২ থিষলনীকীয় 2:12 - Chakma Bible

¹² যিগুনে সত্যত্ বিশ্বেজ্ ন-গুরিনে অন্যেয় কামত্ হুজি ওইয়োন তারারে বেক্কুনোরে বিচেরত্ দুষি বিলিনে ধরা অবঅ।

২ থিষলনীকীয় 2:12 Iomraidhean Croise

গীতসংহিতা 11:5

লগেপ্রভু তা ভক্তগুনোরে যগা চায়, মাত্তর্ যিগুনে পাজি আর অত্যেচার গমপান্ তারারে তে এলাফেলা গরে।

হোশেয় 7:3

তারার্ পাজিগানিলোই তারা রাজারে আর মিজে কধালোই রাজার্ কামগুরিয়্যেগুনোরে হুজি গরন।

মীখা 3:2

তুমি দঅ গম্ কামানিরে ঈচ্ গুরিনে ভান্ন্যেই কামানিরে গম্‌‌‌‌‌পঅ; তুমি মঅ মানুচ্চুনোর কিয়্যেনিত্তুন্ চামাড়া আর আড়ত্তুন্ য়েরানি সোরেই নেযর্;

মার্ক 14:11

ধর্মগুরুগুনে যিহূদার কধা শুনিনে হুজি অলাক্ আর তারে টাকা দিবাক্ বিলিনে কধা দিলাক্। সেক্কে যিহূদা যীশুরে ধুরি দিবাত্তে সুযোগ তগা ধুরিলো।

মার্ক 16:16

যে কেঅ বিশ্বেজ্ গরে আর অবগাহন্ লয় তেয়ই পাপত্তুন্ উদ্ধোর্ পেবঅ; মাত্তর্ যে বিশ্বেজ্ ন-গরে গোজেনে তারে দুষি বিলি ঠিগ্ গুরিনে সাজা দিবো।

যোহন 3:36

যে কেঅ পুয়োবো উগুরে বিশ্বেজ্ গরে তে সেক্কে উমর্‌অ জিংকানি পায়, মাত্তর্ যে পুয়োবোরে অমান্য গরে তে সেই জিংকানিগান্ কনদিন্‌অ ন-পেবঅ, বরং গোজেন রাগ্‌কান্ তা উগুরে থেবঅ।

রোমীয় 1:32

গোজেনর্ এ বিচেরর্ কধানি তারা গমেডালে হবর্ পান্ যে, এবাবোত্যে কাম্ যিগুনে গরন্ তারা মরণর্ সাজা পেবার্ কধা। এ কধাগান্ কোই পারিনেয়ো তারা যে বানা ইয়েনি গুরি থান্ সিয়েন নয়, মাত্তর্ অন্য যিগুনে সিয়েনি গরন্ তারারেয়ো অজেই দুয়োন্।

রোমীয় 12:9

কোচ্‌পানা ভিদিরে ভন্ডামি ন-থোক্। যিয়েন ভান্ন্যেই সিয়েন ঈচ্ গরঅ; যিয়েন গম্ সিয়েন দরমর গুরি ধুরি রাগঅ।

রোমীয় 2:8

মাত্তর্ যিগুনে নিজো আওজ্ মজিম চলন্ আর সত্যগানরে ন-মানিনে অন্যেয়ানরে মানি চলন্ গোজেনে তারারে জদবদে সাজা দিবো।

১ করিন্হীয় 13:6

ভান্ন্যেই কিজুলোই হুজি ন-গরে বরং যিয়েন সত্য সিয়েন্দোই হুজি গরে।

দ্বি’লম্বর বিররণ 32:35

অন্যেয়র সাজা দিবার অধিকার মর্; যার যিয়েন পাওনা মুই তারে সিয়েনই দিম্‌। অক্ত অলেই শত্রুগুনোর টেঙানি বিঝিদি যেবঅ; তারার ভস্তর্ দিনুন্‌ তারা ইদু এই যেইয়্যে। তারাত্তে যিয়েনি ঠিগ্ গুরি রাগা ওইয়্যে, সিয়েনি যাদিগুরি তারা উগুরে এই যেবঅ।”

১ থিষলনীকীয় 5:9

শাজা পেবাত্যে নয় মাত্তর্ আমা প্রভু যীশু খ্রীষ্টর্ মাধ্যমে উদ্ধোর্ পেবাত্যে গোজেনে আমারে ঠিগ্ গুরি থোইয়্যে।

২ থিষলনীকীয় 2:10

আর ভস্তর্ পধেদি উজেই যেইয়্যে মানুচ্চুনোরে থোগেইবার নানান্ বাবোত্যে পাজি ছলনার্ ভিদিরে। এ মানুচ্চুনে ভস্ত অবাক্, কিয়া পাপত্তুন্ উদ্ধোর্ পেবাত্যে তারা সত্যগানরে কোচ্‌ ন-পান্ আর সিয়েন মানিয়ো ন-লন্।

২ পিতর 2:3

লুভে পড়িনে ছলনার্ কধা কোইনে তারা নিজো লাভত্যে তমারে কামত্ লাগেবাক্। তারার্ সাজাগান ভালোক দিন ধুরিনে তারা উগুরে দুলের্, আর তারার্ ভস্ত অনাগান জুরো গুরিনে বোইদ্যে নেই।

৩ যোহন 1:11

পরাণর্ সমাজ্জ্যেগুন, ভান্ন্যেয়র্ পিজেদি ন-যেইনে বরং গমঅ পিজেদি আঢঅ। যে গম কাম গরে তে গোজেনর্ মানুচ্‌; আর যে ভান্ন্যেই কাম গরে তে গোজেনরে ন-দেগে।