২ শমূয়েল 7:7 - Chakma Bible

⁷ যিদুক্কুন নেতা উগুরে মুই মঅ মানুচ্‌ ইস্রায়েলীয়গুনোরে পালেবার্‌ ভারান্‌ দুয়োং, নানান্‌ জাগাত্‌ ইস্রায়েলীয়গুনো সমারে ঘুরিবার অক্তত্‌ মুই সে নেতাগুনোরে কাররে ন-কং, কিত্তেই তারা এরস তক্তালোই মল্লাই ঘর ন-বানান্‌।

২ শমূয়েল 7:7 Iomraidhean Croise

২ শমূয়েল 5:2

ইয়েনর্ আগেন্দি যেক্কে শৌল আমা রাজা এলঅ সেক্কে যুদ্ধোর্‌ অক্তত্‌ তুয়ই ইস্রায়েলীয়গুনোর সৈন্যগুন পরিচালনা গোজ্যস্‌; আর লগেপ্রভু তরে কোইয়্যেদে যেনে তুয়ই তা মানুচ্চুনোরে, অত্তাৎ ইস্রায়েলীয়গুনোরে দেগাশুনো গুরিবে আর তারার্‌ নেতা অবে।”

১ বংশধর 11:2

ইয়েন আগেন্দি যেক্কে শৌল রাজা এলঅ সেক্কে যুদ্ধো সময়োত্‌ তুয়ই ইস্রায়েলীয়গুনোর সৈন্য পরিচালনা গুরিদে; আর তর্‌ গোজেন্‌ লগেপ্রভু তরে কোইয়্যেদে যেনে তুয়ই তা মানুচ্চুনোর, অত্তাৎ ইস্রায়েলীয়গুনোরে দেগাশুনো গরচ্‌ আর তারার্‌ নেতা অচ্‌।”

১ বংশধর 17:6

যিদুক্কুন্‌ মান্‌জ্য উগুরে মুই মঅ মানুচ্চুনোরে পালেবার্‌ ভারান্‌ দুয়োং, নানান্‌ জাগাত্‌ ইস্রায়েলীয়গুনো সমারে ঘুরি বেড়েবার্‌ অক্তত্‌ মুই সে নেতাগুনোরে কি কনঅ সময় কোইয়োং, তারা কিত্তেই মত্তে এরস গাজ ঘর্‌ ন-বানান্‌?

যিশাইয় 40:11

তে গরগ ধোক্ক্যেন্ গুরি তা ভেড়া পালুন চোরেব, ভেড়া ছঅগুন্ তে আঢ্‌তোই তুলি নিবো‌ আর করত্ গুরি তারারে বুয়োই নেযেব; ছঅ আগন্ এবাবোত্যে ভেড়িগুনোরে তে লাড়ে লাড়ে গুরি চালেই নেযেব।

যিশাইয় 66:1

লগেপ্রভু কত্তে, “স্বর্গগান মর্ সিংহাসন আর পিত্‌থিমীগান মর্ টেঙ্ থবার জাগা। তুমি মত্তে কুদু ঘর বানেবা? মর্ জিরেবার জাগায়ান কুদু অবঅ?‌

যিরমিয় 23:4

মুই তারা উগুরে এমন পালক্‌কুনোরে নেযেম যিগুনে তারারে দেগাশুনো গুরিবাক্; মর্ ভেড়াগুনে আর ন-দোরেবাক্ বা আগল্ পাগল্ ন-অবাক বা কনবো আযি ন-যেবাক্। মুই লগেপ্রভু এ কধাগান কঙর্‍।”

যিরমিয় 3:15

সে পরেদি মুই তমারে মর্ মনে মন্‌‍‍যক্কাগুরি শাজন্‌গুরিয়্যে দিম; তারা জ্ঞান আহ্ বুদ্ধির সমারে তমারে চালেবাক্।

যিহিষ্কেল 34:15

মুই নিজে মর্ ভেড়াগুন চোরেম্ আর জিরেবার জাগানত্ নেযেম।

যিহিষ্কেল 34:2

ও মান্‌‌‌‌‌‌‌জ্যর পুয়োবো, ইস্রায়েলর পালক্কুনো বিরুদ্ধে তুই ভাববাদী ইজেবে এ কধাগান কঅ, প্রভু লগেপ্রভু কোইয়্যেদে, অভিশাব্ পোড়োক্, ইস্রায়েলর সেই পালক্কুনোর, যিগুনে বানা নিজোর্ দেগাশুনো গরন্! ভেড়াপালর দেগাশুনো গরানা কি পালক্কুনোর্ উজিত্ নয়?

