২ শমূয়েল 7:9 - Chakma Bible

⁹ তুই যেদক্কানি জাগাত্‌ যেইয়োচ্‌ মুইয়ো সিদু তঅ লগে যেইয়োং আর তঅ মুজুঙোত্তুন্‌ তর্‌ বেক্‌ শত্রুগুনোরে শেজ্‌ গুরি দুয়োং। মুই তঅ নাঙান্‌ পিত্তিমীর্ নাঙ্‌গিন্যে মানুচ্চুনোর নাঙানি ধোক্ক্যেন্‌ নাঙ্ তাই পাড়া গুরিম্।

২ শমূয়েল 7:9 Iomraidhean Croise

পত্থম 12:2

তরে দিইনে মুই এক্কো দাঙর্‌ জাদ্ বানেই দিম্‌। মুই তরে বর্‌ দিম্‌ আর এবাবোত্তে গুরিম্‌ যেনে তর গম্‌ হবরান চেরোকিত্তে ছিদি পড়ে আর তঅ মাধ্যমে যেনে মান্‌জ্যে বর্ পান।

২ শমূয়েল 22:1

লগেপ্রভু যেক্কে দায়ূদোরে শৌল আর তার অন্য শত্রুগুনোর্‌ আঢত্তুন্‌ উদ্ধোর্ গুরিলো সেক্কে তে লগেপ্রভুর নাঙে এ গান্নো গেইয়্যে:

২ শমূয়েল 22:30

তর্‌ বল্লোই মুই সৈন্যদলুনো উগুরে ঝাবেই পড়ি পারং, আর মঅ গোজেনর্‌ বলে লাফ্ দিইনে দেবাল্‌ পার্ ওই পারং।

২ শমূয়েল 22:43

পিত্তিমীর্ ধূল্যে ধোক্ক্যেন্ তারারে গুড়ি গোজ্যং; পধর্ মাদি-ফুদো ধোক্ক্যেন্‌ টেঙগোই মাড়িনে মুই তারারে নিগুজ্ গোজ্যং।

২ শমূয়েল 23:1

যিশয়র পূঅ দায়ূদোর শেজ্‌ কধাগান ইয়েন: “যিবেরে তুলি ধরা ওইয়্যে, যাকোবর্ গোজেনে যিবেরে অভিষেগ্ গোজ্যে, যিবে ইস্রায়েলর ভিদিরে দোল্‌ গানগেইয়্যে, তে কোইয়্যেদে,

২ শমূয়েল 5:10

তে দেক্কে দেক্কে আরঅ দরমর ওই উদিলো, কিত্যে বেগত্তুন্‌ খেমতাবান লগেপ্রভু তা লগে এলঅ।

২ শমূয়েল 8:13

দায়ূদ নুন্‌-কলগত্‌ আদার আজার অরামীয়রে মারে ফেলেইনে ফিরি এজানার পরেন্দি চেরোকিত্তে তার নাঙান্ ছিদি পড়িলো।

২ শমূয়েল 8:14

ইদোম দেজর্‌ বেক্‌ জাগানিত্‌ তে নিজো সৈন্যদলুন রাগেল আর সেক্কে ইদোমীয়গুনে তা অধীনোত্‌ অলাক্। দায়ূদে যে কনঅ জাগাত্‌ গেলে লগেপ্রভু সিয়োদোই তারে জিদেই দিদো।

২ শমূয়েল 8:6

দায়ূদে অরাম রেজ্যর্‌ দম্মেশকত্‌ তার সৈন্যদলুন্‌ রাগেল। সেক্কে অরামীয়গুনে তা অধীনোত্‌ তারে খাজানা দিয়্যে ধুরিলাক্। এধোক্ক্যেনগুরি দায়ূদে যে কনঅ জাগাত্‌ গেলে লগেপ্রভু সিয়োদোই তারে জিদেই দিদো।

১ বংশধর 17:8

তুই যেদক্কানি চাগালাত্‌ যেয়োচ্‌ মুয়ো সিদু তঅ সমারে যেয়োং আর তঅ মুজুঙোত্তুন্‌ তর্ বেক্‌ শত্রুগুনোরে শেজ্‌ গুরি দুয়োং। মুই তঅ নাঙান্‌ পিত্‌থিমীর নাঙ্‌গোজ্যে মানুচ্চুনো নাঙানি ধোক্ক্যেন ইদোত্‌ থাই পারা গুরি দিম্‌।

গীতসংহিতা 21:6

তুই তারে জিংকানিবর আশিদ্‌বাদ গোজ্যস্; তর্ এজানার হুজিয়ে তারে হুজি গোজ্যস্।

গীতসংহিতা 89:23

তা মুজুঙোত্ মুই তা বিপক্ষগুনোরে কট্টা গুরি ফেলেম আর যিগুনে তারে ঈচ্ গরন্ তারারে আঘাত গুরিম।

লূকে লেখ্যে গম্ হবর্ 1:52

সিংহাসনত্তুন্ রাজাগুনোরে তে লামেই দিয়্যে, মাত্তর্ সাধারন মানুচ্চুনোরে তুলি ধোজ্যে।

যিহোশূয় 6:27

লগেপ্রভু যিহোশূয়র সমারে রলঅ, আর দেজর বেক্‌ জাগানিত্‌ তার সুনাং ছিদি পড়িলো।

১ শমূয়েল 18:14

লগেপ্রভু সমারে এলঅ বিলিনে তে বেক্কানিত্‌ বুদ্ধির পরিচয় দিইনে সফলতা লাভ গরা ধুরিলো।

১ শমূয়েল 18:30

ইয়েনর্ পরেন্দি পলেষ্টীয়গুনোর সেনাপতিগুনে যুদ্ধো গুরিবাত্তে নিগিলি এজা ধুরিলাক্। যেদকবার্‌ তারা নিগিলি এলাক্ সেদকবারই শৌলর অন্য কামগুরিয়্যেগুনোত্তুন্‌ দায়ূদে বেশ্ বুদ্ধির পরিচয় দিইনে সফলতা লাভ গুরিলো। সেক্কে তার অমকদ সুনাম অলঅ।

১ শমূয়েল 2:8

তে নাদামান্‌জ্যরে ধুল্যেত্তুন তুলে, আর অভাবীরে তুলে ছেইয়োর কুরোত্তুন্। দাঙর্‌ পোজিশন মান্‌জ্যর্ লগে তে তারারে ববাত্তে দে, আর সর্মানর সিংহাসন দে; কিত্যে পিত্‌থিমীর খুদো বেক্কুন লগেপ্রভুরই, তে সিগুনো উগুরে দুনিয়েগানরে থিদেবর্ গোজ্যে।

১ শমূয়েল 31:6

এবাবোত্যেগুরি সেদিন্যে শৌল, তার তিন্নো পূঅ, তার অাত্যের্ বোইয়্যেবো আর তা সমারে মানুচ্চুনে একলগে মুরি গেলাক্।

১ শমূয়েল 5:10

সেক্কে তারা গোজেনর সুন্দুক্কো ইক্রোণ শঅরত্‌ পাধেই দিলাক্। গোজেনর সুন্দুক্কো ইক্রোণত্‌ নেযানার পরেন্দি ইক্রোণর মানুচ্চুনে কিজেক্ ছাড়িনে কলাক্, “আমার আর আমা মানুচ্চুনোরে মারে ফেলেবাত্যেই ইগুনে ইস্রায়েলীয়গুনোর গোজেনর সুন্দুক্কো আমা ইদু আন্যন্।”