২ তীমথিয় 1:10 - Chakma Bible

¹⁰ মাত্তর্ ইক্কিনে আমার উদ্ধোর্ গুরিয়্যে খ্রীষ্ট যীশুর এ জগদত্ এজানায় তে সেই দোয়্যেগান ফগদাং গোজ্জ্যে। খ্রীষ্ট মরণানরে ভস্ত গোজ্জ্যে আর গম হবরর্ মাধ্যমে ভস্ত ন-ওইয়্যে জিংকানির্ কধা ফগদাং গোজ্জ্যে।

২ তীমথিয় 1:10 Iomraidhean Croise

যিশাইয় 43:3

কিত্তে মুয়ই তর্ গোজেন লগেপ্রভু, তর্ উদ্ধোর গুরিয়্যে, ইস্রায়েলর সেই সুদ্ধো-সাংগ মানুচ্চো। মুই তর্ উদ্ধোরর্ মূল্য ইজেবে মিসর দেজ্‌চান দিম, আর তঅ বদলে কূশ আর সবা দেজ্‌চানরে দিম।‌

যিশাইয় 45:15

ও ইস্রায়েলর গোজেন আর উদ্ধোরগুরিয়্যেবো, সত্যিই তুই এমন গোজেন যিবে নিজোরে লুগেই থয়।

যিশাইয় 45:21

এজঅ, তমা তপ্পে যিয়েনি কবার্ আঘে সিয়েনি কঅ; তুমি এক সমারে সল্লা গরঅ। এ ঘটনাগানি যে ঘুদিবো সিয়েনি কন্না আগে কোইয়্যে? সেই বোউত্ আগেদি কন্না সিয়েনি ফগদাং গোজ্যে? মুই লগেপ্রভু কি সিয়েনি ন-গরং? মুই বাদে আর কনঅ গোজেন নেই; মুই ন্যায়বলা গোজেন, মুই উদ্ধোরগুরিয়্যে। মুই বাদে আর কনঅ গোজেন নেই।

হোশেয় 13:14

“মরণ জাগানর্ খেমতাত্তুন্ মুই মূল্য দিইনে তারে ছাড়েই আনিম। মরণত্তুন্ মুই তারে উদ্ধোর্ গুরিম। ও মরণান্, মর্ ভানাগানি বেক্কানি কুত্তুন্? ও মরণ জাগায়ান, কুদু তর্ ভস্ত? মুই কনঅ মেয়্যে ন-গুরিম। ‌ ‌

লূকে লেখ্যে গম্ হবর্ 11:36

তঅ পুরো কিয়্যেগান্ যুনি পহ্‌‌রে ভুরি যায় আর এক্কেনায়ো আন্ধার্ ন-থায় সালে সিয়েন্ বেক্কান্ পহ্‌‌র অবঅ, ঠিগ্ যেবাবোত্যে চেরাগ পহ্‌‌র তঅ উগুরে পড়িলে তঅ কিয়্যেগান্ পহর্ অয়।”

লূকে লেখ্যে গম্ হবর্ 13:7

সেক্কে তে বাগান চুগিদার্‌বোরে কলঅ, ‘চাহ্, তিন বজর্ ধুরিনে এ ডোমোর্ গাজ্‌চোত্ মুই ফল তগাঙর্ মাত্তর্ কিচ্চু ন-পাঙর্। সেনত্তে তুই গাচ্চো কাবি ফেলা। কিত্তে ইবে বানা বানা ভূইয়ান বরবাদ্ গুরিবো?’

লূকে লেখ্যে গম্ হবর্ 2:11

এইচ্চ্যে দায়ূদো শঅরত্ তমাত্তে উদ্ধোর্‌গুরিয়্যে জোর্মেয়্যে। তেয়ই মশীহ্, তেয়ই প্রভু।

যোহন 1:9

তেয়ই আঝল্ পহ্‌র, যে পত্তি মান্‌জ্যরে পহ্‌র দান গরে, তে পিত্‌থিমীত্ এজের্।

যোহন 14:6

যীশু থোমারে কলঅ, “মুয়ই পথ, সত্য আর জিংকানি। মঅ মাধ্যমে ন-গেলে কনজনে বাবা ইধু যেই ন-পারে।

যোহন 20:31

মাত্তর্ ইয়েনি বেক্কানি লেগা অলঅ যাতে তুমি বিশ্বেজ্ গরঅ, যীশুই মশীহ, গোজেনর্ পুয়ো, আর বিশ্বেজ্ গুরিনে যেন তা মাধ্যমে জিংকানি পঅ।

