২ শমূয়েল 7:8 - Chakma Bible

⁸ ইক্কিনে তুই মঅ চাগর দায়ূদরে কঅ, বেগত্তুন্‌ খেমতাবান লগেপ্রভু এ কধাগান কত্তে, মঅ মানুচ্‌ ইস্রায়েলীয়গুনোর শাজন্‌গুরিয়্যে অবাত্তে মুয়ই তরে এ্যমান চোড়েবার্‌ হলাত্তুন্‌, ভেড়া পালর্‌ পিচ্ছোত্তুন্‌ অান্যং।

২ শমূয়েল 7:8 Iomraidhean Croise

২ শমূয়েল 12:7

সেক্কে নাথনে দায়ূদোরে কলঅ, তুয়ই সেই মানুচ্চো। ইস্রায়েলর্‌ গোজেন লগেপ্রভু এ কধাগান কত্তে, মুয়ই ইস্রায়েল উগুরে তরে রাজপদথ্‌ অভিষেগ্ গোজ্যং আর শৌল আঢত্তুন্‌ তরে রোক্ষে গোজ্যং।

২ শমূয়েল 14:13

মিলেবো কলঅ, সালে তুই গোজেন মানুচ্চুনোর বিরুদ্ধে সেধোক্ক্যেন্ এক্কান কাম গুরিবার মতলব গরর্‌ কিত্তে? মহারাজে যেক্কে এধোক্ক্যেন্ কধা কর্‌ সেক্কে কি তে নিজোরে দুষি ন-গরে? তে দঅ দেজত্তুন্‌ নিগিলে দিয়্যে তা পূঅবোরে ফিরেই ন-আনে।

২ শমূয়েল 23:1

যিশয়র পূঅ দায়ূদোর শেজ্‌ কধাগান ইয়েন: “যিবেরে তুলি ধরা ওইয়্যে, যাকোবর্ গোজেনে যিবেরে অভিষেগ্ গোজ্যে, যিবে ইস্রায়েলর ভিদিরে দোল্‌ গানগেইয়্যে, তে কোইয়্যেদে,

২ শমূয়েল 24:17

যে স্বর্গদূত্তো মানুচ্চুনোরে আঘাত্ গোজ্যে দায়ূদে তারে দেগিনে লগেপ্রভুরে কলঅ, “পাপ আর অন্যেয় মুই গোজ্যং। তারা দঅ ভেড়া ধোক্ক্যেন্‌। তারা কি গোজ্যন্? সেনত্তেই মরে আর মঅ বাব বংশবোরে তুই সাজা দিচ্‌।” দায়ূদে এক্কান ডালিপূজো বানেল।

২ শমূয়েল 5:2

ইয়েনর্ আগেন্দি যেক্কে শৌল আমা রাজা এলঅ সেক্কে যুদ্ধোর্‌ অক্তত্‌ তুয়ই ইস্রায়েলীয়গুনোর সৈন্যগুন পরিচালনা গোজ্যস্‌; আর লগেপ্রভু তরে কোইয়্যেদে যেনে তুয়ই তা মানুচ্চুনোরে, অত্তাৎ ইস্রায়েলীয়গুনোরে দেগাশুনো গুরিবে আর তারার্‌ নেতা অবে।”

২ শমূয়েল 6:21

দায়ূদে মীখলরে কলঅ, “লগেপ্রভুর মুজুঙোত্‌ মুই সিয়েনি গোজ্যং। তে তাহ্ মানুচ্চুনোর উগুরে, অত্তাৎ ইস্রায়েলীয়গুনো উগুরে শাজন্‌গুরিয়্যে ইজেবে নেযেবাত্তে তঅ বাপ্পো বা তা ঘরর্‌ কাররে বেঈ ন-লোইনে মরে বেঈ লোইয়্যে। সেনত্তেই লগেপ্রভুর মজুঙোত্‌ মুই ফুত্তি গুরিম্।

১ রাজাবলী 3:6

জোবত্‌ শলোমনে কলঅ, তর্‌ চাগর্‌বো মঅ বাপ্পোরে তুই বোউত্‌ বিশ্বেজ্ দেগেয়োচ্‌, কিত্যে তে তঅ উগুরে বিশ্বেজি এলঅ আর খাটি আর গম্‌ এলঅ। এচ্চ্যে তার সিংহাসনত্‌ বুজিবাত্তে তুই তারে এক্কো পূঅ দুয়োচ্‌ আর এধোক্ক্যেন্‌গুরি তর্‌ সেই শেজ্‌ ন-ওইয়্যে বিশ্বেজ্ তারে দেগেইনে যর্‌।

