২ থিষলনীকীয় 2:9 - Chakma Bible

⁹ সেই অবাধ্যবলা মরদ্‌‌তো যেক্কে এবঅ সেক্কে তা সমারে থেবঅ শদানর্ খেমতা। সেই খেমতাগান ফগদাং পেবঅ নানান্ বাবোত্যে মিজে চিহ্নোলোই, আমক্ অবার্ কাম আর খেমতাবলা কাম ভিদিরে,

২ থিষলনীকীয় 2:9 Iomraidhean Croise

২ বংশধর 18:20

যেরেন্দি এক্কো আত্মা উজেই এইনে লগেপ্রভুর মুজুঙোত্‌ থিয়্যেইনে কলঅ, ‘মুই তারে ভুলেবালাই নেযেম্‌।’ লগেপ্রভু পুযোর্‌ গুরিলো, ‘কেধোক্ক্যেন গুরিনে গুরিবে?’

যাত্রা 7:22

সেক্কে মিসরীয় যাদু পারিয়্যেগুনে তারার্‌ যাদুমন্ত্রলোই একই কাম্‌ গুরিলাক্। সেনত্যে ফরৌণ মনান্‌ আরঅ চিৎনপুজ্যে ওই উদিলো। লগেপ্রভু যিয়েনি কোইয়্যে সিয়েন অলঅ; মোশি আর হারোণর্ কধা ফরৌণে ন-শুনিলো,

যাত্রা 8:18

যাদু গুরিয়্যেগুনে তারার্‌ যাদুমন্ত্রলোই মশা আনিবার্‌ চেরেস্‌তা গুরিলাক্ মাত্তর্‌ ন-পারিলাক্। মানুচ্ আর য়েমানুনো উগুরে মশা পড়া ধুরিলাক্।

যাত্রা 8:7

যাদুকরুনেয়ো তারার্‌ যাদুমন্ত্রর বলে সেই এক্কুই কাম্‌ গুরিলাক্। তারায়ো মিসর্‌ দেজত্‌ বেঙ্‌ আনিলাক্।

যিশাইয় 29:10

কিত্তে লগেপ্রভু তমা উগুরে এক্কান্ ঘুর্‌ঘুজ্যে ঘুম আন্যে; তমা চোগ্‌কুন যে ভাববাদীগুনে, তমার্ সেই চোগ্‌কুন তে নাঢি দিয়্যে আর তমার্ মাঢাগুন যে রিনিচেইয়্যে গুনে, তমার্ সেই মাঢাগুন্ তে ঢাগি দিয়্যে।

যিহিষ্কেল 14:5

ইস্রায়েলীয়গুনোর মনানি আরঅ জিদিই নিবাত্তে মুই ইয়েন গুরিম, কিত্তে তারা বেক্কুনে তারার্ মূত্তিগুনোত্তে মরে ছাড়ি যেইয়োন।

মথি লেখ্যে গম্ হবর্ 12:22

পরেদি মানুচ্চুনে ভুদে পেইয়্যে এক্কো মান্‌জ্যরে যীশু ইধু আনিলাক্ যিবে চোগ্ কান্ আর ববা এলঅ কিয়া তারে অসিজি আত্মায় পেইয়্যে। যীশু তারে গম্ গুরিলো।

মথি লেখ্যে গম্ হবর্ 24:24

সেনত্যে সেক্কে বোউত্ ফক্কর্ মশীহ আর ফক্কর্ ভাববাদী এবাক্ আর আমক্ অবার্ চিহ্নো কাম্ গুরিবাক্ যেন সম্ভব অলে গোজেনর্ বেঈ লোইয়্যে মানুচ্চুনোরেয়ো তারা ঠোগেই পারন্।

মথি লেখ্যে গম্ হবর্ 4:10

সেক্কে যীশু তারে কলঅ, “দূর্ অ, শদান্। পবিত্র বোইবোত্ লেগা আঘে, তুই তর্ প্রভু গোজেনরে ভোক্তি গুরিবে, বানা তারে সেবা গুরিবে।”