যিহিষ্কেল 34:23

মুই তারা উগুরে এক্কো গরগরে, অত্তাৎ মর্ চাগর্ দায়ূদোরে নেযেম; তে নিজেই তারারে দেগাশুনো গুরিবো আর তারার্ গরগ্ অবঅ।

মীখা 5:4

সেই শাজন্‌গুরিয়্যেবো এইনে লগেপ্রভুর বল্লোই, তার গোজেন লগেপ্রভুর মহিমায় গরগ ধোক্ক্যেন তা মানুচ্চুনোরে চালেব। তারা গমেডালে বজত্তি গুরিবাক্, কিত্যে তে যে দাঙর্ সে কধাগান সেক্কে জগদর্ শেজ্ দুযি সং বেক্কুনে স্বিগের্ গুরিবাক্;

মথি লেখ্যে গম্ হবর্ 2:6

যিহূদা দেজর্ বৈৎলেহম, যিহূদা ভিদিরে তুই কনমতে চিগোন্ নয়, কিয়া তঅ ভিদেরেত্তুনই এমন এক্কো শাজন্‌‌গুরিয়্যে এবঅ যিবে মঅ ইস্রায়েল জাদরে পরিচালনা গুরিবো।”

প্রেরিত্‌ 20:28

তুমি নিজো পৌইদ্যেনে উজিয়ার্ থাগঅ, আর পবিত্র আত্মা যে বিশ্বেজি দলর্ ভারান্ পরিচালগ্ ইজেবে তমা উগুরে দিয়্যে তারা পৌইদ্যেনেয়ো উজিয়ার্ থাগঅ। গরগ্‌কো যেবাবোত্যেগুরি তা ভেড়া পালুনোরে দেগাশুনো গরে ঠিগ্ সেবাবোত্যেগুরি তুমিয়ো গরগ্ ইজেবে গোজেন মন্ডলীর্ দেগাশুনো গরঅ। গোজেনে সেই মন্ডলীবোরে নিজো লো-গান্দোই কিন্যে।

প্রেরিত্‌ 21:28

যেরেদি তারা রঅ ছাড়িনে কুয়ো ধুরিলাক্, ইস্রায়েলীয়গুন, উজেই এজঅ। গোদা পিত্‌থিমীর্ মানুচ্চুনো ইধু আমা জাদ্‌ আর আমা রীতি-সুদোম আহ্ উবোসনা-ঘর বিরুদ্ধে যে মানুচ্চো শিক্ষ্যে দিইনে বেড়ায়, ইবে সেই মানুচ্চো। ইয়েন বাদে তে উবোসনা-ঘরত্ গ্রীক্‌কুনোরে আনিনে এই পবিত্র জাগায়ান্ অপবিত্র গোজ্জ্যে।

দ্বি’লম্বর বিররণ 23:14

তমারে রোক্ষে গুরিবাত্তে আর তমা শত্রুগুনোরে তমা আদত্‌ তুলি দিবাত্তে তমার গোজেন লগেপ্রভু তমার তাম্বুলো ভিদিরে ঘুরি বেড়ায়। সেনত্যে তমার তাম্বুলান পবিত্র অবস্থায় রাগা পুরিবো যেনে তমা ভিদিরে জঘন্য কিজু দেগিনে তে তমা ইন্দিত্তুন্‌ মুয়োন্‌ ফিরেইনে ন-নেযায়।

১ পিতর 5:1

মুই খ্রীষ্টর্ দুঘ্ ভুগোনার সাক্ষী আর খ্রীষ্টর্ যে মহিমা ফগদাং অবঅ সিয়েনর্ ভাগী। সেনত্যে তমা ভিদিরে যিগুনে মন্ডলীর আজল্ নেতা তারারে মুই আর এক্কো আজল্ নেতা ইজেবে এ উপদেচ্‌‌চান দোঙর্-