২ তীমথিয় 1:7 - Chakma Bible

⁷ গোজেনে আমারে দরর্ মনভাব্ ন-দে; তে আমারে এমন্‌ মনভাব দিয়্যে যিয়েন ভিদিরে খেমতা, কোচ্‌পানা আর নিজোরে দোঙেই থবার্ খেমতা আঘে।

২ তীমথিয় 1:7 Iomraidhean Croise

গীতসংহিতা 119:80

তর্ সুদোমানি পালাদে মর্ মনান যেন গম্ থায়, যেনে মুই লাজত্ ন-পড়ং।

গম্ উপদেজ্ 2:7

গম্ মনর্ মানুচ্চুনোত্তে তে তরিত্ বুদ্ধি থুবেই রাগায়; যিগুনে গমেডালে চলন্ তে তারার ঢাল অয়,

গম্ উপদেজ্ 8:14

সল্লা আর তরিৎ বুদ্ধি মত্তুন্ এজে; মুই বিচেরবুদ্ধি, মুই খেমতা দুয়োং।

যিশাইয় 11:2

তা উগুরে থেবদে লগেপ্রভুর আত্মাগান্, জ্ঞান আর বুঝিবার আত্মাগান্, সল্লা আর খেমতার আত্মাগান্, বুদ্ধি আর লগেপ্রভু উগুরে ভোক্তিবলা দর্ গরানার আত্মা।

মীখা 3:8

মাত্তর্ মুই যাকোবরে তার্ অন্যেয়, ইস্রায়েলরে তার পাপ পৌইদ্যেনে জানেবাত্তে লগেপ্রভুর আত্মার্ দিয়্যে বল্লোই, ন্যায়বিচেরে আর সাহসে ভর্‌‌পুনং ওইয়্যেই।

সখরিয় 4:6

সেক্কে তে মরে কলঅ, “লগেপ্রভু সরুব্বাবিলরে এ হবরান দের্, ‘বল্ বা খেমতালোই নয়, মাত্তর্ মুই খেমতার অধিকারী লগেপ্রভু কঙর্, মর্ আত্মাগান্দোই তুই সফল অবে।

লূকে লেখ্যে গম্ হবর্ 10:19

চঅ, মুই তমারে সাপ আর বিছে উগুরে আঢি যেবার্ খেমতা দুয়োং আর তমা শত্রু শদানর্ বেক্ বলান উগুরেয়ো খেমতা দুয়োং। কনঅ কিজুয়ে তমারে ক্ষোতি ন-গুরিবো।

লূকে লেখ্যে গম্ হবর্ 15:17

পরেদি একদিন্যে তার উষ্ অলঅ। সেক্কে তে কলঅ, মঅ বাপ্পোর্ কদক্ চাগরে কদক্ বেশ্ হানা হেই পাদন্, অদচ মুই ইধু পেট্ পরায় মরঙর্।

লূকে লেখ্যে গম্ হবর্ 24:49

চঅ, মঅ বাপ্পো যিয়েনি দিবার্ এগেম্ গোজ্যে সিয়েনি মুই তমা ইধু পাধেই দিম্। স্বর্গত্তুন্ খেমতা ন-পানা সং তুমি এই শঅরত্ থাক্ক্য।”

লূকে লেখ্যে গম্ হবর্ 8:35

কি ওইয়্যে সিয়েন্ চেবাত্তে সেক্কে মানুচ্চুনে নিগিলি এলাক্। যীশু ইধু এইনে তারা দেগিলাক্, যিবে ভিদিরেত্তুন্ ভান্ন্যেই আত্মাগুন্ নিগিলি যেইয়োন্ তে কাবড়-চুগোড়্ পিনিনে গম্ মনে যীশু টেঙ কুরে বুয়োই আঘে। ইয়েন্ দেগিনে তারা দোরেলাক্।

যোহন 14:27

মুই তমাত্যে শান্তি থোই যাঙর্, মঅ শান্তিগান্ মুই তমারে দোঙর্; পিত্‌থিমীগানে যেবাবোত্যেগুরি দে মুই সেবাবোত্যেগুরি ন-দুয়োং।

প্রেরিত্‌ 1:8

মাত্তর্ পবিত্র আত্মা তমা উগুরে এলে পরেদি তুমি বল্ পেবা, আর যিরূশালেম, গোদা যিহূদীয়া আর শমরিয়া রেজ্যত্ আর পিত্‌থিমীর থুম দুযি সং তুমি মর্ সাক্ষী অবা।”

প্রেরিত্‌ 10:38

তুমি ইয়েন-অ কোই পারঅ যে, গোজেনে নাসরতর্ যীশুরে পবিত্র আত্মালোই আর খেমতালোই অভিষেগ্ গোজ্যে। গোজেনে তা সমারে এলঅ বিলিনে তে গম্ কাম গুরিনে বেড়েদ আর শদান আঢত্ যিগুনে দুঘ্ পেদাক্ তারারে বেক্কুনোরে গম্ গুরিদো।