মার্ক 13:22

সেনত্যে সেক্কে বোউত্ ভন্ড মশীহ আর ভন্ড ভাববাদী এবাক্ আর তারা আমক্ অবার্ চিহ্নো কাম্ গুরিবাক্, যেন সম্ভব অলে গোজেনর্ বেঈ লোইয়্যে মানুচ্চুনোরেয়ো তারা ঠোগেই পারন্।

লূকে লেখ্যে গম্ হবর্ 11:25

ফিরি এইনে সে ঘরান তে সুদো, সাব্‌গোজ্যে, আর সাজেয়্যে দেখ্যে।

যোহন 4:48

যীশু সেই রাজার্ চাগর্‌বোরে কলঅ, “কনঅ চিহ্নো বা কনঅ আমক্ অবার্ কাম ন-দেগিলে তুমি কনঅ বাবদে বিশ্বেজ্ ন-গুরিবা।”

যোহন 8:41

তমা বাব্‌পো যিয়েন্ গরে তুমিয়ো সিয়েন্ গরর্।” তারা যীশুরে কলাক্, “আমি দঅ জার্গো নয়। আমার বানা এক্কো বাব্ আঘে, সে বাব্‌পো অলঅ গোজেন।”

যোহন 8:44

শদানে তমা বাপ্ আর তুমি তার্ পুয়ো-ছা; সেনত্তে তুমি তা আওজ্‌চান্ পুরেবাত্তে চঅ। শদানে পৌইল্যাত্তুন্ ধুরি খুনী। তে কনদিন্অ সত্যত্ বজত্তি ন-গরে, কিয়া তা ভিদিরে সত্য নেই। তে যেক্কে মিজে কধা কয় সেক্কে তে সিয়েন্ নিজোত্তুন্ কয়, কিয়া তে মিজে কধা মাদিয়্যে আর বেক্‌ মিজে কধার্ জর্ম তা ভিদিরেত্তুন্ ওইয়্যে।

প্রেরিত্‌ 13:10

“তুই শদানর্ পুয়ো আর যিয়েনি গম্ সিয়েনির শত্রু। তঅ ভিদিরে নানান্ বাবোত্যে ছলনা আর থগামি রোইয়্যে। প্রভুর উজু পধ্‌‌তানরে বেঙা গুরিবার কামান্ কি তুই কনঅ দিনঅ ন-থামেবে?

২ করিন্হীয় 11:14

ইয়েনত্ আমক্ অবার্ কিচ্চু নেই, কিয়া শদানেয়ো নিজোরে পহ্‌রত্ জদবদে স্বর্গদূত্ বিলিনে দেগেবার্ আজায় নিজোরে বুদুলি ফেলায়।

২ করিন্হীয় 11:3

মাত্তর্ মর্ দর্ লাগেত্যে, সেই সাপ্পো তার্ পাজি বুদ্ধি খাদেইনে যেধোক্ক্যেন্ গুরি হবারে ভুলেয়্যে সেধোক্ক্যেন গুরি খ্রীষ্ট উগুরে খাটি আর মন ভোক্তিত্তুন্ কেঅ অয়ত তমারেয়ো ভুলেইনে নেযেব।

২ করিন্হীয় 4:4

অবিশ্বেজি মানুচ্চুনোর মনানি এ যুগোর্ দেবেদাগুনে কান্ গুরি দুয়োন যেন তারা গম্ হবরর্ পহ্‌রান্ ন-দেগন্। এ গম্ হবরানত্ খ্রীষ্টর্ মহিমাগান্ ফুদি উঠ্যে; আর এ খ্রীষ্টই অলঅ গোজেনর্ অবিকল্ ফগদাং।

ইফিষীয় 2:2

জগদর্ চিন্তেধারা অনুসারে তুমিয়ো এক সময় সেই অবাধ্যত্যে আর পাপে আঢাউদো গত্তা। যে আত্মাগান আগাজর্ খেমতাবলাগুনোর রাজা সেই পাজি আত্মাগানে গোজেনর্ অবাধ্য মানুচ্চুনো ভিদিরে কাম গরের্, আর তুমি সেই আত্মাগানর্ পিজে পিজে চলিদা।

