২ শমূয়েল 8:2 - Chakma Bible

² দায়ূদে মোয়াবীয়গুনোরেয়ো ওদেই দিলো। তে মোয়াবীয়গুনোরে মাদিত্‌ কায়-কুই গুরি পোড়েইনে এক ডাগেত্তুন ধুরি অন্য ডাগর্ থুম্ সং দুড়িলোই মাবিলো। পত্তমে দ্বিয়েন দুড়িলোই মাপ্যে মানুচ্চুনোরে মারে ফেলা অলঅ আর সে পরেন্দি এক্কান দুড়িলোই মাপ্যে মানুচ্চুনোরে বাঁজেই রাগা অলঅ। ইয়েনর্ পরেন্দি মোয়াবীয়গুনে দায়ূদো অধীন ওইনে তারে হাজানা দিয়্যে ধুরিলাক্।

২ শমূয়েল 8:2 Iomraidhean Croise

২ শমূয়েল 12:31

তে শঅরর্‌ মানুচ্চুনোরে নিগিলেই আনিলো আর আরা, লুয়োর্‌ খন্দা আর কুড়োল্‌লোই তারারে কাম্ বাজেই দিলো। তে তারারে ইট বানাইদে কামত্‌ লাগেল। অম্মোনীয়গুনোর বেক্‌ শঅরানিত্‌ তে সিয়েনি গুরিলো। ইয়েনর্ পরেন্দি দায়ূদে তার্‌ বেক্‌ সৈন্যদলুন লোইনে যিরূশালেমত্‌ ফিরি গেলঅ।

২ শমূয়েল 8:6

দায়ূদে অরাম রেজ্যর্‌ দম্মেশকত্‌ তার সৈন্যদলুন্‌ রাগেল। সেক্কে অরামীয়গুনে তা অধীনোত্‌ তারে খাজানা দিয়্যে ধুরিলাক্। এধোক্ক্যেনগুরি দায়ূদে যে কনঅ জাগাত্‌ গেলে লগেপ্রভু সিয়োদোই তারে জিদেই দিদো।

১ রাজাবলী 4:21

ইউফ্রেটিস গাঙত্তুন্‌ আরাম্ভ গুরিনে মিসর আর পলেষ্টীয়গুনোর দেজর্‌ ধুজি সং বেক্‌ রেজ্যগানি শলোমনর্ শাজন্ অধীনোত্‌ এলঅ। শলোমনে যেদকদিন বাঁজি এলঅ সেদকদিন এ দেজ্‌ছানি তারে চান্দা দিদো আর তা অধীনোত্‌ এলঅ।

২ রাজাবলী 1:1

আহাবর মরাণার পরেন্দি মোয়াব দেজছানে ইস্রায়েল বিরুদ্ধে উরুং তুলিলো।

২ রাজাবলী 17:3

আসিরিয়ার রাজা শল্‌মনেষর হোশেয়রে আক্রমণ গুরিবাত্তে এলঅ। সে কারনে হোশেয় শল্‌মনেষরর তলে-রাজা অলঅ আর তারে কর্‌ দিয়্যে ধুরিলো।

১ বংশধর 18:2

দায়ূদে মোয়াবীয়গুনোরেয়ো ওদেই দিলো। তারা দায়ূদো অধীন ওইনে তারে খাজানা দিয়া ধুরিলাক্।

২ বংশধর 26:8

অম্মোনীয়গুনে উষিয়রে হাজানা দিদাক্‌। তে অমকদ দরমর ওইনে উঠ্যে বিলিনে মিসর দুযি সং তার্‌ সুনাঙ্ ছিদি পড়িলো।

গীতসংহিতা 108:9

মোয়াবপান মর্ টেঙ্ ধবার জাগা; মুই ইদোম উগুরে মঅ টেঙর্ জদাগানি মেলা মারিম, আর পলেষ্টীয়া উগুরে জিদেনার কধা কোম।”

