২ তীমথিয় 1:5 - Chakma Bible

⁵ তঅ মনত্ যে ঘেচ্চ্যেকগুরি বিশ্বেজ্ আঘে সে কধাগান্অ মঅ মনত্ আঘে। এ বিশ্বেজ্‌চান আগে তর্ নানু লোয়ীর আর তর্ মা উনীকীর মনত্ এলঅ, আর মুই ঘেচ্চ্যেকগুরি হবর্ পাং, এ বিশ্বেজ্‌চান তঅ মনত্‌অ আঘে।

২ তীমথিয় 1:5 Iomraidhean Croise

গীতসংহিতা 116:16

ও লগেপ্রভু, ঘেচ্চেক্‌গুরি মুই তঅ চাগর্, তর্ চাগর, তঅ চাগরানিবোর পুয়ো; তুয়ই মর্ বান্যেগান খুলি দুয়োচ্।

গীতসংহিতা 17:1

ও লগেপ্রভু, তুই ন্যায়র্ কধা শুনোচ্, মঅ কানানিগান কান্ পাত্; মর্ ছলনা নেইয়্যে মুয়োর্ তবনাগান শুন্।

গীতসংহিতা 18:44

মঅ কধানি শুনিলে তারা মঅ অধিনতা স্বীগের্ গরন্; উল্লোমি মনভাব্‌পোই বিদেশিগুনে মর্ বাধ্য অন্।

গীতসংহিতা 22:10

জর্মর্ পরেদি মরে তঅ আঢত্ দিয়্যে ওইয়্যে; জর্মত্তুন ধুরি তুয়ই মর্ গোজেন ওইয়োচ্।

গীতসংহিতা 66:3

গোজেনরে কঅ, “তর্ কাম দেগিনে মনত্ কত্তমান দর্ আর ভোক্তি জাগে। তর্ দাঙর খেমতার মুজুঙোত্ তর্ শত্রুগুনে মাঢা লোঙেবার্ ভান গুরিবাক্।

গীতসংহিতা 77:6

রেদোত্ মর্ বেক গীদোর কধানি মনত্ পুরিদো; মুই মনে মনে গভিন্ গুরিনে চিদে গুরিদুং আর মনে মনে পুজোর্ গুরিদুং-

গীতসংহিতা 81:15

“শত্রুগুনে মঅ মুজুঙোত্ মাদা নিগিরোদে বাধ্য অবাক্, তারার সাজাগান্ অবদে উমরত্ত্যে।

গীতসংহিতা 86:16

তুই মন্দি ফির্ আর মরে দোয়্যে গর্; তঅ চাগর্‌বোরে তর্ খেমতা দান গর্; তঅ চাগরানিবোর পূয়োবোরে রোক্ষ্যে গর্।

যিরমিয় 3:10

ইয়েনি অলেয়ো ইস্রায়েলর অবিশ্বেজি বোন যিহূদা বেক্ মনান্দোই নয় মাত্তর্ বানা ভান্ গুরিনে মইধু ফিরি এচ্চ্যে। মুই লগেপ্রভু এ কধাগান কঙর্।”

যোহন 1:47

যীশু নথনেলরে নিজো ইন্দি এত্তে দেগিনে তা পৌইদ্যেনে কলঅ, “উইয়ো চাহ্, এক্কো আঝল্ ইস্রায়েলীয়। তা মনত্ কনঅ ছলনা নেই।”

প্রেরিত্‌ 16:1

পরেদি পৌল দর্বী আর লুস্ত্রা শঅরত্ গেলাক্। সিয়েনত্ তীমথিয় নাঙে এক্কো শিচ্চ্য থেদঅ। তার মাবো এলঅ খ্রীষ্ট উগুরে বিশ্বেজি এক্কো যিদূদী মিলে, মাত্তর্ তা বাবে জাদে গ্রীক এলঅ।

প্রেরিত্‌ 26:26

রাজা দঅ ইয়েনি বেক্কানি হবর্ পায় আর মুই তা সমারে বেক্‌ কধানি খুলোমেলা গুরি কোই পারং। আর এ কধাগান্ মুই ঘেচ্চেকগুরি হবর্ পাং যে, ইয়েনির্ কিচ্চু তার্ অজানা নয়, কারন এ বেক্‌ ঘটনাগানি দঅ ঘুমুরোত্ ন-ঘদে।

রোমীয় 14:14

প্রভু যীশু সমারে মিজেয়োং বিলিনে মুই গমেডালে কোই পারং যে, আজলে কনঅ হানা অসিজি নয়, মাত্তর্ কেঅ যুনি কনঅ হানাগানরে অসিজি মনে গরে সালে সিয়েন তা ইধু অসিজি।