২ তীমথিয় 3:8

যেধোক্ক্যেন গুরি যান্নি আর যাম্ব্রি মোশি বিরুদ্ধে থিয়্যেয়োন্ ঠিগ্ সেবাবোত্যে গুরি এ মানুচ্চুনেয়ো সেই সত্যগানর্ বিরুদ্ধে থিয়্যেয়োন্। ইগুনোর্ মনানি কুজুরো আর খ্রীষ্টীয় ধর্ম-বিশ্বেজর্ কনঅ প্রমাণ তারা ইধু পাহ্ ন-যায়।

যাকোব 3:15

এবাবোত্যে জ্ঞান স্বর্গত্তুন্ লামি ন-এজে, বরং পিত্‌থিমীর্, ভান্ন্যেই আওজর্ আর ভান্ন্যেই আত্মাগুনো সমারে তার্ উদোন্ বজন্;

ফগদাং পেইয়্যে 12:17

সেক্কে সেই দানপ্পো সেই মিলেবো উগুরে অমকদ রাগ গুরিলো; আর সেই মিলেবো গুট্টির বাদ্‌বাগী মানুচ্চুন্, অত্তাৎ যিগুনে গোজেনর্ উগুম পালান্ আর যীশুর শিক্ষ্যেনি ধুরি রাগান্ তারা বিরুদ্ধে তে যুদ্ধো গুরিবাত্যে গেলঅ আর দোজ্জ্যে সাগর পারত্ থিয়্যেই রলঅ।

ফগদাং পেইয়্যে 12:9

সেক্কে সেই দাঙর্ দানপ্পোরে আর তা সমারে তা দুত্‌তুনোরে পিত্‌থিমীত ফেলেই দিয়্যে অলঅ। এই দানপ্পো অলঅ সেই পুরোনা সাব্‌পো যিবেরে দিয়াবল বা শদান্ কুয়ো অয়। তে পিথ্‌তিমীর্ বেক্‌ মানুচ্চুনোরে ভুল্ পধেদি নেযায়।

ফগদাং পেইয়্যে 18:23

চেরাগ পহ্‌রান্ আর কনদিনঅ তমা ইধু ন-জ্বলিবো। নুয়ো বৌ-জামেয় মুয়োত্তুন্ আবাজ্অ আর তমা ভিদিরে কনদিনঅ শুনো ন-যেবঅ। তর্ বেবসায়ীগুনে পিত্‌থিমীত্ নাঙ্‌‌গিনেপারা এলাক্, আর বেক্‌ জাদ্‌‌তুনে তর্ যাদুর ছলনায় ভুলিদাক্।

ফগদাং পেইয়্যে 19:20

সেই য়েমান্নোরে ধরা অলঅ আর যে ফক্কর্ ভাববাদীবো তার্ ওইনে আমক্ কাম গত্ত তারেয়ো ধরা অলঅ। যিগুনে সেই য়েমান্নোর্ চিহ্নোগান মানি লোইয়োন আর তা মূত্তিবোর পূজো গুরিদাক্ সেই ভন্ড ভাববাদীবো সেই আমক্ কামানিলোই তারারে ভুলেই রাগেয়্যে। জ্বোল্‌‌‌জোল্যে গন্ধক আগুনো হ্রদত্ জেদাবাদে এ দ্বিজনরে ফেলেই দিয়্যে অলঅ।

ফগদাং পেইয়্যে 20:10

যে তারারে ভুল্ পধেদি নেযেয়্যে সেই সদান্নোরে জ্বোল্‌জোল্যে গন্ধক পুয়োরত্ ফেলেই দিয়্যে অলঅ। সিয়েনত্ তারা উমর সং দিন-রেত্ যন্ত্রণাত্ ভুগিবাক্।

ফগদাং পেইয়্যে 9:11

গভীন গাঢ্ দুনোবো এলদে এই পুগ্-যুগ্‌কুনোর্ রাজা। ইব্রীয় কধাদি সেই দূত্‌তোর নাঙান এলঅ আবদ্দোন আর গ্রীক কধাদি আপল্লুয়োন, অত্তাৎ ভস্ত গুরিয়্যে।