যোহন 4:42

সে মিলেবোরে তারা কলাক্, “ইক্কে যে আমি বিশ্বেজ্ গুরির্ সিয়েন তঅ কধালোই নয়, মাত্তর্ আমি নিজে তা কধা শুনিনে বুঝি পাজ্জ্যেই যে, তে ঘেচ্চ্যেক্‌‌গুরি মান্‌জ্যরে উদ্ধোর্ গুরিয়্যে।”

যোহন 5:40

তো তুমি জিংকানি পেবাত্যে মইধু এবাত্তে ন-চঅ।

প্রেরিত্‌ 13:23

গোজেনে তার্ এগেম্ মজিম এ মানুচ্চো গুট্টিত্তুন্ উদ্ধোর গুরিয়্যে যীশুরে ইস্রায়েলীয়গুনো ইধু আজির্ গোজ্জ্যে।

প্রেরিত্‌ 5:31

গোজেনে তারে রাজা আর উদ্ধোর গুরিয়্যে ইজেবে নিজো ডেন্ ডাগদি বঝিবার বাঈনী দান গোজ্যে, যাতে তে পাপত্তুন্ ইস্রায়েলীগুনোর মনানি ফিরেবার সুযোগ্ দিইনে পাপর ক্ষেমা দান গুরি পারে।

রোমীয় 16:26

মাত্তর্ ইক্কিনে গম্ হবরানর্ মাধ্যমে সিয়েন ফগদাং ওইয়্যে আর সেবাবোত্যেগুরি মুই প্রচার গরঙর্। উমর গোজেনর্ উগুম মজিম ভাববাদীগুনোর্ লেঘার্ মাধ্যমে বেক্ জাদর্ মানুচ্চুনো ইধু সিয়েন জানা ওইয়্যে, যেন তারা খ্রীষ্ট উগুরে বিশ্বেজ্ গুরিনে গোজেনর্ বাধ্য ওই পারন্।

রোমীয় 2:7

যিগুনে ধৈজ্জ্য ধুরিনে গম্ কাম্ গরন্ গোজেনত্তুন্ বাঈনী, সর্মান আর ভস্ত ন-ওইয়্যে জিংকানি পেবাত্তে চান, গোজেনে তারারে উমর জিংকানি দিবো।

রোমীয় 3:31

এ বিশ্বেজ্‌চানত্তে কি আমি সালে রীদি-সুদোম বাদ্ দি দির্? কনদিন্অ নয়, বরং রীদি-সুদোম কধা যে সত্য সিয়েনই আমি প্রমাণ গুরির্।

রোমীয় 6:6

আমি কোই পারিই, আমা পাপ খাচ্চ্যত্তানরে অকেজো গুরিবাত্যে আমা পুরোণি মুই মরে খ্রীষ্ট সমারে ক্রুশোত্ দিয়্যে ওইয়্যে যেন পাপর্ চাগর্ ওইনে আর আমার্ থা ন-পরে;

১ করিন্হীয় 15:26

শেষ শত্রুবো যে মরণান্, তারেয়ো ভস্ত গরা অবঅ।

১ করিন্হীয় 4:5

সেনত্তে প্রভু এবার্ আগেদি, অত্তাৎ সেই ঠিগ্ গোজ্জ্যে সময়ানর্ আগে তুমি কনঅ কিচ্চু দুষ্ ধুরিবাত্তে ন-যেয়ো। আন্ধারত্ যিয়েন লুগেইয়্যে আঘে তেয়ই সেক্কে সিয়েন পহ্‌রত্ আনিবো আর মান্‌জ্য মনর্ গুমুরো কধানি ফগদাং গুরিবো। সেই অক্তত্ গোজেনত্তুন্ যে যার্ পাওনার্ বাঈনী পেবাক্।

২ করিন্হীয় 5:4

ঘেচ্চ্যেকগুরি এ বল্‌পোজ্যে কিয়্যেগানত্ থানা অবস্থায় আমি কিয়্যে ভারে ব নিজেচ্‌ ফেলের্। আমি যে কিয়্যে নেইয়্যে অবাত্যে চেই সিয়েন নয়, বরং সেই নুয়ো কিয়্যেগানিলোই ঢাগিবাত্যে চেই, যেন আমার মরণর্ অধীন কিয়্যেগানি উমরত্যে জেদা থানা কিয়্যেগানি বুদুলি যায়।

গালাতীয় 5:4

তুমি যিগুনে রীতি-সুদোম্ পালেইনে গোজেনর্ মানি লোইয়্যে অবাত্যে চর্ তুমি দঅ খ্রীষ্টত্তুন্ জুদো ওই যেয়ো, গোজেন দোয়্যেত্তুন্ সুরি যেইয়ো।

