২ থিষলনীকীয় 1:4 - Chakma Bible

⁴ আর ইয়েনত্যে গোজেন মন্ডলীগুনো মুজুঙোত্ তমারে নিইনে আমি দেমাগ্ গুরির, কিয়া যেদক্কানি অত্যেচার্ আর দুখ্-কষ্ট তুমি সোজ্জ্য গরর্, সিয়েনির ভিদিরেয়ো তমার ধৈজ্জ্য আর বিশ্বেজ্‌চান থিগি আঘে।

২ থিষলনীকীয় 1:4 Iomraidhean Croise

রোমীয় 12:12

তমা মুজুঙোত্ যে আজাগান্ আঘে সিয়েনত্যে ফুত্তি গরঅ। দুঘ্-কষ্টত্ ধৈজ্জ্য ধরঅ। নিত্য তবনা গরঅ।

রোমীয় 2:7

যিগুনে ধৈজ্জ্য ধুরিনে গম্ কাম্ গরন্ গোজেনত্তুন্ বাঈনী, সর্মান আর ভস্ত ন-ওইয়্যে জিংকানি পেবাত্তে চান, গোজেনে তারারে উমর জিংকানি দিবো।

রোমীয় 8:25

মাত্তর্ যিয়েন পাহ্ ন-অয় সিয়েনত্যে যুনি আমার্ আজা থায় সালে সিয়েনত্যে আমি ধৈয্য ধুরিনে বাজ্জেই থেই।

১ করিন্হীয় 7:17

সেনত্তে, প্রভু যিবেরে যে অবস্থায় থোইয়্যে আর গোজেনে যিবেরে যিয়েনত্তে ডাক্ক্যে, সেই মজিম তে চোলোক্। এ উগুমান মুই বেক্ মন্ডলীগুনোত্ দি থাং। কনঅ চুনু মাঢা কাবা মান্‌জ্যরে কি ডাগা ওইয়্যে? মাত্তর্ সে চুনু মাঢা কাবা চিহ্নোগান্ পুজি ন-ফেলোক্।

২ করিন্হীয় 12:10

সেনত্যে খ্রীষ্টত্যে বল্‌পোজ্জ্যে, অগমানে, যন্ত্রনায়, অত্যেচারে আর দিদ্দেরি অলেয়ো মুই হুজি; কিয়া যেক্কে মুই হ্‌রান্ সেক্কেই মুই বোলী।

২ করিন্হীয় 7:14

মুই হুজী ওইয়োং, কিয়া তমারে নিইনে মুই তা ইধু দেমাগ্ দেগেয়োং, আর সিয়েনত্ মত্তুন্ লাজত্ পড়া ন-পরে। সিয়েনর্ বদলে তমা ইধু কোইয়্যে আমার বেক্‌ কধানি যেধোক্ক্যেন্ সত্য এলঅ, সেধোক্ক্যেন গুরি তীত ইধু তমারে নিইনে আমার্ দেমাগ্-অ সত্য বিলিনে প্রমাণ ওইয়্যে।

২ করিন্হীয় 7:4

তমা উগুরে মর্ অমকদ বিশ্বেজ্ আঘে আর তমাত্যে মুই খুব দেমাগ্ গরঙর্। আমা বেক্ দুঘ্‌কানিত্ মর্ হুজি লাগের্ আর মুই খুব সান্ত্বনা পেইয়োং ।

২ করিন্হীয় 9:2

কিয়া এ কামানত্ তমার আয়োজর্ কধা মত্তুন্ জানা আঘে। মুই তমারে নিইনে ম্যাসিডোনিয়া মানুচ্চুনো ইধু ইয়েন কোইনে দেমাগ্ গরংগে, গেলদে বঝরত্তুন্ ধুরি আখায়ার্ মানুচ্চুনে, অত্তাৎ তুমি এ দানুনোত্যে যুক্কোল্ ওই আঘ। তমার্ এ আওজ্‌চান তারার্ বেচ্‌ ভাগ্ মান্‌জ্যরে জাগেই তুল্ল্যে।

