২ থিষলনীকীয় 3:1 - Chakma Bible

¹ শেজদি কং ভেই-বোনলগ্, আমাত্যে তবনা গরঅ যেন প্রভুর কধানি তমা ইধু যেবাবোত্যেগুরি যাদিমাদি ছিদি পোজ্জ্যে সেবাবোত্যেগুরি সিয়েনি ছিদি পড়ানাত্ আর বাঈনী পানাত্ থায়।

২ থিষলনীকীয় 3:1 Iomraidhean Croise

গীতসংহিতা 138:2

তঅ পবিত্র ঘরান্ ইন্দি মুই মাঢাবো নিগিরিম্, তর্ কোচ্‌পানা আর বিশ্বেজত্তে তরে বাঈনী গুরিম; কিত্তে তর্ এগেমান্ পুরোণার্ মাধ্যমে তুই নিজোরে যেবাবোত্যেগুরি ফগদাং গোজ্যস্ সিয়েন তর্ নাঙ্ গিনেনাত্তুন্‌অ বেজ্ দাঙর্।

মথি লেখ্যে গম্ হবর্ 9:38

সেনত্তে খেত্-খেত্তি গিরোজ্‌সো ইধু কোজোলী গরঅ যেন তে তার খেত্-খেত্তিগানি কাবিবাত্তে মানুচ্ পাধেই দে।”

লূকে লেখ্যে গম্ হবর্ 10:2

তে শিচ্চ্যগুনোরে কলঅ, ঘেচ্চেক্‌গুরি খেত্-খেত্তি সয়সাগোজ্যে, মাত্তর্ কাম গুরিবার্ মানুচ্ কম্। ইয়েনত্তে খেত্-খেত্তি গিরোজ ইধু কোজোলী গরঅ যেন তে তার্ খেত্-খেত্তিগানি কাবিবাত্তে মানুচ্ পাধেই দে।

প্রেরিত্‌ 12:24

মাত্তর্ গোজেনর্ কধানি ছিদি পড়িলো আর ভালোক্কুন্ মান্‌জ্যে সিয়েন বিশ্বেজ্ গরা ধুরিলাক্।

প্রেরিত্‌ 19:20

প্রভুর কধানি এবাবোত্যেগুরি ছিদি পড়িলো আর তা খেমতাগান মানুচ্চুনো মনত্ আরঅ বেশ্ গুরিনে কাম্ গরা ধোল্ল্য।

প্রেরিত্‌ 6:7

এবাবোত্যেগুরি গোজেনর কধানি ছিদি পড়া ধল্ল, আর যিরূশালেমত্ শিচ্চ্যগুন্ জনেদি বোউত্ বাড়িলাক্ আর ধর্মগুরুগুনো ভিদিরে ভালোক্ জনে খ্রীষ্টীয় ধর্ম-বিশ্বেজ্‌চানরে মানি ললাক্।

রোমীয় 15:30

ভেইলগ্, আমা প্রভু যীশু খ্রীষ্টর্ মাধ্যমে আর পবিত্র আত্মার্ দিয়্যে কোচ্‌পানার্ মাধ্যমে মুই তমারে বিশেষ্ গুরিনে কোজোলী গরঙর্, তুমি গোজেন ইধু মত্তে মঅ সমারে তবনার্ যুদ্ধো চালেই থাগঅ।

১ করিন্হীয় 16:9

কিয়া যে কামত্ সাগর ফল পা-যায় সেবাবোত্যে কামত্যে এক্কো দাঙর্ জু মঅ মুজুঙোত্ এচ্চ্যে; খালিক্ ভালোকজনে ইয়েনত্ মানায়ো গত্তন্।

২ করিন্হীয় 1:11

আর তুমিয়ো আমাত্যে তবনা গুরিনে আমারে সাহায্য গোজ্জ্য। সালে ভালোক্ জনর্ তবনা গরানার্ ফলে আমি যে আশিদ্‌বাদ পেবং সিয়েনর্ কারনে আমাত্যে ভালোক্‌জনে গোজেনরে ভালেদি জানেবাক্।