গীতসংহিতা 18:45

তারা আজা নেইয়্যে ওইয়োন্; তারা গির্‌গিরেদে গির্‌গিরেদে ঘরত্তুন্ নিগিলোন্।

গীতসংহিতা 60:10

ও গোজেন, তুই কি আমারে বাদ ন-দুয়োচ্? আমা সৈন্যগুনো সমারে তুই দঅ আর্ ন-যাচ্।

গীতসংহিতা 60:8

মোয়াবপান মর্ টেং ধবার পিলে; মুই ইদোম উগুরে মর্ ঠেঙর্ জদানি ফেলেম; আর পলেষ্টীয়া, মত্তেই তুই রঅ ছাড়ি উঠ্।”

গীতসংহিতা 83:6

তাম্বুল্লোই থেইয়্যে ইদোমীয়গুনে, ইশ্ময়েলীয়গুনে, মোয়াবীয়গুনে আর হাগারীয়গুনে,

যিশাইয় 36:16

তুমি হিষ্কিয়োর কধা ন-শুন্ন্য। আসিরিয়ার রাজা কোইয়্যেদে, তুমি মঅ লগে মিলো আর নিগিলিনে মইদু এজঅ। সালে তুমি পত্তিজনে তার নিজোর্ আংগুর আর ডোমোর্ গাজত্তুন্ ফল আর নিজোর কূয়োত্তুন্ পানি হেই পারিবা।

গণাণা 24:17

‘ইক্কিনে ন-অলেয়ো মুই তারে দেগঙর্, যুনিয়ো তে কোয়-কুরে নয় তো তা উগুরে মর্‌ চোগ্‌ পোজ্যে। এক্কো তারা উদিবো যাকোবর্‌ বংশত্‌, এক্কো রাজদন্ড উদিবো ইস্রায়েলর মোধ্যেত্তুন। মোয়াবীয়গুনোর্‌ আর শেথর পুয়োগুনোর্‌ মাঢাগুন তে গুড়ি গুরি দিবো।

১ শমূয়েল 10:27

মাত্তর্‌ কয়েক্কো বাজে মান্‌জে কলাক্, “এই মানুচ্চো কেধোক্ক্যেনগুরি আমারে রোক্ষ্যে গুরিবো?” তারা তারে ঈচ্ গুরিলাক আর কনঅ বক্‌শিজ্ ন-দিলাক্। মাত্তর্‌ শৌলে মুয়োন বন্ধ গুরি রলঅ।

১ শমূয়েল 14:47

শৌল ইস্রায়েলীয়গুনোর রাজা অনার পরেন্দি দেজর্‌ চেরোকিত্তে বেক্‌ শত্রুগুনো সমারে, অত্তাৎ মোয়াবীয়, অম্মোনীয়, ইদোমীয়, সোবার রাজাগুনো সমারে আর পলেষ্টীয়গুনো সমারে যুদ্ধো গোজ্যে। তে যিন্দি যেদঅ সিন্দি অমহদ ক্ষোতি গুরিদো।

১ শমূয়েল 22:3

পরেন্দি তে সিয়োত্তুন মোয়াব দেজর মিস্পী আদামত্‌ গেলঅ। তে মোয়াবর রাজাবোরে কলঅ, “মঅ পৌইদ্যেনে গোজেনর আওজ্‌‌চান্ কি যেদকদিন সং মুই জানি ন-পারং সেদকদিন সং দোয়্যে গুরিনে মঅ মা-বাবরে তইদু রাগা।”

১ শমূয়েল 22:4

সে পরেন্দি তে তা মা-বাবরে আনিনে মোয়াবর রাজা ইদু রাগেল। যেদকদিন সং দায়ূদে পৌল্যে থাইদ্যে জাগানত্ রলঅ সেদকদিন সং তারা মোয়াবর রাজা ইদু থেলাক্।