13 ভেই-বোনলগ্, গম কামত্ অরান্ ন-ওয়ো।
লগেপ্রভুর দিয়্যে ভালেদিগানি মুই জেদা মানুচ্চুনোর ইদু দেগিম- এ কধাগান যুনি মুই বিশ্বেজ্ ন-গুরিদুং সালে মর্ কি অদঅ?
সেদিন্যে তরে কুয়ো অবঅ, “ও সিয়োনান্, তুই ন-দোরেচ্, তুই আজা ন-আরেজ্।
তুমি তুচ্ছো গুরিবার মনোভাব্পোই ইয়েন অ কোই থাগঅ, ‘ইয়েন কি জ্বালা!’ তুমি দঅ লুদেয়্যে, লেং আদুড়্ বা পীড়েই ধোজ্যে য়েমান্ আনিনে উৎসর্বর অনুষ্ঠানত্তে দুয়ো, মাত্তর্ সিয়েন কি মুই তমা আঢত্তুন্ নেযেই পারং? মুই লগেপ্রভু এ কধাগান কঙর্।
শিচ্চ্যগুনে যেনে নিত্য তবনা গরন্ আর আজা ন-আড়ান্ সেই শিক্ষ্যেগান্ দিবাত্যে যীশু তারারে এ উদাহরনান্ দিলো: “কনঅ এক শঅরত্ এক্কো বিচেরক্ এলঅ। তে গোজেনরে ন-দোরেদ আর মান্জ্যরেয়ো গ্রাজ্য ন-গুরিদো।
যিগুনে ধৈজ্জ্য ধুরিনে গম্ কাম্ গরন্ গোজেনত্তুন্ বাঈনী, সর্মান আর ভস্ত ন-ওইয়্যে জিংকানি পেবাত্তে চান, গোজেনে তারারে উমর জিংকানি দিবো।
যেক্কে বেক্কানি খ্রীষ্টর্ অধীনোত্ থুয়ো অবঅ, সেক্কে যিবে বেক্কানি খ্রীষ্ট অধীনোত্ থোইয়্যে সেই গোজেনে যাতে বানা এক্কো গিরোজ্ ওই পারে সেনত্তে পুয়োবোয়ো নিজে গোজেনর্ অধীন অবঅ।
এই বেবস্থাগানর্ কধা জানিবার ভারান্ গোজেনে দোয়্যে গুরিনে আমারে দিয়্যে বিলিনে আমি আজা ন-আরেই।
ইয়েনত্যে আমি আজা ন-আরেই। যুনিয়ো আমা বারেদি কিয়্যেগান ক্ষয় ওই যার্ তো আমা ভিদিরে মানুচ্চো দিনে দিনে নুয়ো ওই উদের্।
সে নেতাগুনে আরঅ কবাক্কে, তমা ভিদিরে যুনি কনজনে দোরেইনে থান্ বা সাহস আরেইনে থান্, মাত্তর্ সিয়েন দেগিনে যেনে অন্য ইস্রায়েলীয় ভেইয়ুনোর মনবল ভাঙি ন যায় সেনত্যে তে ঘরত্ ফিরি যোক্।
মুই তবনা গরং তমার কোচ্পানা যেন জ্ঞান আর বিচের-বুদ্ধিলোই এগত্তর্ ওইনে বাড়ানাত্ থায়।
আরঅ কং ভেইলগ্, গোজেনরে হুজি গুরিবাত্যে কেধোক্ক্যেন গুরি চলানা উচিত সেই শিক্ষ্যেগান্ দঅ তুমি আমাত্তুন্ পেইয়ো, আর ঘেচ্চ্যেকগুরি তুমি সেবাবোত্যে গুরি চলর্। তো প্রভু যীশুর্ ওইনে আমি তমারে কোজোলি গুরির্ আর উপদেচ্ দিত্তে যেন তুমি আরঅ বেশ্ গুরিনে সেবাবোত্যেগুরি চলঅ।
মাত্তর্ তারে শত্রু বিলিনেয়ো মনে ন-গোজ্জ্য, বরং ভেই ইজেবে তারে উজিয়ার্ গরঅ।
যিবে পাপীগুনোর্ এত্তমান কুজুরোমি সোজ্জ্য গুরিলো তুমি তা পৌইদ্যেনে চিন্তে গরঅ, যেন তমার্ মনানি মন্মরা আর আজানেইয়্যে ন-অয়।
গোজেনে তার্ পুয়ো ইজেবে তমারে উচ্চোমি দিইনে যে কধানি কোইয়্যে সিয়েনি তুমি ভুলি যেইয়ো। তে কোইয়্যেদে, মর্ পুয়োবো, প্রভুর্ শাজনান্ ঈচ্ ন-গুরিচ্, আর তে যেক্কে গেইল্ দে সেক্কে আজা ন-আরেচ্;
তর্ ধৈজ্জ্য আঘে আর তুই মত্যে বোউত্ দুঘ্ গোজ্জ্যস্, অরান্ ন-অচ্।