২ করিন্হীয় 13:11

ভেইলগ্, এবেরা বিদেয়। তুমি তমার বেক্কানি ঠিগ্ গুরিনে খাটি অ। মঅ কধানি মনযোগ্ দুয়ো, তমার এক্কুই মনভাব ওক্‌, আর তুমি সুগে-শান্দিয়্যে থাগঅ। সালে কোচ্‌পেইয়্যে আর শান্তির্ গোজেনে তমা লগে থেবঅ।

কলসীয় 4:3

আর সে লগে আমাত্যেয়ো তবনা গোজ্জ্য যেন খ্রীষ্ট পৌইদ্যেনে গুমুরো সত্যগানর্ কধা ফগদাং গুরিবাত্যে গোজেনে আমারে জু গুরি দে। সেই গুমুরো সত্যগানত্যে দঅ মরে বন্দী গরা ওইয়্যে।

১ থিষলনীকীয় 1:5

কিয়া আমার ফগদাং গোজ্জ্যে গম্ হবরান বানা কধালোই তমা ইধু ন-এজে, মাত্তর্ সিয়েন খেমতা, পবিত্র আত্মা আর পুরোপুরি নিচ্চিত্ গুরি এচ্চ্যে। তমা সমারে থেবার অক্তত্ তমার ভালেদিত্যে আমি কেধোক্ক্যেন গুরিনে আঢাউদো গোজ্জ্যেই সিয়েন তুমি কোই পারঅ।

১ থিষলনীকীয় 1:8

বানা ম্যাসিডোনিয়া আর আখায়া রেজ্যত্ যে তমাত্তুন্ প্রভুর কধানি ছিদি পোজ্জ্যে এমন নয়, মাত্তর্ গোজেন উগুরে তমার বিশ্বেজর্ কধায়ো বেক্‌ জাগানিত্ যেইনে লুম্মেগোই। এ পৌইদ্যেনে আমার্ কিচ্চু কনা দরকার নেই,

১ থিষলনীকীয় 2:1

ভেইলগ্, তুমি নিজেই কোই পারঅ, তমা ইধু আমার যানা ব্যত্ত ন-অয়।

১ থিষলনীকীয় 2:13

আমি নিত্য গোজেনরে ভালেদি জানের্, কিয়া গোজেনর্ কধানি আমাত্তুন্ শুনিনে যেক্কে তুমি বিশ্বেজ্ গোজ্জ্য সেক্কে তুমি সিয়েন মান্‌জ্যর বিলিনে নয়, মাত্তর্ গোজেনর্ কধা বিলিনেই মানি লোইয়ো। আর ঘেচ্চ্যেকগুরি সিয়েন গোজেনর্ কধা। তুমি যিগুনে বিশ্বেজ্ গোজ্জ্য, তমা মনত্ সেই কধানিয়ে কাম গোজ্জ্যে।

১ থিষলনীকীয় 4:1

আরঅ কং ভেইলগ্, গোজেনরে হুজি গুরিবাত্যে কেধোক্ক্যেন গুরি চলানা উচিত সেই শিক্ষ্যেগান্ দঅ তুমি আমাত্তুন্ পেইয়ো, আর ঘেচ্চ্যেকগুরি তুমি সেবাবোত্যে গুরি চলর্। তো প্রভু যীশুর্ ওইনে আমি তমারে কোজোলি গুরির্ আর উপদেচ্‌ দিত্তে যেন তুমি আরঅ বেশ্ গুরিনে সেবাবোত্যেগুরি চলঅ।

১ থিষলনীকীয় 5:17

নিত্য তবনা গরঅ,

১ থিষলনীকীয় 5:25

ভেইলগ্, আমাত্যে তবনা গোজ্জ্য।

২ তীমথিয় 2:9

আর এই গম হবরান ফগদাঙত্যে মুই দুঘ্ গরঙর্; এন্‌ কি, দুষি ধোক্ক্যেন মরে বানা ওইয়্যে। মাত্তর্ গোজেনর্ কধাগানিরে দঅ বানা ন-অয়।