২ করিন্হীয় 9:4

সিয়েন ন-অলে ম্যাসিডোনিয়ার মানুচ্চুনে যুনি মঅ সমারে যেইনে দেগন্-দে, তুমি যুক্কোল্ নয় সালে তমা উগুরে আমার্ এদক্ বিশ্বেজত্যে আমি লাজেবং।

১ থিষলনীকীয় 1:3

বিশ্বেজর্ কারনে তুমি যে কামানি গরর্, কোচ্‌পানার কারনে যে কামানি গরর্ আর আমার প্রভু যীশু খ্রীষ্ট উগুরে আজা রাগানার্ কারনে যে ধৈয্য ধরর্, সেই কধানি আমি নিত্য আমার বাবা আর গোজেন মুজুঙোত্ তবনা গুরিনে ইদোত্ তুলিই।

১ থিষলনীকীয় 2:14

ভেইলগ্, যিহূদিয়া রেজ্যত খ্রীষ্ট যীশু লগে গোজেনর্ যে মন্ডলীগুন্ আঘন, তমা অবস্থা তারা ধোক্ক্যেন। যিহূদীগুনো আঢত্ তারা যেত্তমান দুঘ্ পেইয়োন, তুমিয়ো নিজো দেজর্ মানুচ্চুনো আঢত্ সেই একই দুঘোত্ ভুগ্‌গো।

১ থিষলনীকীয় 2:19

আমা প্রভু যীশু যেক্কে এবঅ সেক্কে তা মুজুঙোত্ তুমি কি আমার আজা, হুজী আর বাঈনী গুরিবার্ জিদেনার্ মালাছড়া ন-অবা?

২ থিষলনীকীয় 3:5

প্রভু যেন তমার মনানি গোজেনর্ কোচ্‌পানার পধেদি আর খ্রীষ্টর্ ধৈজ্জ্যর্ পধেদি চালেই নেযায়।

ইব্রীয় 10:36

তমাত্তুন্ থির্ থানা দরকার, যাতে গোজেনর্ আওজ্ মজিম কাম গরানার্ পরেদি গোজেনে যিয়েন দিবাত্যে এগেম্ গোজ্জ্যে সিয়েন তুমি পঅ;

ইব্রীয় 6:12

আমি ন-চেই তুমি আল্‌সি অ; আমি চেই, যিগুনে বিশ্বেজ্ আর অমকদ ধৈজ্জ্যলোই গোজেনর্ এগেম্ গোজ্জ্যে আশিদ্‌বাদর্ অধিকারী অন্ তুমি তারা ধোক্ক্যেন অ।

ইব্রীয় 6:15

ইয়েনত্যে অব্রাহামে যেক্কে জদবদে গুরি ধৈজ্জ্য ধুরিলো সেক্কে গোজেনে যিয়েন দিবাত্যে এগেম্ গোজ্জ্যে সিয়েন তে পেলঅ।

যাকোব 5:11

যিগুনে ধৈয্য ধুরিনে সোজ্জ্য গোজ্জ্যন তারারে আমি বর্ পেইয়্যে কোই। তুমি ইয়োবর্ ধৈয্যর্ কধা শুন্ন্য আর প্রভুর কামর শেজ্ ফল যে গম সিয়েন্‌অ দেক্ক্য। প্রভুর দোয়্যে আর মেয়্যের্ শেজ্ নেই।

২ পিতর 1:6

জ্ঞান সমারে নিজোরে দঙানা আর নিজোরে দঙানা সমারে ধৈজ্জ্য, ধৈজ্জ্যর্ সমারে গোজেন উগুরে ভোক্তি,

ফগদাং পেইয়্যে 14:12

যিগুনে গোজেনর্ উগুম পালান্ আর যীশু উগুরে বিশ্বেজি থান্ গোজেনর্ সেই মানুচ্চুনোর এই অবস্থাত্ ধৈজ্জ্যর্ দরকার।