২ থিষলনীকীয় 3:16 - Chakma Bible

¹⁶ শান্তিদিয়্যে প্রভু নিজে নিত্য তমারে শান্তি দান গোরোক্। প্রভু তমার বেক্কুনো সমারে থোক্।

২ থিষলনীকীয় 3:16 Iomraidhean Croise

গীতসংহিতা 29:11

লগেপ্রভু তা মানুচ্চুনোরে বল্ যুগেই দিবো; সুগ-শান্দি দান গুরিনে তে তারারে আশিদ্‌বাদ গুরিবো।

গীতসংহিতা 46:11

বেগত্তুন খেমতাবলা গিরোজ্ লগেপ্রভু আমা সমারে আঘে; যাকোবর গোজেনে আমা ঘর্।

গীতসংহিতা 46:7

বেগত্তুন খেমতাবান গিরোজ্ লগেপ্রভু আমা সমারে আঘে; যাকোবর গোজেনে আমা ঘর।

গীতসংহিতা 72:3

তার ন্যায় কামর মাধ্যমে মানুচ্চুনোত্যে মুড়ো-মুড়িয়্যে ভরা দেজ্‌‌চান্ ভালেদি ওইনে ভুরি উদোক্।

গীতসংহিতা 72:7

তা আমলত্ গোজেন ভক্তগুনে যেন বোউত্ আশিদ্‌বাদ পান; যেদকদিন চানান্ থেবঅ সেদকদিন তারার জিংকানিত্ ভালেদিয়্যে ভালেদিয়্যে ভুরি উদোক্।

যিশাইয় 26:12

ও লগেপ্রভু, আমাত্তে তুই সুগ্-শান্দি থিদেবর্ গুরিবে; কিত্তে আমি যিয়েনি গুরি পাজ্যেই সিয়েনি বেক্কানি তুই আমাত্তে গোজ্যস্।

যিশাইয় 45:7

মুয়ই পহ্‌‌র আর আন্ধারানরে বানেয়োং; মুয়ই ভালেদি আনং আর সর্বনাশ সৃট্টি গরং। মুই লগেপ্রভু ইয়েনি গুরি থাং।

যিশাইয় 54:10

যুনিয়ো বা মুড়োমুড়িগুন্ সুরি যান্ আর মুড়োগুন গুলি যান্, তো তত্তে মর্ অমকদ কোচ্‌পানাগান সুরি ন-যেবঅ বা মর্ সুগ্-শান্দির সুদোমান ন-লুরিবো‍‌।” তঅ উগুরে যিবের্ দোয়্যে-মেয়্যে আঘে সেই লগেপ্রভু এ কধাগান কত্তে।

যিশাইয় 66:12

লগেপ্রভু কত্তে, “মুই তা ইন্দি গাঙ ধোক্ক্যেন গুরি ভালেদি বুয়োই দিম, আর জাদ্‌তুনোর ধন-সোম্বোত্তিগানি তা ইদু বান পানি ধোক্ক্যেন এবঅ। তুমি এবাবোত্যে চিগোন গুরো ধোক্ক্যেন অবা যিবেরে দুধ হেই হেই করত্ গুরি নেযা অয় আর আঢু উগুরে নাজা অয়। ‌‌

যিশাইয় 8:10

তুমি পরিকল্পনা গরঅ, মাত্তর্ সিয়েনি সফল ন-অবঅ; সে পরিকল্পনাগানর্ কধা তুমি কবা, মাত্তর্ সিয়েন ন-ঠিগিবো, কিত্তে ‘গোজেনে আমা সমারে আঘে।’ ”

হগয় 2:9

আগ ঘরর্ সয়-সাগোজ্যেত্তুন্ ইক্কিনে ঘরর্ সয়-সাগোজ্যেগান আরঅ বেশ্ অবঅ। এ জাগানত্ মুই ভালেদি আনিম। মুই বেগত্তুন্ খেমতাবলা গোজেন লগেপ্রভু এ কধাগান কঙর্।’ ”

