২ শমূয়েল 9:11 - Chakma Bible

¹¹ এ কধাগান শুনিনে সীবঃ রাজারে কলঅ, “মঅ গিরোজ্‌সো মহারাজ তা চাগর্‌বোরে যিয়েনি গুরিবাত্তে কবঅ তে সিয়েনিই গুরিবো।” মফীবোশতে ইয়েনর্ পরেত্তুন্‌ ধুরি রাজার এক্কো পূঅ ধোক্ক্যেন্‌ রাজার টেবিলোত্‌ হানা-দানা গরা ধুরিলো।

২ শমূয়েল 9:11 Iomraidhean Croise

২ শমূয়েল 15:15

রাজার কামগুরিয়্যেগুনে তারে কলাক্, “আমা গিরোজ্‌ মহারাজর যিয়েন অাওজ্ আমি সিয়েনই গুরিবাত্তে যুক্কোল্‌ আগিই।”

২ শমূয়েল 19:17

তা লগে এলাক্‌ বিন্যামীন-গুট্টির এক আজার মানুচ্‌ আর শৌল গিরির্ চাগর সীবঃ আর তার পন্দরজন পূঅ আর কুড়িজন চাগর্। রাজা যর্দন গাঙান্‌ পার অবার্‌ আগেন্দি তারা যাদিমাদি গুরিনে যর্দন গাঙর্‌ ইদু যেইনে লুমিলাক্।

২ শমূয়েল 19:24

এ পরেন্দি শৌল নাদিন্ মফীবোশতে রাজার লগে দেগা গুরিবাত্তে এলঅ। রাজা যেবার পরেত্তুন্‌ ধুরি তার গমেডালে ফিরি এজানার দিন্নো সং তে নিজো টেঙানি যত্তন্‌ ন-গরে, দাড়িগানি নঅ-কাবে আর কাবড়-চুগোরানিয়ো নঅ-ধয়।

২ শমূয়েল 19:26

তে কলঅ, “মঅ গিরোজ্‌ মহারাজ, তঅ চাগর্‌ মুই আদুর্‌, সেনত্তেই কোইয়োঙে, ‘মঅ গাধাবো উগুরে গদি চাবিনে মুই তা উগুরে উদিনে রাজা লগে যেম্‌।’ মাত্তর্‌ মঅ চাগর্‌ সীবঃ মঅ লগে বেইমানি গোজ্যে।

২ শমূয়েল 9:10

তুই, তঅ পূঅগুনে আর তঅ চাগরুনে তা ভূইয়ান চাষ গুরিনে ফসল তুলিবা যেনে তমা গিরোজ্‌সোর্ নাদিন্নোর হেবার যুক্কোল্ থায়; মাত্তর্‌ তঅ গিরোজর্‌ নাদিন্নো মফীবোশতে নিত্য মঅ টেবিলোত্‌ হানা-দানা গুরিবো।” সীবোর পন্দরবো পূঅ আর কুড়িবো চাগর্‌ এলাক্।

২ শমূয়েল 9:12

মীখা নাঙে মফীবোশতর এক্কো চিগোন্ পূঅ এলঅ; সীবোর ঘরর্‌ বেক্কুনে এলাক্‌ মফীবোশতর্‌ চাগর্‌।

২ শমূয়েল 9:13

রাজার টেবিলোত্‌ হানা-দানা গুরিদো বিলিনে মফীবোশতে যিরূশালেমত্‌ থেদঅ। তার দ্বিয়েন টেঙই অাদুর্।