ইফিষীয় 1:18

মুই আরঅ তবনা গরং যেন তমার মনর্ চোগ্‌কুন খুলো যায়, যেন তার্ ডাগানার্ কারনে তমা মনত্ যে আজা জাগি উঠ্যে সিয়েনি তুমি বুঝি পারঅ; আর সে লগে ইয়েন-অ বুঝি পারঅ যে, তা ইধু তা মানুচ্চুনে কত্তমান এক্কান দাঙর্ সোম্বোত্তি আর আমি যিগুনে বিশ্বেজি আমা মনত্ তার্ কত্তমান দাঙর্ বল্ কাম গরের্।

ইফিষীয় 1:9

ঠিগ্ যেবাবোত্যে তে চেইয়্যে আর খ্রীষ্টর্ মাধ্যমে আগেবাগে ঠিগ্ গুরি থোইয়্যে, সেই মজিম তে তার্ গুমুরো উদ্দেচ্চ্যগানি আমারে জানেয়্যে।

২ থিষলনীকীয় 2:8

প্রভু যীশু তার্ মুয়োর্ নিজেচ্‌‌সোই তারে ভস্ত গুরিবো আর তার্ মহিমালোই ভরা তার্ খেমতাগান শেজ্ গুরি দিবো।

২ তীমথিয় 1:1

খ্রীষ্ট যীশুর মাধ্যমে উমর্‌‌অ জিংকানির এগেম্ মজিম গোজেনর্ আয়োজে মুই পৌল খ্রীষ্ট যীশুর এক্কো প্রচারক ওইয়োং।

২ তীমথিয় 1:8

সেনত্যে আমা প্রভু পৌইদ্যেনে সাক্ষি দেদে ন-লাজেচ্, আর তাত্যেই যে মুই বন্দী, মত্যেয়ো ন-লাজেচ্। সিয়েনর বদলে গোজেনে তরে যে খেমতা দিয়্যে সেই খেমতা মজিম তার্ গম হবর্ প্রচারত্যে মঅ লগে দুঘ্ গর্।

২ তীমথিয় 4:1

খ্রীষ্টর্ ফিরি এজানা আর তা রেজ্য পৌইদ্যেনে মনত্ রাগেইনে গোজেন মুজুঙোত্ আর যিবে জেদা আর মরাগুনোর্ বিচের্ গুরিবো সেই খ্রীষ্ট যীশুর্ মুজুঙোত্ মুই তরে এ উগুমান দুয়োঙর্-

২ তীমথিয় 4:8

সেনত্যে মত্যে সৎ জিংকানির বক্‌শিজ্ তুলো আঘে। বিচের-দিনোত্ ন্যায় বিচেরক প্রভু মরে সেই বক্‌শিজ্ ইজেবে জিদেনার্ মালাবো দান গুরিবো। মাত্তর্ তে যে বানা মরে দান গুরিবো সিয়েন নয়, যিগুনে তার্ ফিরি এযানাত্যে আওজ্ গুরি বাজ্জেই আঘন্ তারারে বেক্কুনোরে দান গুরিবো।

তীত 2:11

গোজেনর্ যে দোয়্যেলোই পাপত্তুন্ উদ্ধোর্ পাহ্ যায় সিয়েন বেক্‌ মানুচ্চুনো ইধু ফগদাং পেয়্যে।

তীত 2:13

আমার দাঙর্ গোজেনে আর উদ্ধোর গুরিয়্যে যীশু খ্রীষ্টর্ মহিমাভরা ফগদাঙর্ হুজিয়ে-ভরা আজা পূরেবাত্যে আওজ্‌ গুরিনে বাজ্জেই থেই।

তীত 3:4

মাত্তর্ যেক্কে আমার উদ্ধোর্ গুরিয়্যে গোজেনর্ দোয়্যে আর কোচ্‌পানা ফগদাং অলঅ সেক্কে তে আমারে পাপত্তুন্ উদ্ধোর্ গুরিলো।

ইব্রীয় 10:32

আগ দিনুনোর্ কধানি মনত্ তুলি চঅ। সেক্কেনে পহ্‌র পেইনে দুঘোত্ ভারী কষ্টর্ মোধ্যেয়ো তুমি থির্ এলা।

২ পিতর 1:1

মুই শিমোন-পিতর যীশু খ্রীষ্টর্ এক্কো চাগর্ আর দূত। আমার গোজেন আর উদ্ধোর গুরিয়্যে যীশু খ্রীষ্ট ন্যায়বলা, আর সেনত্যে তুমিয়ো আমা ধোক্ক্যেন এক্কুই যদবদে বিশ্বেজ্ গোজ্জ্য। ইয়েনত্যে মুই তমা ইধু এ চিধিগান লেগঙর্।

