২ থিষলনীকীয় 3:11 - Chakma Bible

¹¹ আমি শুনির্, তমা ভিদিরে কেঅ কেঅ আল্‌সি গুরি চলদন্ আর এক্কুবারে কাম ন-গত্তন্, বরং অন্য পৌইদ্যেনে খিজেখিচ্চ্যে গত্তন্।

২ থিষলনীকীয় 3:11 Iomraidhean Croise

ইফিষীয় 4:28

যে চুর্ গরে তে আর চুর্ ন-গোরোক, বরং নিজো আঢে গমেডালে কাম্ গোরোক্ যেন অভাবী মানুচ্চুনোরে দিবাত্যে তার্ কিজু থায়।

১ থিষলনীকীয় 4:11

আমি তমারে যে উগুম দিয়্যেই সেবাবোত্যেগুরি শান্ত জিংকানি কাঢাদে, নিজোর্ কামত থাগদে আর নিজো আঢে কাম গত্তে বিশেজ্ গুরিনে আয়োজি অ।

২ থিষলনীকীয় 3:6

ভেইলগ্, আমা প্রভু যীশু খ্রীষ্টর্ নাঙে আমি তমারে এ উগুমান দির্-যুনি কনঅ ভেই আল্‌সি গুরিনে কাদায় আর আমাত্তুন্ তুমি যে শিক্ষ্যেগানি পেয়ো সিয়েনি ন-পালায়, সালে তুমি তা সমারে ন-মিল্ল্য।

১ তীমথিয় 5:13

ইয়েন বাদে তারা ঘরে ঘরে বেড়েইনে আল্‌‍সি অদে শিগোন্। তারা যে বানা আল্‌‍সি অন্ সিয়েন নয়, মাত্তর্ বাজে কধা কদে আর পর বেপার্‌‍লোই কধা কবাত্যে শিগোন্ আর যিয়েন তারাত্তুন্ কনা উচিত নয় সেই কধানি কন্।

১ পিতর 4:15

তমা ভিদিরে কেঅ খুনী, চুর্, অন্যেয় গুরিয়্যে ওইনে বা অন্যেয় গুরিনে অন্য পৌইদ্যেনে আঢ্ দিইনে দুঘোত্ ন-পোড়োক্।