২ তীমথিয় 1:14 - Chakma Bible

¹⁴ গোজেনে তরে যিয়েনি রোক্ষ্যে গুরিবাত্যে দিয়্যে সিয়েনি পবিত্র আত্মালোই রোক্ষ্যে গর্, যিবে আমা মনত্ থায়।

২ তীমথিয় 1:14 Iomraidhean Croise

লূকে লেখ্যে গম্ হবর্ 16:11

এ জগদর্ ধন-সোম্বোত্তি পৌইদ্যেনে যুনি তমারে বিশ্বেজ্ গরা ন-যায় সালে কন্না তমারে বিশ্বেজ্ গুরিনে আজল্ ধন্ দিবো?

যোহন 14:17

সেই বল্ দিয়্যেবো সত্যর্ আত্মা। জগদ মানুচ্চুনে তারে মানি লোই ন-পারন্, কিয়া তারা তারে ন-দেগন্ আর তারে হবর্‌অ ন-পান্। মাত্তর্ তুমি তারে হবর্ পঅ, কিয়া তে তমা সমারে সমারে থায় আর তে তমা মনত্ বজত্তি গুরিবো।

রোমীয় 3:2

বেক্কানিদি যদেষ্ট লাভ্ ওইয়্যে। পৌইল্যাদি গোজেনে তা কধানি যিহূদীগুনোরে দিয়্যে।

রোমীয় 8:11

যে যীশুরে মরণত্তুন্ জেদা গোজ্জ্যে সেই গোজেনর্ আত্মাগান্ যুনি তমা মনত্ বজত্তি গরে, সালে গোজেনে তার্ সেই আত্মাগান্দোই তমা মরণর্ তলে কিয়্যেগানরেয়ো জিংকানি দান গুরিবো।

রোমীয় 8:13

যুনি তুমি পাপ-খাচ্চ্যদ্ মজিম চলঅ সালে তুমি উমরত্তে মুরিবা। মাত্তর্ যুনি পবিত্র আত্মালোই কিয়্যের্ বেক্‌ ভান্ন্যেই কামানি ভস্ত গুরি ফেলঅ সালে উমরত্তে জেদা থেবা,

রোমীয় 8:9

মাত্তর্ গোজেনর্ আত্মাগানে যুনি তমা মনত্ বজত্তি গরে সালে তুমি দঅ পাপ-খাচ্চ্যদর্ তলে নয় বরং পবিত্র আত্মার তলে। যিবে মনত্ খ্রীষ্টর্ আত্মা নেই তে খ্রীষ্টর্ নয়।

১ করিন্হীয় 3:16

তুমি কি কোই ন-পারঅ যে, তুমি গোজেনর্ থেবার্ ঘর আর গোজেন আত্মা তমা মনত্ বজত্তি গরে?

১ করিন্হীয় 6:19

তুমি কি কোই ন-পারঅ, তমা মনত্ যে বজত্তি গরে আর যিয়েনরে তুমি গোজেনত্তুন্ পেইয়ো, সেই পবিত্র আত্মার্ থেবার্ ঘরান্ অলঅ তমার কিয়্যেগান? তুমি তমার্ নিজোর্ নয়;

১ করিন্হীয় 9:17

যুনি মুই নিজোর্ আয়োজে প্রচার গরং সালে দঅ মঅ বক্‌‌শিষ্‌‌চান আঘে, আর যুনি নিজোর্ আয়োজে ন-য়ো গরং তো মঅ উগুরে সেই ভারান্ আঘে বিলিনে মুই সিয়েন গরং।

২ করিন্হীয় 5:16

সেনত্যে ইক্কেত্তুন্ ধুরি মান্‌জ্যরে আমি আর্ তার বারেদি অবস্থাগান্ দেগিনে বিচের্ ন-গুরিই। খালিক্ খ্রীষ্টরে আমি আগেদি সেবাবোত্যেগুরি বিচের্ গোজ্জ্যেই, মাত্তর্ ইক্কিনে আর সিয়েন ন-গুরিই।

