২ থিষলনীকীয় 3:15 - Chakma Bible

¹⁵ মাত্তর্ তারে শত্রু বিলিনেয়ো মনে ন-গোজ্জ্য, বরং ভেই ইজেবে তারে উজিয়ার্ গরঅ।

২ থিষলনীকীয় 3:15 Iomraidhean Croise

গীতসংহিতা 141:5

এক্কো গোজেনভক্ত মান্‌জ্যে মরে আঘাত্ গোরোক্, সিয়েন অবঅ বিশ্বেজর্ কাম। তে মরে গেইল্ দোক্, সিয়েন অবঅ মঅ মাঢাত্ তেল দেদে ধোক্ক্যেন্; মঅ মাঢাবো সিয়েনরে এলাফেলা ন-গোরোক্। তো মর্ তবনাগানি নিত্য অন্যেইগুরিয়্যেগুনো কামানির বিরুদ্ধে থেবঅ।

গম্ উপদেজ্ 25:12

সনার দুল্ বা গম্ সনার নেগেলেচ্ যেধোক্ক্যেন্, সেধোক্ক্যেন্ বাধ্য মান্‌‍জ্যর কানত্ জ্ঞানী মান্‌‍জ্যর সংশোধনর কধা।

গম্ উপদেজ্ 9:9

জ্ঞানী মানুচ্চোরে উবদেজ্ দে, সেক্কে তে আরঅ জ্ঞানি অবঅ; গোজেনভক্ত মানুচ্চোরে শিক্ষ্যে দে, তে আরঅ শিক্ষ্যে পেবঅ।

মথি লেখ্যে গম্ হবর্ 18:15

তঅ ভেইবো যুনি তঅ বিরুদ্ধে অন্যেয় গরে সালে তাইধু যেইনে যেক্কে আর্ কনজন ন-থেবাক্ সেক্কে তা দুষ্‌চান দেগেই দে। যুনি তে তঅ কধানি শুনে সালে তুই দঅ তঅ ভেইবোরে ফিরি পেলে।

১ করিন্হীয় 4:14

মুই তমারে লাজ্ দিবাত্যে ইয়েনি ন-লেগঙর্, বরং মর্ পরাণর্ পুয়ো-ছা ইজেবে উজিয়ার্ গুরিবাত্তে লেগঙর্।

১ করিন্হীয় 5:5

সেক্কে সেই মানুচ্চোরে শদান আঢত্ দি দিয়্যে পরিবো, যেন তা কিয়্যেগান ভস্ত অয় মাত্তর্ আত্মাগান প্রভু যীশুর্ এবার্ দিনোত্ উদ্ধোর্ পায়।

২ করিন্হীয় 10:8

প্রভু আমারে যে অধিকারান্ দিয়্যে সেই অধিকারানর্ উদ্দেচ্চ্য অলঅ তমারে গঠন গরানা, তমারে ক্ষোতি গরানা নয়। যুনিয়ো মুই এ অধিকারান্ নিইনে কিজু বাড়্ গুরি থাং তো সিয়েনত্যে মুই লাজ্ ন-পেইম্।

২ করিন্হীয় 13:10

ইয়েনত্যে মুই ন-থেবার্ সময়োত্ মুই তমা ইধু ইয়েনি লেগেঙর্, যেন লুমিলে পরেদি প্রভু মরে যে অধিকারান্ দিয়্যে সিয়েন দরমর গুরি বেবহার গরা ন-পড়ে। সে অধিকারানর্ উদ্দেচ্চ্য অলঅ তমারে উগুরে তুলোনা, তমারে ক্ষতি গরানা নয়।

গালাতীয় 6:1

ভেইলগ্, তমাত্তুন্ যুনি কেঅ অঢাদত্ কনঅ পাপত্ পড়ে, সালে তুমি যিগুনে পবিত্র আত্মার্ অধীনোত্ আঢাউদো গরর্ তুমি তারে তুলি আন্ন্য। মাত্তর্ ভারী নরম মনভাব্‌পোই তুমি এ কামান্ গোজ্জ্য আর নিজো পৌইদ্যেনে উজিয়ার্ থেয়ো, যেন তুমিয়ো পাপত্ ন-পড়।

১ থিষলনীকীয় 5:14

ভেইলগ্, আমি তমারে এ উপদেচ্‌‌‌চান দিত্তে-যিগুনে আল্‌চি তারারে উজিয়ার্ গরঅ; যিগুনোর সাহচ্‌ নেই তারারে সাহচ্‌ দুয়ো; যিগুনে বল্‌‌পোজ্জ্যে তারারে বল্ দুয়ো আর বেক্কুনোরে ধৈয্য ধুরিনে সোজ্জ্য গরঅ।

২ থিষলনীকীয় 3:13

ভেই-বোনলগ্, গম কামত্ অরান্ ন-ওয়ো।

২ থিষলনীকীয় 3:6

ভেইলগ্, আমা প্রভু যীশু খ্রীষ্টর্ নাঙে আমি তমারে এ উগুমান দির্-যুনি কনঅ ভেই আল্‌সি গুরিনে কাদায় আর আমাত্তুন্ তুমি যে শিক্ষ্যেগানি পেয়ো সিয়েনি ন-পালায়, সালে তুমি তা সমারে ন-মিল্ল্য।

তীত 3:10

যে মানুচ্‌ ভুল্ শিক্ষ্যে দিইনে দলাদলির্ সৃট্টি গরে তারে পত্তমে একবার, যেরেদি আর একবার উজিয়ার্ গুরিচ্। ইয়েন্দোই কাম ন-অলে তা সমারে মিলেনা এক্কুবারে বন্ধ গুরি দে।