রোমীয় 14:5

কারঅ ইধু কনঅ এক্কো দিন অন্য এক্কো দিনোত্তুন্ মূল্যবান। আরঅ কেঅ বেক্‌ দিনুনোরে সং মনে গরন্। এ পৌইদ্যেনে কন্না কি গুরিবো ন-গুরিবো, সিয়েন্দোই যেন তা মনান্ পুরোপুরি গুরিনে সায় দে।

রোমীয় 15:14

মঅ ভেইয়ুন, মুই তমা পৌইদ্যেনে এ কধাগান্ বিশ্বেজ্ গরঙর্ যে, তমা মনানি ভালেদির্-আয়োজে ভরা, তমার্ নানান্ বাবোত্যে জ্ঞান্ আঘে, আর তুমি একজন আরেকজনরে উপদেচ্‌ দি পারঅ।

রোমীয় 4:21

অব্রাহামে পুরোপুরি এ বিশ্বেজ্‌চান গুরিদো যে, গোজেনে যিয়েন এগেম্ গোজ্জ্যে সিয়েন গুরিবার্ খেমতায়ো তার্ আঘে।

রোমীয় 8:38

মুই এ কধাগান্ গমেদালে কোই পারং, মরণ্ বা জিংকানি, স্বর্গদূত্ বা শদানর্ দূত, ইক্কিনে বা ভবিচ্চদর্ কনঅ কিজু বা অন্য কনঅ বাবোত্যে খেমতা,

২ করিন্হীয় 6:6

ইয়েনিবাদে আমার্ গম্ জিংকানিগানিলোই, আমার্ জ্ঞান, সোজ্জ্যগুণ আর দোয়্যেলোই, পবিত্র আত্মালোই, আমার দোল্ কোচ্‌পানালোই,

১ তীমথিয় 1:5

এ উগুমানর্ উদ্দেচ্য অলঅ কোচ্‌পানা জাগেই তুলোনা। এ কোচ্‌পানাগান খাটি মন, সাব্ বিবেক আর আজল্ বিশ্বেজত্তুন্ এজে।

১ তীমথিয় 4:6

যুনি তুই এ বেপারানি ভেইয়ুনোরে বুঝেই দুয়োচ্ সালে খ্রীষ্টীয় ধর্ম-বিশ্বেজর্ যে সত্যগান আর ভুল-নেইয়্যে শিক্ষ্যেগান তুই মানি চলর্, সিয়েন্দোই কাবিল্ ওইনে খ্রীষ্ট যীশুর এক্কো যগাজ্জ্যে সেবাগুরিয়্যে অবে।

২ তীমথিয় 1:12

ইয়েনত্যে মুই এ দুঘ্‌কানি ভুগোঙর্; তো মুই ন-লাজাঙর্, কিয়া মুই কোই পারং মুই কা উগুরে বিশ্বেজ্ গোজ্জ্যং। মুই ঘেচ্চ্যেকগুরি কোই পারং, মুই তা ইধু যিয়েনি থোইয়োং খ্রীষ্টর এবার দিন্নোত্যে সিয়েনি রোক্ষ্যে গুরিবার খেমতা তার্ আঘে।

২ তীমথিয় 3:15

চিগনত্তুন্ ধুরিনে তুই পবিত্র বোইবোত্তুন্ শিক্ষ্যে পেইয়োচ্। আর এ পবিত্র বোইবো তরে খ্রীষ্ট যীশু উগুরে বিশ্বেজর্ মাধ্যমে পাপত্তুন্ উদ্ধোর্ পেবাত্যে জ্ঞান দি পারে।

ইব্রীয় 11:13

এই মানুচ্চুনে বিশ্বেজ্ গুরিনে জিংকানি কাদেইনে মুরি যেইয়োন। গোজেনে তারারে যিয়েন দিবার এগেম্ গোজ্জ্যে সিয়েন তারা ন-পান্, মাত্তর্ দূরোত্তুন্ সিয়েন দেক্ক্যন আর হুজিয়ো ওইয়োন। এই পিত্‌থিমীত্ যে তারা বিদেশী আর পরদেজত্ বজত্তি গুরিয়্যে সিয়েন তারা স্বীগের্‌অ গোজ্জ্যন্।

ইব্রীয় 6:9

কোচ্‌পেইয়্যে সমাজ্জ্যেগুন, যুনিয়ো আমি এই বেক্‌ কধানি কোর্ তো আমি বিশ্বেজ্ গুরিই যে, তমা অবস্থা সেবাবোত্যে নয়; পাপত্তুন্ উদ্ধোরর্ ফল তমা জিংকানিত্ দেগা যার্।

১ পিতর 1:22

ইক্কিনে সত্যগানরে মানি লোইনে তুমি তমার মনানরে সিজি গোজ্জ্য, আর সেনত্যে বিশ্বেজি ভেইয়ুনে তমা ইধু এদক্ পরাণর্। সেনত্যে কঙত্তে, তুমি একজন আরেকজনরে মনে-পরাণে গভীন্ গুরিনে কোচ্‌পেইয়ো।