গালাতীয় 2:7

যাওক্, তারা দেগিলাক্, যিহূদীগুনো ইধু গম হবর্ প্রচার গুরিবার ভারান্ যেবাবোত্যে গুরি পিতর উগুরে দিয়্যে ওইয়্যে, সেবাবোত্যেগুরি অযিহূদীগুনো ইধু গম হবরান্ প্রচার গুরিবার ভারান্ গোজেনে মঅ উগুরে দিয়্যে।

ইফিষীয় 2:22

তুমি তা সমারে এগত্তর্ ওইয়ো আর সেনত্যে তমারেয়ো এক সমারে তুলো অর্, যেন পবিত্র আত্মার মাধ্যমে তুমি গোজেনর্ থেবার জাগা ওই পারঅ।

ইফিষীয় 5:18

মাত্তল্ ন-ওইয়ো, সিয়েনে খাচ্চ্যত্ বর্‌‌‍বাদ অয়। তাত্তুন্ বরং পবিত্র আত্মার্ অধীনোত্ থাগঅ,

কলসীয় 4:11

যিবেরে যুষ্ট বিলিনে ডাগা অয় সেই যীশুয়ো তমারে পাত্তুরু তুরু জানার্। যিহূদীগুনো ভিদিরেত্তুন্ বানা এ তিনজনে গোজেন রেজ্যত্যে মঅ লগে কাম গরন্। তারা মরে বোউত্ উচ্চোমি দুয়োন।

১ থিষলনীকীয় 5:19

পবিত্র আত্মাগানরে মারে ন-ফেল্ল্য।

১ তীমথিয় 1:11

বাঈনী গরেদে গোজেনর্ দাঙর্ গম্ হবর্ মজিম যে শিক্ষ্যে, সেই শিক্ষ্যেগানই অলঅ সত্য শিক্ষ্যে। এ গম্ হবর্ প্রচারর্ ভারান্ তে মঅ উগুরে দিয়্যে।

১ তীমথিয় 6:20

ও তীমথিয়, যিয়েন রোক্ষ্যে গুরিবাত্যে তরে দিয়্যে ওইয়্যে সিয়েন গমেডালে রোক্ষ্যে গর্। মিজে জ্ঞানর্ ভোক্তি-নেইয়্যে বাজে কধা আর ভুল্ শিক্ষ্যেত্তুন্ দূরোত্ থাগ্।

২ তীমথিয় 1:12

ইয়েনত্যে মুই এ দুঘ্‌কানি ভুগোঙর্; তো মুই ন-লাজাঙর্, কিয়া মুই কোই পারং মুই কা উগুরে বিশ্বেজ্ গোজ্জ্যং। মুই ঘেচ্চ্যেকগুরি কোই পারং, মুই তা ইধু যিয়েনি থোইয়োং খ্রীষ্টর এবার দিন্নোত্যে সিয়েনি রোক্ষ্যে গুরিবার খেমতা তার্ আঘে।

২ তীমথিয় 2:2

ভালোক্কুন সাক্ষীর্ মুজুঙোত্ মঅ মুয়োত্তুন যেদক্কানি শিক্ষ্যের্ কধা তুই শুন্ন্যচ্ সেই শিক্ষ্যেনি ধুরি রাগেবাত্যে তুই সিয়েনি এন্‌ বিশ্বেজি মানুচ্চুনোরে দে যিগুনোর্ অন্যগুনোরে শিক্ষ্যে দিবার কাবিল আঘে।

১ পিতর 1:22

ইক্কিনে সত্যগানরে মানি লোইনে তুমি তমার মনানরে সিজি গোজ্জ্য, আর সেনত্যে বিশ্বেজি ভেইয়ুনে তমা ইধু এদক্ পরাণর্। সেনত্যে কঙত্তে, তুমি একজন আরেকজনরে মনে-পরাণে গভীন্ গুরিনে কোচ্‌পেইয়ো।