২ তীমথিয় 1:18 - Chakma Bible

¹⁸ ইফিষত্ কেধোক্ক্যেন গুরিনে তে মরে সেবা গোজ্জ্যে সিয়েন তর্ গমেডালে জানা আঘে। প্রভু গোরোক্, যেন খ্রীষ্টর্ এবার দিনোত্ তে প্রভুত্তুন্ দোয়্যে পায়।

২ তীমথিয় 1:18 Iomraidhean Croise

১ রাজাবলী 17:20

সে পরেন্দি তে লগেপ্রভুরে ডাগিনে কলঅ, “ও লগেপ্রভু, মর্‌ গোজেন, মুই যে রানিমিলেবোর্‌ ঘরত্‌ থাঙ্‌ তা পূঅবোর্‌ মরণ্‌ আনিনে কিত্তেই তুই তা উগুরে এ দুখ্‌কান্‌ আনিলে?”

লূকে লেখ্যে গম্ হবর্ 1:72

তে আমা পূরোণি মানুচ্চুনোরে দোয়্যে গুরিবাত্তে আর তার পবিত্র বেবস্থা, অত্তাৎ তা শমথতান্ পূরেবাত্তে আমারে রোক্ষ্যে গোজ্যে।

লূকে লেখ্যে গম্ হবর্ 8:3

রাজা হেরোদ চাগর্ কূষর মোগ্ যোহানা; শোশন্না আহ্ আরঅ বোউত্ মিলে। যীশু আর তা শিচ্চ্যগুনোরে সেবা-যত্তন্ গুরিবাত্তে ইগুনে বেক্কুনে নিজো টেঙা-পৌইজ্যেত্তুন্ খরচ্ গুরিদাক্।

প্রেরিত্‌ 18:19

ইফিষ শঅরত্ লুমিনে তে প্রিষ্কিল্লা আর আকিলারে ইরি দিলো। যেরেদি তে নিজে সমাজ-ঘরত্ যেইনে যিহূদীগুনো সমারে যীশু পৌইদ্যেনে কধাবাত্তা কুয়ো ধুরিলো।

প্রেরিত্‌ 18:21

সালে সিয়োত্তুন যেবার্ অক্তত্ তে কলঅ, গোজেনর্ আওজ্ অলে মুই আরঅ ফিরি এইম্। সে পরেদি তে ইফিষত্তুন্ জাহাজত্ গুরি লদ্ দিলো।

প্রেরিত্‌ 19:1

আপল্লো যেক্কে করিন্থত্ এলঅ সেক্কে পৌলে এশিয়া রেজ্যর্ সংমধ্যেন্দি ইফিষত্ লুমিলো। সিধু তে কয়েক্কো শিচ্চ্যরে দেগা পেইনে তারারে পুযোর্ গুরিলো “তুমি যেক্কে প্রভু যীশু উগুরে বিশ্বেজ্ গোজ্জ্য সেক্কে কি পবিত্র আত্মাগান্ পেইয়ো?” তারা তারে কলাক্, “পবিত্র আত্মাগান্ যে আঘে সে কধাগান্ আমি ন-শুনিই?”

১ করিন্হীয় 1:8

আমা প্রভু যীশু খ্রীষ্ট থুম্ অয় সং তমারে থির্ রাগেব, যিয়েনর কারনে তার্ এবার্ দিনোত্ তুমি নানান্ বাবোত্যে বদ্‌নাঙর্ বারেদি থেবা।

১ করিন্হীয় 16:8

পঞ্চাশত্তমী-পরব্‌অ সং মুই ইফিষোত্ থেম্,

১ করিন্হীয় 3:13

সালে তে কিবাবোত্যে কাম্ গোজ্জ্যে সিয়েন গমেদালে দেগা যেবঅ। বিচের দিনোত্ সিয়েন ফগদাং অবঅ, কিয়া সেদিন্নোর্ ফগদাঙান্ আগুনো মাধ্যমে অবঅ। কার্ কাম কিবাবোত্যে সিয়েন আগুনানে যাচাই গুরিবো।

