২ থিষলনীকীয় 1:3 - Chakma Bible

³ ভেইলগ্, তমাত্যে নিত্য গোজেনরে ভালেদি জানানা উচিত। তমা বিশ্বেজ্‌চান অমকদ বাড়ের্ আর তমার একজন উগুরে অন্যর্ কোচ্‌পানাগান পেলাং বেঈ পরের্ বিলিনে আমা পক্ষে সেই ভালেদি জানানাগান উচিত।

২ থিষলনীকীয় 1:3 Iomraidhean Croise

ইয়োব 17:9

মাত্তর্‌ খাটি মানুচ্চুনে তারার্‌ পধেদি উজেই যেবাক্‌, আর যিগুনো আঢ্‌তানি সিজি তারা দিনে দিনে বোলি অবাক্‌।

গীতসংহিতা 84:7

যেবার পদত্ তারা বল উগুরে বল্ পান; তারা পত্তিজনে সিয়োনত্ গোজেনর মুজুঙোত্ আজিল্ অন।

গীতসংহিতা 92:13

আমা গোজেন লগেপ্রভুর ঘরত্ যিগুনোর লাগা ওইয়্যে তারা তা উদোনত্ দাঙর্ অবাক্।

গম্ উপদেজ্ 4:18

গোজেন ভক্তগুনোর্ পথ্‌তানি বেন্যেমাদান্ বেল পহ্‍‍র ধোক্ক্যেন্, যিবে দিবুজ্যে ন-অনা সং জোল্ জোল্যেত্তুন্ আরঅ জোল্ জোল্যে ওই থায়।

লূকে লেখ্যে গম্ হবর্ 15:32

হুজি ওইনে আমার্ ফুত্তি গরানা উচিত, কিয়া তর্ এ ভেইবো‌ মুরি যেয়্যে আরঅ জেঈ উত্ত্যে; আঝি যেয়্যে আরঅ তারে পাহ্-যেয়্যে।’ ”

লূকে লেখ্যে গম্ হবর্ 17:5

সেই বারজন দিপাধেয়্যেগুনে প্রভুরে কলাক্, “আমা বিশ্বেজচান্ বাড়েই দে।”

যোহন 15:2

মর্ যিদুক্কুন্ ডেলাত্ গুলো ন-ধরন্ সিগুন তে কাবি ফেলায়, আর যিদুক্কুন্ ডেলাত্ গুলো ধরন্ সিগুন তে ছাজিনে সাব্ গরে যেন আরঅ ভালোক্কুন্ গুলো ধুরি পারন্।

রোমীয় 1:8

পত্তমে মুই যীশু খ্রীষ্টর্ মাধ্যমে তমা বেক্কুনোত্যে মর্ গোজেনরে ভালেদি জানাঙর্, কিত্যে তমা বিশ্বেজর্ কধানি গোদা দুনিয়েগানত্ ছিদি পোজ্জ্যে।

১ করিন্হীয় 1:4

মুই নিত্য তমাত্তে মঅ গোজেনরে ভালেদি জানাং, কিয়া খ্রীষ্ট যীশু সমারে মিজেনেই তুমি গোজেনর্ দোয়্যে পেইয়ো।

২ করিন্হীয় 10:15

সিয়েনবাদে অন্যগুনোর্ কামানিলোইয়ো আমি দেমাগ্ ন-গুরির্-যুনি গুরিদোং সালে সিয়েন দুযির্ বারেদি যেদঅ। আমি এ আজাগান্ গুরির্ যে, তমার্ বিশ্বেজ্ বাড়ানার্ লগে লগে আমি তমা ভিদিরে আরঅ বোউত্ কাম্ গুরি পারিবোং।

ইফিষীয় 5:20

আমিঝে বেক্কানিত্যে আমা প্রভু যীশু খ্রীষ্টর্ নাঙে বাবা গোজেনরে ভালেদি জানঅ।

ফিলিপীয় 1:7

তমা বেক্কুনো পৌইদ্যেনে মর্ মনভাব এবাবোত্যে অনা উচিত, কিয়া তুমি মর্ কোচ্‌‌পেইয়্যে। মুই জেলোত্ থেলেয়ো গম হবরর্ পক্ষে থেইনে সিয়েনর্ সত্যগান প্রমাণ গরং, সেক্কে তুমি বেক্কুনে মঅ লগে গোজেনর্ দোয়্যের্ ভাগী।