সখরিয় 6:13

অয়, তেয়ই লগেপ্রভুর ঘরান বানেব। তারে রাজার সর্মান দিয়্যে অবঅ আর তে তার্ সিংহাসনানত্ বজিনে শাজন্ গুরিবো। তে এক্কো ধর্মগুরু ইজেবে সিংহাসনত্ বুজিবো আর সেক্কে এই দ্বিয়েন পদথ্ কনঅ অমিল ন-থেবঅ।

গণাণা 6:26

লগেপ্রভু তাঁর মুয়োন্‌ তইন্দি ফিরোক্‌ আর তরে সাজা দুয়োক্।

মথি লেখ্যে গম্ হবর্ 1:23

“এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।” এ নাঙানর্ অত্ত অলঅ, আমা সমারে গোজেন।

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

লূকে লেখ্যে গম্ হবর্ 2:14

“স্বর্গত্ গোজেনরে বাঈনী গরা ওক্, পিত্‌থিমীত্ যিগুনো উগুরে তে হুজি তারার্ শান্তি ওক্।”

যোহন 14:27

মুই তমাত্যে শান্তি থোই যাঙর্, মঅ শান্তিগান্ মুই তমারে দোঙর্; পিত্‌থিমীগানে যেবাবোত্যেগুরি দে মুই সেবাবোত্যেগুরি ন-দুয়োং।

যোহন 16:33

মুই তমারে ইয়েনি বেক্কানি কলুং যেন তুমি মঅ সমারে আঘঅ কিনেই মনত্ শান্তি পঅ। এ জগদত্ তুমি কষ্ট আর চাপ মুয়োত্ আঘ, মাত্তর্ সাহচ্‌ ন-আরেইয়ো; মুয়ই জগদ্‌তানরে জয় গোজ্যং।”

রোমীয় 1:7

রোম শঅরর্ যে মানুচ্চুনোরে গোজেনে কোচ্‌পায় আর তার্ নিজো মানুচ্‌ অবাত্যে ডাক্ক্যে তারা বেক্কুনো ইধু, অত্তাৎ তমা ইধু মুই এ চিধিগান লেগঙর্। আমা বাবা গোজেনে আর প্রভু যীশু খ্রীষ্ট তমারে বর্ দুয়োক্ আর সুগ্-শান্তি দান গোরোক্।

রোমীয় 15:33

শান্তিদিয়্যে গোজেনে তমা বেক্কুনো সমারে সমারে থোক্। আমেন।

রোমীয় 16:20

শান্তিদিয়্যে গোজেনে যাদিমাদি শদানরে তমা টেঙ তলেদি ফেলেনে নিগুজ্ গুরিবো। আমা প্রভু যীশুর্ দোয়্যে তমা উগুরে থোগ্।

১ করিন্হীয় 14:33

গোজেনে বিশৃঙ্খলার গোজেন নয়, তে শান্তির্ গোজেন। গোজেন মানুচ্চুনোর্ বেক্ মন্ডলীগুনোত্ যেবাবোত্যে ওই থায়,

২ করিন্হীয় 13:11

ভেইলগ্, এবেরা বিদেয়। তুমি তমার বেক্কানি ঠিগ্ গুরিনে খাটি অ। মঅ কধানি মনযোগ্ দুয়ো, তমার এক্কুই মনভাব ওক্‌, আর তুমি সুগে-শান্দিয়্যে থাগঅ। সালে কোচ্‌পেইয়্যে আর শান্তির্ গোজেনে তমা লগে থেবঅ।

ইফিষীয় 6:23

বাবা গোজেনে আর প্রভু যীশু খ্রীষ্ট ভেইয়ুনোরে শান্তি, বিশ্বেজ্ আর কোচ্‌পানা দান গোরোক্।

