2:8

যীশু খ্রীষ্ট পৌইদ্যেনে এ কধাগান মনত্ রাগেচ্, তারে মরাত্তুন্ জেদা গুরি তুলো ওইয়্যে আর তে দায়ুদো গুট্টির্ মানুচ্‌ এলঅ। যে গম হবরান মুই প্রচার গরং সিয়েন ভিদিরে এ কধাগান আঘে,

২ তীমথিয় 2:9

আর এই গম হবরান ফগদাঙত্যে মুই দুঘ্ গরঙর্; এন্‌ কি, দুষি ধোক্ক্যেন মরে বানা ওইয়্যে। মাত্তর্ গোজেনর্ কধাগানিরে দঅ বানা ন-অয়।

২ তীমথিয় 4:17

মাত্তর্ প্রভু মঅ সমারে এলঅ আর মরে খেমতা দান গোজ্জ্যে। সিয়েনর্ ফলে মুই পুরোপুরি গুরিনে গম হবর্ প্রচার গুরি পাজ্জ্যং আর অযিহূদীগুনে বেক্কুনে সিয়েন শুন্ন্যন্।

২ তীমথিয় 4:5

মাত্তর্ তুই বেক্কানিত্ নিজোরে দোঙেই রাগা, দুঘ্ সোজ্জ্য গর্ আর খ্রীষ্ট পৌইদ্যেনে গম হবর্ প্রচার গরানাত্ থাক্, আর গোজেনে তরে যে কাম গুরিবাত্যে দিয়্যে সিয়েন থুম্ সং গর্।

১ পিতর 1:5

তুমি পুরোপুরি গুরিনে উদ্ধোর্ ন-পানা সং গোজেনর্ খেমতায় বিশ্বেজ্‌‌চান্দোই তমারে গমেডালে থুয়ো অর্। শেজ্ সময়োত্ ফগদাং অবাত্যে সেই উদ্ধোরর্ যুক্কোল্ গুরি থুয়ো ওইয়্যে।

১ যোহন 4:14

আমি দেক্ক্যেই আর সাক্ষি দিত্তে, বাবা পুয়োবোরে মানুচ্চুনোর উদ্ধোর্ গুরিয়্যে ইজেবে পাধেয়্যে।

যিহূদা 1:24

বানা এক্কোগুরি গোজেন আমার উদ্ধোর গুরিয়্যে তে তমারে উজোত্ হেবার আঢত্তুন রোক্ষ্যে গুরিনে থুদো নেইয়্যে অবস্থায় নিজোর মহিমার মুজুঙোত্ হুজিয়ে আজির্ গুরি পারে। পুরোণি কালত্তুন্ ধুরি যেধোক্ক্যেন এলঅ সেধোক্ক্যেন ইক্কিনিয়ো আর উমরত্যে আমার প্রভু যীশু খ্রীষ্টর মাধ্যমে গোজেনর্ বাঈনী, মহিমা, বল্ আর খেমতা থোক্। আমেন।

ফগদাং পেইয়্যে 1:2

গোজেনর্ কধানি আর যীশু খ্রীষ্টর সাক্ষ্যগানি পৌইদ্যেনে যোহনে যিয়েনি দেক্ক্যে, সিয়েনি বেক্কানি পৌইদ্যেনে তে ইয়েনত্ সাক্ষ্য দিয়্যে।

ফগদাং পেইয়্যে 1:9

মুই তমার ভেই যোহন; যীশু লগে মিজেইনে মুই তমা লগে একই দুঘ্, একই রেজ্য আর একই ধৈজ্জ্যর্ ভাগী ওইয়োং। গোজেনর্ কধানি আর যীশুর সাক্ষ্যগানি ফগদাং গোজ্জ্যং বিলিনে মরে পাট্‌ম দ্বীবোত্ নেযেইনে থুয়ো ওইয়্যে।

ফগদাং পেইয়্যে 12:11

ভেড়া-ছবোর্ লো আর নিজোর সাক্ষ্যলোই তারা তারে অদেই দুয়োন। তারা নিজোরে বেশ্ কোচ্‌ ন-পান্ বিলিনে তারার্ জিংকানিগানি দিবাত্যে তারা রাজী এলাক্।

ফগদাং পেইয়্যে 19:10

সেক্কে মুই সেই স্বর্গদূত্‌তোর টেঙ ইধু মাঢা নিগুরিনে তারে গোজেনর্ সর্মান দিইনে সালাম গুরিলুং। মাত্তর্ তে মরে কলঅ, “ইয়েন কি গরর্? মুই তর্ সমাজ্জ্যে চাগর্। গোজেনরে সালাম গর্। তর্ বিশ্বেজি ভেইয়ুন, যিগুনে যীশুর্ শিক্ষ্যে ধুরি থান্, মুই তারাত্তুন্ একজন। যিশুর্ শিক্ষ্যেগান অলদে ভাববাদীগুনোর শিক্ষ্যের্ আজল্ কধা।”