২ থিষলনীকীয় 3:2 - Chakma Bible

² আরঅ তবনা গোজ্জ্য যেন আমি বিবেক্ নেইয়্যে আর শদান মানুচ্চুনো আঢত্তুন্ রোক্ষ্যে পেই, কিয়া বেক্‌ মানুচ্চুনোর্ যে বিশ্বেজ্‌চান আঘে সিয়েন নয়।

২ থিষলনীকীয় 3:2 Iomraidhean Croise

মথি লেখ্যে গম্ হবর্ 17:17

জোবত্ যীশু কলঅ, “অবিশ্বেজি আর পাজি মানুচ্চুন! আর কয়দিন মুই তমা লগে লগে থেম্? কয়দিন তমারে সোজ্য গুরিম? পুয়োবোরে ইয়েনত্ মইধু আনঅ।”

মথি লেখ্যে গম্ হবর্ 23:23

ফক্কর্ ধর্ম-মাষ্টর আর ফরীশীগুন, তমাত্যে কত্তমান্ দর্‌গরেপারা! তুমি পুদিনা, মৌরি আর জিরের্ দশ ভাগর্ এক ভাগ্ গোজেনরে ঠিগ্ মজিম দি থাগঅ; মাত্তর্ ন্যায়, দোয়্যে আর বিশ্বেজ্, যিয়েনি মোশির রীতি সুদোমর্ আরঅ দরকারী বিষয় সিয়েনি তুমি বাদ্ দুয়ো। আগ ইয়েনি পালানা লগে লগে যেরেদি ইয়ানিয়ো পালানা তমার্ উচিত।

লূকে লেখ্যে গম্ হবর্ 18:8

মুই তমারে কঙর্, তে তারা পক্ষে ন্যায় বিচের্ গত্তে দেরি ন-গুরিবো। মাত্তর্ মান্‌জ্যপুয়োবো যেক্কে এবঅ সেক্কে কি তে পিত্‌থিমীত্ বিশ্বেজ্ দেগিবো?”

প্রেরিত্‌ 13:45

এদক্ মান্‌জ্যর্ ভীড়্ দেগিনে যিহূদীগুনে ইংসে গুরিলাক্ আর পৌলে যিয়েন কোইয়্যে তা বিরুদ্ধে নানান্ বাবোত্যে কধা কোইনে তারে বদ্‌নাঙ্ গরা ধুরিলাক্।

প্রেরিত্‌ 13:50

মাত্তর্ যিহূদীগুনে গোজেনর্ উবোসনা গুরিয়্যে ভদ্র মিলেগুনোরে আর শঅরর্ আজল্ আজল্ মানুচ্চুনোরে ভেজেই দিলাক্। এবাবোত্যেগুরি তারা পৌল আর বার্ণবা উগুরে অত্যেচার্ গোরেইনে সেই চাগালাত্তুন্ তারারে নিগিলেই দিলাক্।

প্রেরিত্‌ 14:2

মাত্তর্ যে যিহূদীগুনে বিশ্বেজ্ ন-গরন তারা অযিহূদীগুনোরে ভেজেই দিইনে তারার্ মনানি বিশ্বেজি ভেইয়ুনো বিরুদ্ধে রাগেই তুলিলাক্।

প্রেরিত্‌ 17:5

মাত্তর্ যিহূদীগুনে ইংসে গুরিনে বাজারত্তুন্ কয়েক্কো পাজি মানুচ্‌ যগার্ গুরি আনিনে ভীড় জমেলাক্ আর শঅর ভিদিরে যাগুলুগ্ বাজেই দিলাক্। সে পরেদি পৌল আর সীলরে তোগেইনে বারে মানুচ্চুনো ইধু তারারে আনিবাত্যে তারা যাসোন ঘরঅ উগুরে যেন ঝাবেই পড়িলাক্,

প্রেরিত্‌ 25:27

কারন্ মুই মনে গরঙ্, কনঅ বন্দীরে চালান্ দিবার্ সময় তা দুষ্‌চানিয়ো জানানা উচিত্।”

প্রেরিত্‌ 28:24

তে যিয়েন কোইয়্যে সিয়েনত্যে কেঅ কেঅ বিশ্বেজ্ গুরিলাক্, আরঅ কেঅ কেঅ বিশ্বেজ্ ন-গুরিলাক্।

রোমীয় 10:16

মাত্তর্ বেক্কুনে সেই গম্ হবরত্ কান্ ন-পাদন্। ভাববাদী যিশাইয় কোইয়্যে, “প্রভু, আমার দিয়্যে গম্ হবরান্ কন্না বিশ্বেজ্ গোজ্জ্যে?”

রোমীয় 15:31

তুমি তবনা গরঅ, যিহূদীয়াত্ যিগুনে অমান্য গরন্ তারা আঢত্তুন্ মুই যেন রোক্ষ্যে পাং, আর যিরূশালেমর্ গোজেন মানুচ্চুনে যেন মর্ এ সাহায্যগান্ গুজি লন্।

১ করিন্হীয় 15:32

ইফিষত্ ঝার্‌বো এ্যামানুনো সমারে মত্তুন্ যে লড়াই গরা পোজ্জ্যে, সিয়েন যুনি বানা জাগতিক্ উদেচ্চ্য নিইনে গুরি থাং, সালে সিয়েনত্ মর্ কি লাভ ওইয়্যে? মরাগুনোরে যুনি জেদা গুরিনে তুলো ন-ওই থায় সালে চলেত্তে কধা মজিম, “এজঅ, আমি হানা-দানা গুরিই, কিয়া কেল্ল্যে দঅ আমি মুরিবোং।” তুমি ভুল্ ন-গোজ্জ্য।

দ্বি’লম্বর বিররণ 32:20

তে কলঅ, মুই তারাত্তুন্ মুয়োন ফিরেই নেযেম, যেরেন্দি তারার দজা কি অয় দেগিবোং; কিত্যে ইগুন উগুদো পদেন্দি যেইয়্যে জাদ্, অবিশ্বেজী পুঅ।

১ থিষলনীকীয় 2:18

সেনত্যে আমি, বিশেষ গুরিনে মুই পৌল ভালোক্ বার্ তমা ইধু এবাত্যে চেইয়োং, মাত্তর্ শদানে আমারে মানা গোজ্জ্যে।

২ তীমথিয় 4:17

মাত্তর্ প্রভু মঅ সমারে এলঅ আর মরে খেমতা দান গোজ্জ্যে। সিয়েনর্ ফলে মুই পুরোপুরি গুরিনে গম হবর্ প্রচার গুরি পাজ্জ্যং আর অযিহূদীগুনে বেক্কুনে সিয়েন শুন্ন্যন্।