২ শমূয়েল 7:15 - Chakma Bible

¹⁵ মাত্তর্‌ মঅ কোচ্‌পানাগান মুই কনদিন্‌অ তা উগুরেত্তুন তুলি ন-নেযেম্, যেধোক্ক্যেন গুরি মুই শৌল উগুরেত্তুন তুলি নেযেয়োং আর তঅ পথ্‌তানত্তুন্‌ তারে সোরেই দুয়োং।

২ শমূয়েল 7:15 Iomraidhean Croise

২ শমূয়েল 7:14

মুই ওম্ তা বাপ্‌ আর তে অবঅ মর্‌ পূঅ। যেক্কে তে অন্যেয় গুরিবো সেক্কে অন্য মান্‌জ্যে যেধোক্ক্যেন্ সাজা পান সেধোক্ক্যেন গুরি মুই তারে সাজা দিম্।

২ শমূয়েল 7:16

তর্‌ বংশ আর রেজ্যগান তর্‌ মুজুঙোত্‌ জিংকানিবর্‌ থিদেবর্ থেবঅ। তর্‌ সিংহাসনান্‌ অবঅ জনম্‌ভরা।’”

১ রাজাবলী 11:13

মাত্তর্ রেজ্যর্‌ বেক্কান মুই তাত্তুন কারি ন-নেযেম, মাত্তর্‌ মঅ চাগর্‌ দায়ূদো কধা আর মর্‌ বেঈ নেযেয়্যে যিরূশালেমর কধা মনত্‌ গুরিনে ইক্কো গুট্টি মুই তঅ পূঅবোরে দিম্‌।”

গীতসংহিতা 89:28

উমর সং তা উগুরে মর্ কোচ্‌পানা থেবঅ; তাত্ত্যেই মর্ থিদেবর্ গোজ্যে সুদোমান অদে অদে থেবঅ।

গীতসংহিতা 89:31

যুনি তারা মঅ সুদোমান্ অমান্য গরন আর মঅ উগুমান ন-পালান্,

গীতসংহিতা 89:33

মাত্তর্ মর্ অমকদ কোচ্‌পানা মুই তা উগুরেত্তুন তুলি ন-নেযেম; মঅ বিশ্বেজ্‌ছান মিজে অবাত্তে ন-দিম।

গীতসংহিতা 89:34

মর্ থিদেবর্ গোজ্যে সুদোমান মুই ন-ভাঙিম; মঅ মুয়োনে যিয়েনি কোইয়্যে সিয়েন ন-বোদোলেম্।

গীতসংহিতা 89:49

ও প্রভু, কুদু তর্ সেই পুরোণী অমকদ কোচ্‌পানাগান? তর্ বিশ্বেজত্তে সেই কোচ্‌পানার শমক্তান্ তুই দায়ূদো ইদু গোজ্যস্।

যিশাইয় 37:35

মুই মত্তে আর মঅ চাগর্ দায়ূদোত্তে এ শঅরান্ ঘিরি রাগেনে সিয়েন রোক্ষ্যে গুরিম।’ ”

যিশাইয় 55:3

মঅ কধানি শুন্, মইদু আয়; মঅ কধাগান শুন্ যেন তুমি জেদা থাগঅ। মর্ বিশ্বেজে ভরা কোচ্‌‍‌‌‍‍পানালোই মুই দায়ূদো ইদু যে এগেমান্ গোজ্যং সেই মজিম্ মুই তমাত্তে এক্কান উমরর্ সুদোম্ থিদেবর্ গুরিম।‍

যিশাইয় 9:7

তার শাজন্ খেমতা বাড়ানা আর শান্তির্ থুম্ ন-অবঅ। তে দায়ূদোর সিংহাসন আর তা রেজ্যগান উগুরে রাজাগিরি গুরিবো; তে সেই সময়ত্তুন্ ধুরি উমরত্তে ন্যায়বিচের্ আর সততালোই সিয়েন থিদেবর্ গুরিবো আর সিয়েন থির্ গুরিবো। বেগত্তুন্ খেমতাবলা লগেপ্রভু গভীন্ আওজে ইয়েনি গুরিবো।

১ শমূয়েল 15:23

উল্লোমি গরানা আর যাদু-মন্ত্রর কাম গরানা এক্কুই পাপ; অবাধ্য অনা আর মূত্তি পূজোনা এক্কুই অন্যেয়। তুই লগেপ্রভুর উগুম এলাফেলা গোজ্যস্‌ সেনত্তে তেয়ো তরে রাজা ইজেবে এলাফেলা গোজ্যে।”

১ শমূয়েল 15:26

মাত্তর্‌ শমূয়েলে তারে কলঅ, “মুই তঅ সমারে ন-যেম্‌। তুই লগেপ্রভুর উগুম এলাফেলা গোজ্যচ্‌ সেনত্তেই লগেপ্রভুয়ো তরে ইস্রায়েলীয়গুনোর রাজা ইজেবে এলাফেলা গোজ্যে।”

১ শমূয়েল 15:28

সেক্কে শমূয়েলে তারে কলঅ, “লগেপ্রভু এচ্চ্যে তঅ সিত্তুন্‌ ইস্রায়েলীয়গুনোর রেজ্যগানঅ এবাবোত্যেগুরি কারি নিলো আর তত্তুনো গম্‌ তর্‌ এক্কো দেজর্‌ মান্‌জ্যরে কাম ভারান্ দিলো।

১ শমূয়েল 16:14

সেক্কে লগেপ্রভুর আত্মাগান শৌলরে ছাড়িনে গেলগোই আর লগেপ্রভুর ইত্তুন্‌ এক্কান ভান্ন্যেই আত্মা এইনে তারে অমহদ দর্‌‌বুগ্ লাগা ধুরিলো।

১ শমূয়েল 19:24

তে তার পোজাক্কান্‌ খুলি ফেলেইনে শমূয়েলর মুজুঙোত্‌ ভাববাদী ইজেবে গোজেনর কধা কুয়ো ধুরিলো। তে পুরো দিন্নো আর পুরো রেত্তো কাবড়-চুগোর নেইয়্যে গুরি পড়ি রলঅ। সেনত্যেই মান্‌জ্যে কন্‌, “শৌলেয়ো কি সালে ভাববাদীগুনো ভিদিরে এক্কো?”