২ থিষলনীকীয় 2:7 - Chakma Bible

⁷ মাত্তর্ যিবে তারে মানা গুরি রাগেয়্যে তে সুরি ন-যানা সং মানা গরানাত্ থেবঅ। সে পরেদি সেই অবাধ্যবলা মরদ্‌‌তো ফগদাং অবঅ।

২ থিষলনীকীয় 2:7 Iomraidhean Croise

প্রেরিত্‌ 20:29

মুই হবর্ পাং, মুই যানার্ পরেদি মানুচ্চুনে চিৎ ন-পুজ্যে হোক্যে বাঘ ধোক্ক্যেন্ গুরি তমা ইধু এবাক্ আর ভেড়া পালুনোর্ ক্ষতি গুরিবাক্।

২ থিষলনীকীয় 2:6

সেই অবাধ্যবলা মরদ্‌‌তো যেনে ঠিগ্ সময়োর আগে ফগদাং ওই ন-পারে সেনত্যে যিয়েনে ইক্কিনে তারে মানা গুরি রাগেয়্যে সিয়েন দঅ তুমি কোই পারঅ। তুমি ইয়েনঅ কোই পাজ্জ্যদে যে, অবাধ্যবলা মরদ্‌‌তোর্ গুমুরো কামানি ইক্কিনয়ো চলের্,

১ তীমথিয় 3:16

খ্রীষ্টীয় ধর্ম-বিশ্বেজর্ গুমুরো সত্যগান যে দাঙর্ সিয়েন অস্বিগের্ গরা ন-যায়। সেই সত্যগান ইয়েন- তে মানুচ্‌ ইজেবে ফগদাং পেলঅ; তে যে নিদ্দুজি পবিত্র আত্মাগানে সিয়েন প্রমাণ গুরিলো; স্বর্গদূত্‌তুনে তারে দেক্ক্যন; বেক্‌ জাদ্‌তুনো ইধু তা পৌইদ্যেনে প্রচার গরা ওইয়্যে; জগদত্ তা উগুরে মান্‌জ্যে বিশ্বেজ্ গোজ্জ্যন; স্বর্গত্ তারে মহিমার্ সমারে তুলি নেযা ওইয়্যে।

১ যোহন 2:18

পুয়ো-ছা লগ্, ইবেয়ই শেজ্ সময়। তুমি দঅ শুন্ন্য যে, খ্রীষ্ট-শত্রুবো এজের্, মাত্তর্ তার আরঅ ভালোক্কুন্ শত্রু এ ভিদিরে এই যেইয়োন। সেনত্যে আমি বুঝি পারির্, ইবেয়ই শেষ্ সময়।

১ যোহন 4:3

মাত্তর্ যে আত্মাগানে এই যীশুরে অস্বীগের্ গরে সেই আত্মাগান গোজেনত্তুন্ ন-এজে। ইবে সেই খ্রীষ্ট-শত্রুর্ আত্মা। সেই আত্মাগান যে এজের্ সিয়েন দঅ তুমি শুন্ন্য, আজলে সেই আত্মাগান এজঅ জগদত্ আঘে।

ফগদাং পেইয়্যে 17:5

তা কবালত্ এমন্‌ নাঙ্ লেগা এলঅ যিবে পৌইদ্যেনে এক্কান গুমুরো সত্য আঘে। সেই নাঙান্ অলঅ, “নাঙ্ গোজ্জ্যে বাবিল, বেশ্যেগুনোর আর পিত্‌থিমীর বেক্‌ জঘন্য জিনিজোর্ মা।”

ফগদাং পেইয়্যে 17:7

মুই তারে দেগিনে ভারী আমক্ ওলুং। সেক্কে সেই স্বর্গদূত্‌তো মরে কলঅ, তুই আমক্ অর্ কিত্ত্যে? মিলেবোর্ আর যে য়েমান্নো তারে বুয়োইনে বেড়ার্ সেই য়েমান্নোর্ গুমুরো অত্তগান তরে বুঝেই দোঙর্। ইবে সেই য়েমান্নো যিবের্ সাত্‌টো মাঢা আর দোচ্‌শো শিং এলঅ।