২ শমূয়েল 7:14 - Chakma Bible

¹⁴ মুই ওম্ তা বাপ্‌ আর তে অবঅ মর্‌ পূঅ। যেক্কে তে অন্যেয় গুরিবো সেক্কে অন্য মান্‌জ্যে যেধোক্ক্যেন্ সাজা পান সেধোক্ক্যেন গুরি মুই তারে সাজা দিম্।

২ শমূয়েল 7:14 Iomraidhean Croise

১ রাজাবলী 11:34

তো মুই শলোমনর্ আঢত্তুন্‌ পুরো রেজ্যগান্‌ ন-নেযেম্‌। মঅ চাগর্‌ দায়ূদ, যিবেরে মুই বেঈ লোইয়োং আর যে মঅ উগুমানি আর সুদোমানি পালেদ তাত্তেই মুই শলোমনরে সারা জিংকানিভর্‌ রাজপদথ্‌ রাগেম্‌।

১ রাজাবলী 9:6

“মাত্তর্‌ যুনি তুমি বা তমা পূঅ-ঝিগুনে মত্তুন্‌ ফিরি যগোই আর তমাইদু দিয়্যে মর্‌ উঘুম্‌ আর সুদোমানি ন-পালেইনে দেব-দেবেদাগুনোরে সেবা আর পূজো গরঅ,

১ বংশধর 17:13

মুই ওম্‌ তা বাপ্‌ আর তে অবঅ মর্‌ পুয়ো। মর্‌ কোচ্‌পানাগান মুই কনদিনঅ তা উগুরেত্তুন্‌ তুলি ন-নেযেম্‌, যেধোক্ক্যেন গুরি মুই তুলি নেযেয়োং তঅ আগেন্দি যে এলঅ তা উগুরেত্তুন্‌।

১ বংশধর 22:10

তে মত্তেই এক্কান্‌ ঘর্‌ বানেব। তে অবঅ মর্ পুয়ো আর মুই ওম্‌ তা বাব্‌। ইস্রায়েল উগুরে তার্‌ রাজাগিরি মুই উমরত্তে থিদেবর্ গুরিম্‌।

১ বংশধর 28:6

তে মরে কোইয়্যেদে, তঅ পুয়োবো শলোমনে সে মানুচ্চো, যে মঅ ঘরান্‌ আর উদোনান্‌ বানেব, মুই তারে মর্‌ পুয়ো অবাত্তে বেঈ লোইয়োং আর মুই তাহ্ বাপ্‌ ওম্‌।

ইয়োব 5:17

বর্‌ পেইয়্যে সেই মানুচ্চো, যিবেরে গোজেনে বুদুলি ফেলায়। সেনত্তেই গোজেনর শাজনানরে ঈচ্ ন-গোজ্য,

গীতসংহিতা 2:7

রাজা কবদে, “লগেপ্রভু যিয়েন ঠিগ্ গোজ্যে মুই সিয়েন ফগদাঙ্ গুরিম; তে মরে কোইয়্যেদে, তুই মঅ পুয়ো, এচ্চ্যে মুই তঅ বাপ্ ওলুং।

যিরমিয় 30:11

মুই তঅ সমারে সমারে আগং আর মুই তরে উদ্ধোর গুরিম। যিদুক্কুন জাদ ভিদিরে মুই তমারে ছিদি রাগেয়োং মুই তারারে পুরোপুরি গুরিনে ভস্ত গুরিম, মাত্তর্ তমারে মুই পুরোপুরি গুরিনে ভস্ত ন-গুরিম। তো এক্কুবারে সাজা ন-দিলেয়ো মুই তমারে ন-ছাড়িম, মাত্তর্ ন্যায়বিচেরলোই মুই তমারে শাজন্ গুরিম।”

মথি লেখ্যে গম্ হবর্ 3:17

সেক্কে স্বর্গত্তুন্ কুয়ো অলঅ, “ইবেয়ই মর্ কোচ্‌পানার্ পুয়ো, ইবে উগুরে মুই অমকদ হুজি।”

১ করিন্হীয় 11:32

মাত্তর্ আমা বিচেরান যেক্কে প্রভু গরে সেক্কে তে আমারে শাসন গরে, যাতে জগদর্ বেক্কুনো সমারে আমারে দুষি বিলিনে থির্ গরা ন-অয়।

২ করিন্হীয় 6:18

ইয়েন বাদে “বেগত্তুন্ খেমতাবলা গোজেনে কয়, ‘মুই তমার্ বাপ্ ওম্ আর তুমি মর্ পুয়ো-ছা অবা ’ ”

দ্বি’লম্বর বিররণ 8:5

এ কধাগান্‌ তমার মনত্‌ বানি রাগেয়ো, বাপ্পো যেধোক্ক্যেন পূঅবোরে শাজন গরে ঠিগ্ সেধোক্ক্যেনগুরি তমার গোজেন লগেপ্রভু তমারে শাজন গুরিবো।

ইব্রীয় 1:5

গোজেনে কনদিন্অ কি কনঅ স্বর্গদূতরে এ কধাগান কোইয়্যে, “তুই মর্ পুয়ো, এচ্চ্যে মুই তর্ বাব্ অলুং”? আরঅ তে কি কোইয়্যে, “মুই ওম্ তার্ বাপ আর তে অবঅ মর্ পুয়ো”?

ফগদাং পেইয়্যে 21:7

যে জিদিবো তে ইয়েনি বেক্কানির অধিকারী অবঅ। মুই তার্ গোজেন ওম্ আর তে মর্ পুয়ো অবঅ।

ফগদাং পেইয়্যে 3:19

মুই যিগুনোরে কোচ্‌পাং সিগুনোরে দুষ্ দেগেই দুয়োং আর শাসন গরং। সেনত্যে এ অবস্থাত্তুন্ মনানি ফিরেবাত্যে আওজি অং।