২ থিষলনীকীয় 2:2 - Chakma Bible

² “প্রভুর দিন্নো লুম্মেগি,” ইয়েনর্ মানে ভাববাদী ইজেবে কোইয়্যে কারঅ কধা বা অন্য কারঅ কধা বা আমার লেগা মনে গুরিনে কনঅ চিধির্ কারনে তুমি সহজে চুলুবুলু ন-ওইয়ো বা ন-দোরেইয়ো।

২ থিষলনীকীয় 2:2 Iomraidhean Croise

যিশাইয় 26:3

যিবের্ মনান্ তঅ উগুরে থির্ আঘে তারে তুই পুরো সুগে-শান্দিয়্যে রাগেবে, কিত্তে তে তঅ উগুরে বিশ্বেজ্ গরে।

যিশাইয় 7:2

সেক্কে দায়ূদ বংশর মানুচ্চুনোরে কুয়া অলঅ, “অরামর্ সৈন্যদলুনে সমাজ্যে ইজেবে ইফ্রয়িমত্ তাম্বুল ফেলেইনে আগন্।” এ কধাগান শুনিনে আহসে আর তা মানুচ্চুনোর্ মনানি দরে বোইয়্যেরে দুলি পোজ্যে ঝার গাজ ধোক্ক্যেন্ দুলি উদিলো।

মীখা 2:11

যুনি কনঅ মিজে কধা কোইয়্যে আর ঠোগেয়্যে এইনে কয়, ‘মুই কঙর্, তমার্ বোউত্ মদ আর আংগুর-রস অবঅ,’ মাত্তর্ তেয়ই অবঅ এ জাদ্‌তোত্তে যগাজ্যে ভাববাদী‌‌‌!”

মথি লেখ্যে গম্ হবর্ 24:24

সেনত্যে সেক্কে বোউত্ ফক্কর্ মশীহ আর ফক্কর্ ভাববাদী এবাক্ আর আমক্ অবার্ চিহ্নো কাম্ গুরিবাক্ যেন সম্ভব অলে গোজেনর্ বেঈ লোইয়্যে মানুচ্চুনোরেয়ো তারা ঠোগেই পারন্।

মার্ক 13:7

যেক্কে তুমি যুদ্ধোর্ রঅ আর যুদ্ধোর্ হবর্ শুনিবা সেক্কে ন-দোরেয়ো। ইয়েনি অবঅ, মাত্তর্ সেক্কেয়ো থুম্ নয়।

লূকে লেখ্যে গম্ হবর্ 21:19

তুমি থির্ থেলে, তুমি নিজোরে উদ্ধোর্ গুরি পারিবা।

লূকে লেখ্যে গম্ হবর্ 21:9

তুমি যেক্কে যুদ্ধোর্ আর বিদ্রোহর্ হবর্ শুনিবা সেক্কে ন-দোরেয়ো, কিয়া পত্তমে ইয়েনি বেক্কানি অবঅ; মাত্তর্ সেক্কেয়ো যে শেজ্ সময়ান লুম্মেগি সিয়েন্ নয়।”

যোহন 14:1

“তমা মনানি যেন আর থির্ নেইয়্যে ন-অয়। গোজেন উগুরে বিশ্বেজ্ গরঅ, মঅ উগুরেয়ো বিশ্বেজ্ গরঅ।

যোহন 14:27

মুই তমাত্যে শান্তি থোই যাঙর্, মঅ শান্তিগান্ মুই তমারে দোঙর্; পিত্‌থিমীগানে যেবাবোত্যেগুরি দে মুই সেবাবোত্যেগুরি ন-দুয়োং।

১ করিন্হীয় 1:8

আমা প্রভু যীশু খ্রীষ্ট থুম্ অয় সং তমারে থির্ রাগেব, যিয়েনর কারনে তার্ এবার্ দিনোত্ তুমি নানান্ বাবোত্যে বদ্‌নাঙর্ বারেদি থেবা।

১ করিন্হীয় 14:32

ভাববাদীগুনোর্ আত্মা তারার্ নিজো অধীনোত্ থায়।

১ করিন্হীয় 7:26

যে অমকদ দুঘোর্ সময় এজের্ সিয়েনত্তে মর্ মনে অয় তুমি যে যেধোক্ক্যেন আঘ সেবাবোত্যে থানা গম্।

ইফিষীয় 5:6

মিজে কধাবাত্তালোই যেন কেউ তমারে ভুল্ পধেদি ন-নেযায়, কিয়া যিগুনে অবাধ্য ওইনে সেবাবোত্যে কাম্ গরন গোজেন সাজা তারা উগুরে লামি এজে।

১ থিষলনীকীয় 3:3

যেনে এ বেক্‌ দুগ্‌খানির্ মাধ্যমে তুমি কেঅ পিজেদি ন-যঅ। তুমি নিজেই কোই পারঅ যে, দুগ্-কষ্ট আমাত্যে ঠিগ্ গরা আঘে।

১ থিষলনীকীয় 4:15

প্রভুর্ শিক্ষ্যে মজিম আমি তমারে কোর্, আমি যিগুনে জেদা আঘিই আর প্রভুর্ ফিরি এজানা সং জেদা থেবং, আমি কনঅ বাবদে সেই মরাগুনোর্ আগে ন-যেবং।

২ থিষলনীকীয় 2:15

সেনত্যে ভেই-বোনলগ্, থির্ থাগঅ, আর চিধিলোই বা কধালোই যে শিক্ষ্যেনি আমি তমারে দিয়্যেই সিয়েনি ধুরি রাগঅ।

২ থিষলনীকীয় 3:17

এ পাত্তুরু তুরু জানানার্ কধাগান মুই পৌল নিজো আঢে লেগঙর্। ইয়েনই মর্ পত্তি চিধির্ চিহ্নো; মুই এবাবোত্যে গুরি লিগি থাং।

ফগদাং পেইয়্যে 19:20

সেই য়েমান্নোরে ধরা অলঅ আর যে ফক্কর্ ভাববাদীবো তার্ ওইনে আমক্ কাম গত্ত তারেয়ো ধরা অলঅ। যিগুনে সেই য়েমান্নোর্ চিহ্নোগান মানি লোইয়োন আর তা মূত্তিবোর পূজো গুরিদাক্ সেই ভন্ড ভাববাদীবো সেই আমক্ কামানিলোই তারারে ভুলেই রাগেয়্যে। জ্বোল্‌‌‌জোল্যে গন্ধক আগুনো হ্রদত্ জেদাবাদে এ দ্বিজনরে ফেলেই দিয়্যে অলঅ।