১ থিষলনীকীয় 3:11

আমা বাব্‌পো আর গোজেনে নিজে আহ্ আমা প্রভু যীশু যেন তমা ইধু যেবার পথ্‌তান ঠিগ্ গুরি দে।‌

১ থিষলনীকীয় 5:23

শান্তিদিয়্যে গোজেনে নিজেই তমারে পুরোপুরি গুরিনে পবিত্র গোরোক্, আর আমার প্রভু যীশু খ্রীষ্ট এবার্ সময়োত্ তমার পুরো কিয়্যেগান-আত্মাগান-মনান নিদ্দুজি রাগেয়ো।

২ থিষলনীকীয় 3:18

আমা প্রভু যীশু খ্রীষ্টর্ দোয়্যেগান্ তমা বেক্কুনো সমারে থোক্।

২ তীমথিয় 4:22

প্রভু তঅ সমারে সমারে থোক্। গোজেনর্ দোয়্যেগান তমা রিবেঙত্ থোক্।

ফিলীমন 1:25

আমা প্রভু যীশু খ্রীষ্টর্ দোয়্যে তমা রিবেঙত্ থোক্।

ইব্রীয় 13:20

যে লো-গান্দোই শান্তি দিয়্যে গোজেনর্ উমর বেবস্থাগান অদে অদে ওইয়্যে সিয়েন্দোই গোজেনে আমা প্রভু যীশু খ্রীষ্টরে, অত্তাৎ ভেড়াগুনোর্ সেই দাঙর্ পালক্‌‌কোরে মরণত্তুন্ জেদা গুরি তুল্যে।

ইব্রীয় 7:2

আর অব্রাহামে বেক্‌ জিনিজোর্ দশ্ ভাগর এক ভাগ্ তারে দিয়্যে। মল্কীষেদকর্ অত্ত অলঅ ন্যায়র্ রাজা। মল্কীষেদকে আরঅ শালেমর্-অ রাজা এলঅ, আর সিয়েনর অত্তগান অলঅ শান্তির রাজা।

বিচের গুরিয়্যেগুন 6:24

সেক্কে গিদিয়োনে সিয়েনত্‌ লগেপ্রভু নাঙে এক্কো ডালিপূজো বানেইনে সিবের্‌ নাঙান্‌ দিলো যিহোবা-শালোম (যিয়েনর্ ভেদ্‌তান্ “লগেপ্রভুই শান্তি”)। ডালিপূজোবো এজঅ সং অবীয়েষ্রীয়গুনোর অফ্রাতদ্‌ আঘে।

রূত 2:4

এমন্‌ সময়োত্‌ বোয়সে বৈৎলেহমত্তুন এলঅ‌ আর যিগুনে ফসল কাবদন্‌ তারারে কলদে, “লগেপ্রভু তমা লগে থোগ্‌।” তারায়ো ফিরিনে তারে কলাক্‌, “লগেপ্রভু তরে বর্‌ দোক্‌।”

১ শমূয়েল 17:37

দায়ূদে আরঅ কলঅ, “লগেপ্রভু, যিবে মরে সিংহ আর ভালুগো মুয়োত্তুন্‌ রোক্ষ্যে গোজ্যে, তেয়ই মরে সেই পলেষ্টীয়গুনোর আঢত্তুন্‌অ রোক্ষ্যে গুরিবো।” সেক্কে শৌল দায়ূদরে কলঅ, “সালে যাহ্, লগেপ্রভু তর্‌ লগে থোক্।”

১ শমূয়েল 20:13

যুনি মঅ বাপ্পো তর্‌ অমংগল গুরিবাত্তে চাই আর মুই তরে ন-জানাং আর গমেডালে তরে পাধেই দিবার বেবস্থা ন-গরং সালে লগেপ্রভু যেনে মরে সাজা দে আর অমহদগুরিনে দে। লগেপ্রভু যেধোক্ক্যেন মঅ বাপ্পো সমারে এলঅ সেধোক্ক্যেন্‌ তর্‌ লগেয়ো থোক্‌।