২ শমূয়েল 9:1 - Chakma Bible

¹ একদিন্যে দায়ূদে পুযোর্‌ গুরিলো, “শৌল গিরিত্তুন্‌ কি কনজনে বাঁজি আগন্‌, যিবেরে মুই কোচ্‌পানা দেগেইনে যোনাথন উগুরে বিশ্বেজ্‌ গুরি পারং।”

২ শমূয়েল 9:1 Iomraidhean Croise

২ শমূয়েল 1:26

হায় যোনাথন, মঅ ভেইবো! তত্যেই মর্‌ অমকদ দুঃখো। মইদু তুই কত্তমান কোচ্‌‌পেইয়্যে; মত্তে তর্‌ কোচ্‌পানা এলঅ মিলেগুনোত্তুন্‌‌অ বেশ্ কোচ্‌পানাগান অমকদ এলঅ।

২ শমূয়েল 21:7

শৌলর নাদিন্নোরে, অত্তাৎ যোনাথনর্ পূঅ মফীবোশতরে রাজা বাঁজেই রাগেল, কিত্যে শৌলর পূঅ যোনাথনর ইদু দায়ূদে লগেপ্রভুরে সাক্ষী রাগেইনে এক্কান্ শমক্‌ গোজ্যে।

২ শমূয়েল 9:7

দায়ূদে তারে কলঅ, “তুই ন-দোরেচ্‌। মুই তরে কোচ্‌পানা দেগেইনে তঅ বাপ্‌পো যোনাথন উগুরে হামাক্কায় বিশ্বেজ্ গুরিম। তর্‌ আজুবো শৌলর বেক্‌ জাগা-জোমিগানি মুই তরে ফিরেই দিম, আর তুই আমিঝে মঅ টেবিলোত্‌ বোইনে হানা-দানা গুরিবে।”

১ রাজাবলী 2:7

মাত্তর্‌ গিলিয়দর বর্সিল্লয়র পূঅগুনো উগুরে বিশ্বেজ্ গোজ্য। তর্‌ টেবিলোত্‌ যিগুনে তর্‌ লগে হানা-দানা গরন্‌ তারা ভিদিরে তুই তারারেয়ো জাগা দিস্‌। তর্‌ ভেই অবশালোমর্ ইত্তুন্‌ ধেই যেবার অক্তত্‌ তারা মর্‌ কায় এইনে থিয়্যেইয়োন।

গম্ উপদেজ্ 27:10

নিজোর বা বাবঅ সমাজ্যেবোরে ছাড়ি ন-দুয়ো; দজাত্ পড়িলে ভেইয়ো ঘরত্ ন-যেয়ো; দূরোত্ থেইয়্যে ভেইয়োত্তুন্ কায়-কুরে পাড়াল্যেগুন্ গম্।

মথি লেখ্যে গম্ হবর্ 10:42

যে কনজনে এই সামান্য মানুচ্চুনো ভিদিরে একজনরে মর্ শিচ্চ্য বিলিনে এক জগ ঠান্ডা পানি দে, মুই তমারে ঘেচ্চেকগুরি কঙর্, তে কনমতে তা বক্‌শিজ্‌চান্ ন-আরেব।”

মথি লেখ্যে গম্ হবর্ 25:40

ইয়েনর্ জোবত্ রাজা সেক্কে তারারে কবঅ, মুই তমারে ঘেচ্চেকগুরি কঙর্, মর্ এই ভেইয়ুনো ভিদিরে সামান্য কনঅ একজনত্তে যেক্কে সিয়েন্ গোজ্য সেক্কে মত্তেই সিয়েন্ গোজ্য।

মার্ক 9:41

মুই তমারে ঘেচ্চেক্‌‌‍গুরি কঙর্, তুমি মশীহর্ মানুচ্ বিলিনে যে কেঅ তমারে এক জগ পানি হেবাত্তে দে তে কনমতে তা বক্‌‌‍শিজ্‌‌‍চান ন-আরেব।

১ পিতর 3:8

শেজদি কং, তমার বেক্কুনো মনানি যেন একবাবোত্যে অয়। তুমি একজন আরেকজনর্ দুঘে দুঘ্ পঅ, ভেইয়ো ধোক্ক্যেন কোচ্‌‌পানার মনভাব রাগঅ আর দোয়্যেলু আহ্ চিদে অ।

১ শমূয়েল 20:42

যোনাথনে দায়ূদোরে কলঅ, “তুই নিচিদেগুরি আদিচ্‌, কিত্যে আমি লগেপ্রভুর নাঙে একজন আরেকজন ইদু শমক্‌ গুরিনে কোইয়্যেই, ‘লগেপ্রভু তর্‌ আর মঅ ভিদিরে আর তর্‌ আহ্‌ মর্‌ বংশধরুনো ভিদিরে জিংকানিবর্‌ সাক্ষী থেবঅ।’ ” ইয়েনর পরেন্দি দায়ূদে বিদায় নেযেল আর যোনাথনে শঅরত্‌ যেইনে ফিরি গেলঅ।