ফিলিপীয় 1:9

মুই তবনা গরং তমার কোচ্‌পানা যেন জ্ঞান আর বিচের-বুদ্ধিলোই এগত্তর্ ওইনে বাড়ানাত্ থায়।

১ থিষলনীকীয় 3:12

প্রভু গোরোক্, আমি যেধোক্ক্যেন তমারে কোচ্‌পেই ঠিগ্ সেধোক্ক্যেন গুরিনে তমার্‌অ একজন আরেকজনরে, এমন কি, বেক্কুনো উগুরে কোচ্‌পানা যেন থায়।

১ থিষলনীকীয় 3:6

ইক্কিনে তীমথিয় তমাত্তুন্ আমা ইধু ফিরি এইনে তমার কোচ্‌পানা আর বিশ্বেজ্ পৌইদ্যেনে গম হবরান্ দিয়্যে। তে কোইয়্যেদে, কোচ্‌পানার মনভাব্‌পোই তুমি নিত্য আমারে ইদোত্ তুলি থাগঅ, আর আমি যেধোক্ক্যেন তমারে চেবাত্যে চের্ সেধোক্ক্যেন তুমিয়ো আমারে চেবাত্যে চর্।

১ থিষলনীকীয় 3:9

তমাত্যে গোজেন মুজুঙোত্ আমার যে হুজী, সিয়েনর্ বদলে কেধোক্ক্যেন গুরিনে যে তারে তমাত্যে ভালেদি জানেম সিয়েন আমি কোই ন-পারিই।

১ থিষলনীকীয় 4:1

আরঅ কং ভেইলগ্, গোজেনরে হুজি গুরিবাত্যে কেধোক্ক্যেন গুরি চলানা উচিত সেই শিক্ষ্যেগান্ দঅ তুমি আমাত্তুন্ পেইয়ো, আর ঘেচ্চ্যেকগুরি তুমি সেবাবোত্যে গুরি চলর্। তো প্রভু যীশুর্ ওইনে আমি তমারে কোজোলি গুরির্ আর উপদেচ্‌ দিত্তে যেন তুমি আরঅ বেশ্ গুরিনে সেবাবোত্যেগুরি চলঅ।

২ থিষলনীকীয় 2:1

ভেইলগ্, আমা প্রভু যীশু খ্রীষ্ট এবঅ আর আমারে একসমারে এগত্তর্ গুরিনে তার্ নিজো ইধু নেযেব। এ পৌইদ্যেনে আমি তমারে এ কোজোলীগান গুরির্-

২ থিষলনীকীয় 2:13

প্রভুর্ কোচ্‌পেইয়্যে মঅ ভেই-বোনলগ্, তমাত্যে নিত্য গোজেনরে আমার ভালেদি জানানা উচিত, কিয়া পাপত্তুন্ উদ্ধোর পেবাত্যে গোজেনে পৌইল্যাত্তুন ধুরি তমারে বেঈ লোইয়্যে। পবিত্র আত্মালোই গোজেনত্যে তমারে ফারগ্ গুরি থনার্ মাধ্যমে আর গম্ হবরর্ সত্যগান তমার বিশ্বেজর্ মাধ্যমে তুমি পাপত্তুন্ উদ্ধোর্ পেইয়ো।

১ পিতর 1:22

ইক্কিনে সত্যগানরে মানি লোইনে তুমি তমার মনানরে সিজি গোজ্জ্য, আর সেনত্যে বিশ্বেজি ভেইয়ুনে তমা ইধু এদক্ পরাণর্। সেনত্যে কঙত্তে, তুমি একজন আরেকজনরে মনে-পরাণে গভীন্ গুরিনে কোচ্‌পেইয়ো।

২ পিতর 1:13

মাত্তর্ মুই মনে গরং, যেদক দিন মুই এ তাম্বুলো ধোক্ক্যেন কয়েক দিনোত্যে বাঁজি থেম্ সেদক দিন এ বেপারানি ইদোত্ তুলি দিইনে তমারে জাগেই রাগানা মর্ উচিত্;

২ পিতর 3:18

তুমি আমার প্রভু আর উদ্ধোর্ গুরিয়্যে যীশু খ্রীষ্টর্ দোয়্যেই আর তা পৌইদ্যেনে জ্ঞানে বাড়ি উদোনাত্ থাগঅ। ইক্কিনে আর উমর সং তারই বাঈনী ওক্‌। আমেন।