প্রেরিত্‌ 20:24

মাত্তর্ মইধু মঅ পরাণানর্ কনঅ দাম নেই। মর্ ইয়েন বানা এক্কান আওজ্, যেন মুই থুম্ সং যেই পারং, অত্তাৎ প্রভু যীশু যে কামর্ ভারান্ মরে দিয়্যে সিয়েন শেজ্ গুরি পারং, সে কামান্ অলঅ গোজেনর্ দোয়্যের্ গম্ হবরান পৌইদ্যেনে সাক্ষি দেনা।

প্রেরিত্‌ 21:13

সেক্কে পৌলে কলঅ, “তুমি কানাকুদি গুরিনে মঅ মনানত্ দুঘ্ দুয়োর্ কিত্তে? প্রভু যীশুত্তে মুই যিরূশালেমত্ বানা বন্দী অবাত্তে নয়, মুরিবাত্তেয়ো যুক্কোল্ আগং।”

প্রেরিত্‌ 26:11

তারারে সাজা দিবাত্যে মুই প্রায় এক সমাজ-ঘরত্তুন্ অন্য সমাজ-ঘরত্ যেদুং আর যীশুর্ বিরুদ্ধে কধা কবাত্যে মুই তারা উগুরে জোর্ গুরিদুং। তারা উগুরে মর্ এদক্ রাগ এলঅ যে, তারা উগুরে অত্যেচার্ গুরিবাত্যে মুই বিদেজর্ শঅরানিত্ সং যেদুং।

প্রেরিত্‌ 26:25

সেক্কে পৌলে কলঅ, “মান্যবর্ ফীষ্ট, মুই পাগল্ নয়। মুই যিয়েন্ কঙর্ সিয়েন সত্য আর যুক্তিবলা।

প্রেরিত্‌ 6:8

স্তিফান গোজেনর দোয়্যে আর খেমতালোই পরিপূরোণ ওইনে মানুচ্চুনো ভিদিরে ভালোক্কানি আমক্ আমক্ কাম্ গরা ধল্ল।

প্রেরিত্‌ 9:22

মাত্তর্ শৌলে আরঅ খেমতাবলা ওই উদিলো আর যীশুই যে মশীহ সিয়েন প্রমাণ গুরিলো। ইয়েন্দোই দামেস্কর্ যিহূদীগুনে বেদমা ধোক্ক্যেন ওই গেলাক্।

রোমীয় 5:5

এ আশাগানে আমারে লাজত্ ন-ফেলায়, কিয়া গোজেনে তার্ দিয়্যে পবিত্র আত্মালোই আমা মনানি তার্ কোচ্‌পানালোই ভোরেই দিয়্যে।

রোমীয় 8:15

তুমি দঅ চাগর মনভাব ন-পঅ যিয়েনত্যে দোরেবা; তুমি গোজেনর্ আত্মাগানরে পেইয়ো যিবে তমারে পুয়ো ইজেবে অধিকার্ দিয়্যে। সেনত্তে আমি গোজেনরে বাবা, মানে বাব্, বিলিনে ডাগিই।

১ করিন্হীয় 2:4

মর্ প্রচার আর মর্ দিয়্যে হবর্ ভিদিরে মানুচ্চুনোরে ভাজেই নেযাইদ্যে ধোক্ক্যেন কনঅ জ্ঞানবলা যুক্তি-তর্ক ন-এলঅ বরং পবিত্র আত্মার্ খেমতা সিয়েনত্ দেগা যেইয়্যে,

গালাতীয় 5:22

মাত্তর্ পবিত্র আত্মার্ ফল অলঅ-কোচ্‌পানা, হুজী, শান্তি, সোজ্জ্যগুন, দোয়্যের্ খাচ্চ্যত্, গম খাচ্চ্যত্, বিশ্বেজ্‌বলা,

কলসীয় 1:8

পবিত্র আত্মায় তমারে যে কোচ্‌পানার মনভাব দান গোজ্জ্যে তা পৌইদ্যেনে ইপাফ্রা আমারে জানেয়্যে।

ইব্রীয় 2:15

আর মরণ দরে যিগুনে গোদা জিংকানিগান চাগর ধোক্ক্যেন কাদেয়োন তারারে উদ্ধোর গরে।

১ পিতর 1:22

ইক্কিনে সত্যগানরে মানি লোইনে তুমি তমার মনানরে সিজি গোজ্জ্য, আর সেনত্যে বিশ্বেজি ভেইয়ুনে তমা ইধু এদক্ পরাণর্। সেনত্যে কঙত্তে, তুমি একজন আরেকজনরে মনে-পরাণে গভীন্ গুরিনে কোচ্‌পেইয়ো।

১ যোহন 4:18

এই কোচ্‌পানাগান ভিদিরে দর্ নেই, মাত্তর্ যদবদে কোচ্‌পানাগানে দর্ জিনিস্‌চানরে ধাবেই দে, কিয়া দরান সমারে সাজার চিন্তেগান্অ থায়। যে দরায় তে কোচ্‌পানাগান পেলেং পেলেং ন-পায়।