২ পিতর 1:11

ইয়েন্দোই আমা প্রভু আর উদ্দোর্ গুরিয়্যে যীশু খ্রীষ্টর্ উমরর্ রেজ্যগান আওজ্ গুরিনে মানি ল-পরিবো।

২ পিতর 1:3

যিবে তার্ মহিমা আর তা গুণান্দোই আমারে ডাক্ক্যে, তারে মূড়োত্ গুরিনে হবর্ পানালোই তার্ গোজেন খেমতাগান আমারে দান গোজ্জ্যে যিয়েন্দোই আমি গোজেন উগুরে ভক্তিবলা জিংকানি কাদেই পারিই।

২ পিতর 2:20

আমার প্রভু আর উদ্ধোর গুরিয়্যে যীশু খ্রীষ্টরে গমেডালে চিনেনার্ ফলে জগদর্ ভান্ন্যেয়ত্তুন্ ধেই যেইনেয়ো যেক্কে তারা আরঅ সেই একই ভান্ন্যেই কামত্ পড়িনে তাইধু উদিই যেইয়োন, সেক্কে তারার্ পত্তম দজাত্তুন্ শেজ্ দজাগান আরঅ ভান্ন্যেই ওইয়্যে।

২ পিতর 3:18

তুমি আমার প্রভু আর উদ্ধোর্ গুরিয়্যে যীশু খ্রীষ্টর্ দোয়্যেই আর তা পৌইদ্যেনে জ্ঞানে বাড়ি উদোনাত্ থাগঅ। ইক্কিনে আর উমর সং তারই বাঈনী ওক্‌। আমেন।

২ পিতর 3:2

পবিত্র ভাববাদীগুনে যেদক্কানি কধা আগেদি কোই যেইয়োন সিয়েনি আর তমার দিপাধেয়্যেগুনোরে দিইনে আমার প্রভু আর উদ্ধোর্ গুরিয়্যেবো যে উগুমানি দি যেইয়্যে, মুই চাং যেন তুমি সিয়েনি মনত্ রাগঅ।

১ যোহন 1:2

সেই জিংকানিগান ফগদাং ওইয়্যে। আমি তারে দেক্ক্যেই আর তা পৌইদ্যেনে সাক্ষি দির্। যিবে বাব ইধু এলঅ আর আমা ইধু ফগদাং ওইয়্যে সেই উমর জিংকানির কধাগান তমারে জানাঙর্।

১ যোহন 4:14

আমি দেক্ক্যেই আর সাক্ষি দিত্তে, বাবা পুয়োবোরে মানুচ্চুনোর উদ্ধোর্ গুরিয়্যে ইজেবে পাধেয়্যে।

ফগদাং পেইয়্যে 18:1

ইয়েন পরেদি মুই আর এক্কো স্বর্গদূতোরে স্বর্গত্তুন্ লামি এত্তে দেগিলুং। তার দাঙর্ খেমতা এলঅ আর পিত্‌থিমীগান তার্ মহিমালোই জ্বোল্‌জোল্ল্যে ওই গেলঅ।

ফগদাং পেইয়্যে 2:7

যিবের্ শুনিবার কান আঘে তে শুনোক্, পবিত্র আত্মাগানে মন্ডলীগুনোরে কি কর্। যে জিদিবো তারে মুই গোজেনর্ পরমদেজর্ জিংকানি-গাজর্ ফল হেবাত্যে দিম।

ফগদাং পেইয়্যে 20:14

যেরেদি মরণ আর চিদাখলাগানরে আগুনো পুয়োরত্ ফেলেই দিয়্যে অলঅ। এই আগুনো পুয়োরত্ পড়ানা অলঅ দ্বি পল্লা মরানা। যিগুনোর নাঙান্ সেই জিংকানি-বোইবোত্ পাহ্ ন-গেলঅ, তারারেয়ো আগুনো পুয়োরত্ ফেলেই দিয়্যে অলঅ।

ফগদাং পেইয়্যে 22:14

বর্‌‌পেইয়্যে তারা, যিগুনে তারার্ পজাক্কানি ধোই ফেলান্ যেন তারা জিংকানি গাজর্ ফল হেবার অধিকারী অন্ আর গেট্‌তো ইন্দি শঅরত্ সোমেই পারন্।

ফগদাং পেইয়্যে 22:17

পবিত্র আত্মাগানে আর বৌবো কত্তে, “আয়”। আর যে এ কধাগান শুন্যে তেয়ো কোগ্, “আয়”। যিবের্ তিরেস্ পেইয়্যে তে এজোক্ আর যে পানি হেবাত্যে চায় তে মাগানা জিংকানি-পানি হেই যোক্।