১ রাজাবলী 8:16

মঅ মানুচ্‌ ইস্রায়েলীয়গুনোরে মিসরত্তুন্‌ নিগিলেই আনিবার পরেন্দি মুই ইস্রায়েলীয়গুনোর কনঅ গুট্টির শঅর বেঈ ন-নেযাং যিয়েনত্‌ নিজোরে ফগদাং গুরিবাত্তে থেবারজাগা ইজেবে এক্কান ঘর বানা যায়। মাত্তর্‌ মঅ মানুচ্‌ ইস্রায়েলীয়গুনোরে শাজন্ গুরিবাত্তে মুই দায়ূদোরে বেঈ লোইয়োং।

১ বংশধর 17:7

ইক্কিনে তুই মঅ চাগর্‌ দায়ূদোরে কঅ, বেক খেমতার গিরোজ্ লগেপ্রভু এ কধাগান কোইয়্যেদে, মঅ মানুচ্চুনে ইস্রায়েলীয়গুনোর শাজন্‌গুরিয়্যে অবাত্তে মুই তরে য়েমান চোড়েবার্‌ বামত্তুন্‌, ভেড়া ছাগল পাল পিজেন্দিত্তুন্‌ আন্যং।

১ বংশধর 21:17

সেক্কে দায়ূদে গোজেনরে কলঅ, “মানুচ্চুনোরে গুণিবার উগুমান্‌ কি মুই ন-দুয়োং? পাপ মুয়ই গোজ্যং, অন্যেইঅ গোজ্যং। ইগুনে দঅ ভেড়া ছাগল ধোক্ক্যেন, ইগুনে কি গোজ্যন্‌? ও লগেপ্রভু, মঅ গিরোজ্‌, মর্‌ আর মঅ গিরি উগুরে তঅ আঢ্‌তান পোড়োক্‌, মাত্তর্‌ এ ভানা পিড়েগান যেনে আর তঅ মানুচ্চুনো উগুরে ন-থায়।”

আমোষ 7:15

মাত্তর্ লগেপ্রভু মরে ভেড়া পালর দেগাশুনোর্ কামত্তুন্ লোই আনিনে কলঅ, ‘তুই যেইনে মঅ মানুচ্ ইস্রায়েল ইধু ভাববাদী ইজেবে কধা কঅ।’

প্রেরিত্‌ 7:46

দায়ূদে গোজেনর বর্ পেইনে যাকোব গোজেনর থেবার্ ঘরান বানেবাত্যে অনুমতি চেয়্যে;

১ শমূয়েল 10:1

সে পরেন্দি শমূয়েলে এক্কো তেলর শিঝিরি নেযেইনে শৌলর মাদাবো উগুরে তেল ঢালি দিলো। তে তারে গালত্‌ চুমিনে কলঅ, লগেপ্রভু তা মানুচ্চুনো উগুরে তরে নেতা ইজেবে অভিষেগ্ গুরিলো।

১ শমূয়েল 2:8

তে নাদামান্‌জ্যরে ধুল্যেত্তুন তুলে, আর অভাবীরে তুলে ছেইয়োর কুরোত্তুন্। দাঙর্‌ পোজিশন মান্‌জ্যর্ লগে তে তারারে ববাত্তে দে, আর সর্মানর সিংহাসন দে; কিত্যে পিত্‌থিমীর খুদো বেক্কুন লগেপ্রভুরই, তে সিগুনো উগুরে দুনিয়েগানরে থিদেবর্ গোজ্যে।

১ শমূয়েল 9:16

“এযেত্যেকেল্যে এই সময়োত্‌ মুই বিন্যামীন-গুট্টির বামত্‌ এক্কো মান্‌জ্যরে তইদু পাদেম্‌। মর্‌ মানুচ্চুনোর, অত্তাৎ ইস্রায়েলীয়গুনোর নেতা অবাত্তে তুই তারে অভিষেগ্ গুরিবে। পলেষ্টীয়গুনোর আঢত্তুন্‌ তেয়ই মর্‌ মানুচ্চুনোরে উদ্ধোর গুরিবো। মর্‌ মানুচ্চুনোর ইন্দি মুই মনযোগ দুয়োং, কিত্যে তারার কানানিগানি মর্‌ কানত্‌ এইনে লুম্মেগি।”