২ শমূয়েল 7:25 - Chakma Bible

²⁵ ইক্কিনে ও লগেপ্রভু গোজেন, তঅ চাগর্‌ আর তার্‌ বংশর্‌ পৌইদ্যেনে তুই যে এগেম্ গোজ্যস্‌ সিয়েন জিংকানিবর্‌ রোক্ষ্যে গর্‌। তর্‌ এগেম্ মজিম সিয়েন গর্‌।

২ শমূয়েল 7:25 Iomraidhean Croise

পত্থম 32:12

মাত্তর্‌ তুই দঅ কোইয়োচ্‌, মুই হামাক্কায়্‌ তরে ভালেদ্ গুরিম আর তঅ বংশর্‌ মানুচ্চুনোরে সাগর পার ধুল্যেচর ধোক্ক্যেন গুরিম্‌ যিগুন্‌ গুণিনে শেজ্ গরা ন-যায়।

২ শমূয়েল 7:24

তর্‌ মানুচ্‌ ইস্রায়েলীয়গুনোরে তুই নিজোর নাঙে জিংকানিবর্‌ তর্‌ নিজো মানুচ্‌ অবাত্তে থিদেবর্ গোজ্যস্‌, আর তুই, ও লগেপ্রভু, তুই তারার্‌ গোজেন্‌ ওইয়োচ্‌।

২ শমূয়েল 7:26

ইয়োত্ তঅ চাগর্‌ দায়ূদো গুট্টিগুন তঅ মুজুঙোত্‌ থির্ থেবাক্‌ আর জিংকানিবর্‌ তর্‌ বাঈনী অবঅ। সেক্কে মান্‌জ্যে কবাক্, বেগত্তুন্ খেমতাবলা লগেপ্রভু ইস্রায়েলীয়গুনোর গোজেন।

১ রাজাবলী 2:4

সালে লগেপ্রভু যে এগেমান্ মইদু গোজ্যে সিয়েন পুরেই দিবো। সেই এগেমান্ অলঅ, যুনি তর্‌ গুট্টিগুনে বেক্‌ মনান্‌-পরাণান দিইনে বিশ্বেজ্ গুরিনে মর্‌ মুজুঙোত্‌ আদাউদো গুরিবাত্তে উজিয়ার্ গুরিনে জিংকানি কাদায় সালে ইস্রায়েলর সিংহাসনত্‌ বোজেবাত্তে তর্‌ বংশত্‌ মান্‌জ্যর অভাব ন-অবঅ।

১ রাজাবলী 8:26

ও ইস্রায়েলর গোজেন, যে শমক্কান্ তুই তঅ চাগর্‌ মঅ বাপ্পো দায়ূদো ইদু গোজ্যস্‌ সিয়েন ফোলোক্‌।

২ বংশধর 6:17

ও লগেপ্রভু, ইস্রায়েলর গোজেন, যে সমক্কান্‌ তুই তঅ চাগর্‌ দায়ূদো ইদু গোজ্যস্‌ সিয়েন্‌ ফোলোক্‌।

গীতসংহিতা 119:38

তর্ এ চাগরুনো ইদু তুই যে এগেমান্ গোজ্যস্ সিয়েন তুই পুরেই দে, যেনে মুই তরে ভোক্তি গুরি পারং।

গীতসংহিতা 119:49

তর্ এ চাগর্‌বো ইদু তুই যে শমক্তান্ গোজ্যস্ সিয়েন ইদোত্ তুলি চাহ্; সিয়েনিলোই দঅ তুই মরে আজা দুয়োচ্।

যিহিষ্কেল 36:37

সে পরেদি প্রভু লগেপ্রভু মরে কোইয়্যেদে, “মুই আর একবার ইস্রায়েল জাদরে মইধু কোজোলী গুরিবাত্তে কোম্ আর তারার্ কোজোলী মজিম্ মুই ভেড়া পাল ধোক্ক্যেন তারার মানুচ্চুনোরে গুণি ন-পুড়েইয়্যে গুরিম।

১ শমূয়েল 1:23

তার নেক্কো ইল্‌কানা তারে কলদে, “তুই যিয়েন গম্ বিলি মনে গরচ্‌ সিয়েনই গর্‌। পূঅবোরে দুধ ন-এরানা সং তুই ইদু থাক্। লগেপ্রভু যেনে তার মান্যাগান পূরোণ গরে।” সেনত্যেই হান্না ঘরত্ রলঅ আর পূঅবোরে দুধ ন-ছাড়ানা সং দেগাশুনো গরা ধুরিলো।