২ করিন্হীয় 9:1

গোজেন মানুচ্চুনোত্যে দান দিবার্ যে কাম্ চলের্ সে পৌইদ্যেনে তমা ইধু লিগিবার অবুচ্চ্যই কনঅ দরকার নেই,

ইফিষীয় 2:4

মাত্তর্ গোজেনে দোয়্যেলোই ভরা; তে আমারে ভারী কোচ্‌পায়।

১ থিষলনীকীয় 2:19

আমা প্রভু যীশু যেক্কে এবঅ সেক্কে তা মুজুঙোত্ তুমি কি আমার আজা, হুজী আর বাঈনী গুরিবার্ জিদেনার্ মালাছড়া ন-অবা?

১ তীমথিয় 1:3

মুই ম্যাসিডোনিয়াত্ যেবার সময়োত্ তরে যিয়েনি কোইয়োং ইক্কিনিয়ো সিয়েনি কঙর্-তুই ইফিষ শঅরত্ থাগ্, যেনে কয়েক্কো মান্‌জ্যরে নিদ্দেচ্‌ দি পারচ যেন তারা আর ভুল্ শিক্ষ্যে ন-দুয়োন।

২ তীমথিয় 1:12

ইয়েনত্যে মুই এ দুঘ্‌কানি ভুগোঙর্; তো মুই ন-লাজাঙর্, কিয়া মুই কোই পারং মুই কা উগুরে বিশ্বেজ্ গোজ্জ্যং। মুই ঘেচ্চ্যেকগুরি কোই পারং, মুই তা ইধু যিয়েনি থোইয়োং খ্রীষ্টর এবার দিন্নোত্যে সিয়েনি রোক্ষ্যে গুরিবার খেমতা তার্ আঘে।

২ তীমথিয় 1:16

অনীষিফর ঘোর্‌‌‌‌‌বোগুনো উগুরে প্রভু দোয়্যে গোরোক্; তে ভালোক্ বার্ মরে তচ্‌তাজা গুরি তুল্যে, আর মুই জেল্ খাট্যে ওইয়োং বিলিনে তে ন-লাজায়।

২ তীমথিয় 1:17

তে যেক্কে রোমত্ এলঅ সেক্কে মরে জদবদে তোগেইনে মরে পেইয়্যে।

২ তীমথিয় 4:12

মুই তুখিকরে ইফিষোত্ পাধেয়োং।

২ তীমথিয় 4:8

সেনত্যে মত্যে সৎ জিংকানির বক্‌শিজ্ তুলো আঘে। বিচের-দিনোত্ ন্যায় বিচেরক প্রভু মরে সেই বক্‌শিজ্ ইজেবে জিদেনার্ মালাবো দান গুরিবো। মাত্তর্ তে যে বানা মরে দান গুরিবো সিয়েন নয়, যিগুনে তার্ ফিরি এযানাত্যে আওজ্ গুরি বাজ্জেই আঘন্ তারারে বেক্কুনোরে দান গুরিবো।

ইব্রীয় 6:10

গোজেনে দোল্ বিচেরক্; সেনত্যে তমা কামানি আর তা মানুচ্চুনোরে সেবা-যত্তন্ গুরিনে তুমি তারে যে কোচ্‌পানা দেগেয়ো আর দেগর্, সিয়েন তে ভুলি ন-যেবঅ।

১ পিতর 1:10

যে আশিদ্‌বাদ তমার পেবার কধা সিয়েন পৌইদ্যেনে যিদুক্কুন ভাববাদীয়ে বোউত্ আগে কোই যেয়োন, তারা এ উদ্ধোর পৌইদ্যেনে জানিবাত্যে বোউত্ উদো লোইয়োন আর পুযোর্ গোজ্জ্যন।

ফগদাং পেইয়্যে 2:1

ইফিষ শঅরর্ মন্ডলী দূত্‌তো ইধু এ কধাগান লেগ- যিবে তার ডেন্ আঢেদি সাত্‌টো তারা ধুরিনে সনার সাত্‌টো চেরাগ সংমধ্যে ঘুরি বেড়ায় তে এ কধাগান কর্: