২ শমূয়েল 7:13 - Chakma Bible

¹³ তর্‌ সে পূঅবোই মঅ গম্ নাঙানত্তে এক্কান ঘর বানেব। তার রাজ-সিংহাসনান্ মুই জিংকানিবর্‌ থিদেবর্ গুরিম।

২ শমূয়েল 7:13 Iomraidhean Croise

পত্থম 49:10

যেদকদিন সং শীলো ন-লুমেগি আর বেক্‌ জাদতুনে তা উগুমানি মানি চলন, সেদক্‌দিন সং দাঙর সাজা-যিহূদা বংশত্‌ থেবঅ; আর তা দ্বিবে আদু সংমোধ্যে থেবঅ বিচের লুদিক্‌।

২ শমূয়েল 22:51

লগেপ্রভু তা রাজাবোরে ভালোক্‌বার্ দাঙর্ জিদেনাগান্ দান গোজ্যে; অয়, তার অভিষেগ্ গোজ্যে মানুচ্চুনো উগুরে, দায়ূদ আর তা গুট্টিগুনো উগুরে, তে জিংকানিবর্‌ তার ন-পুরেইয়্যে কোচ্‌পানা দেগায়।

২ শমূয়েল 7:16

তর্‌ বংশ আর রেজ্যগান তর্‌ মুজুঙোত্‌ জিংকানিবর্‌ থিদেবর্ থেবঅ। তর্‌ সিংহাসনান্‌ অবঅ জনম্‌ভরা।’”

২ শমূয়েল 7:27

“ও বেগত্তুন্‌ খেমতাবলা লগেপ্রভু, ইস্রায়েলীয়গুনোর গোজেন, তুই তঅ চাগর্‌বো ইদু এ পৌইদ্যেনে ফগদাং গুরিনে কোইয়োচ্‌, ‘মুই তত্তে এক্কো বংশ যুক্কোল্ গুরিম।’ সেনত্তেই তইদু এ তবনাগান গুরিবাত্তে তর্‌ এ চাগরবোর্‌ মনত্‌ সাহস ওইয়্যে।

১ রাজাবলী 2:24

যিবে মঅ বাপ দায়ূদোর সিংহাসনত্‌ মরে দরমর গুরিনে থিদেবর্ গুরি দিয়্যে আর তার এগেম্ মজিম্ মত্তে এক্কো রাজবংশ থিদেবর্ গোজ্যে সেই জেদা লগেপ্রভুর নাঙে কঙর্‌, এচ্চ্যে আদোনিয়রে মারে ফেলা অবঅ।”

১ রাজাবলী 2:4

সালে লগেপ্রভু যে এগেমান্ মইদু গোজ্যে সিয়েন পুরেই দিবো। সেই এগেমান্ অলঅ, যুনি তর্‌ গুট্টিগুনে বেক্‌ মনান্‌-পরাণান দিইনে বিশ্বেজ্ গুরিনে মর্‌ মুজুঙোত্‌ আদাউদো গুরিবাত্তে উজিয়ার্ গুরিনে জিংকানি কাদায় সালে ইস্রায়েলর সিংহাসনত্‌ বোজেবাত্তে তর্‌ বংশত্‌ মান্‌জ্যর অভাব ন-অবঅ।

১ রাজাবলী 2:45

মাত্তর্‌ রাজা শলোমন উগুরে আশিদবাদ্‌ থেবঅ, আর দায়ূদোর সিংহাসন লগেপ্রভুর মুজুঙোত্‌ জিংকানিবর্‌ অদে অদে থেবঅ।”

১ রাজাবলী 5:5

সেনত্তে মুই মঅ গোজেন লগেপ্রভুর নাঙে এক্কান তবনা-ঘর বানেবাত্তে চাং। লগেপ্রভু মঅ বাপ্পো দায়ূদোরে কোইয়্যেদে, তর্‌ যে পূঅবো মুই সিংহাসনত্‌ তঅ জাগানত্‌ বোজেম্‌ তেয়ই মর্‌ নাঙে তবনা-ঘর বানেব।

১ রাজাবলী 6:12

“তুই যুনি মঅ উঘুম মজিম আদচ্‌, মর্ বেক্‌ সুদোমানি পালাচ্‌ আর মর্‌ বেক্‌ উঘুমানির বাধ্য অচ্‌ সালে তবনা-ঘরান্‌ তুই বানেয়োচ্‌ সিয়েন পৌইদ্যেনে মুই তঅ বাপ্পো দায়ূদো ইদু যিয়েনি শমক্ হেইয়োচ্ সিয়েনি মুই তঅ মাধ্যমে পুরেই দিম্‌।

১ রাজাবলী 8:13

মুই ইক্কিনে তত্তে এক্কান জদবদে দোল্‌ ঘর বানেয়োং; ইয়েন অবদে তর্‌ উমরর্ থেবার্‌জাগা।”

১ রাজাবলী 8:15

সেক্কে তে কলঅ, ইস্রায়েলর গোজেন লগেপ্রভুর বাঈনী ওক্‌। তে মঅ বাপ্পো দায়ূদো ইদু নিজোর মুয়োন্দি যিয়েনি কোইয়্যে সিয়েনি নিজেই পূরেই দিলো। তে কোইয়্যেদে,

১ রাজাবলী 8:19

মাত্তর্‌ ঘরান্‌ তুই ন-বানেবে, বানেবদে তঅ পুঅবো, যে তর্‌ নিজোর পূঅ। তেয়ই মত্তে সে ঘরান বানেব।

২ রাজাবলী 21:4

লগেপ্রভু যে ঘরান পৌইদ্যেনে কোইয়্যে, “মুই যিরূশালেমত্‌ বজত্তি গুরিম,” লগেপ্রভুর সে ঘরান ভিদিরে তে কয়েক্কো ডালিপূজো বানেল।

২ রাজাবলী 21:7

তে যে আশেরা-খুদোবো চাজিনে বানেয়্যে সিবে নেযেইনে তবনা-ঘরত্‌ রাগেল। এ তবনা-ঘরান পৌইদ্যেনে লগেপ্রভু দায়ূদ আর তা পুয়ো শলোমনরে কোইয়্যে, “এ ঘরান্‌ আর ইস্রায়েলর বেক্‌ গুট্টিগুনো ভিদিরেত্তুন্‌ মর্‌ বেঈ নেযেয়্যে এ যিরূশালেমানরে মুই উমরত্তে মর্‌ বজত্তি জাগা বানেম্‌।

২ রাজাবলী 8:19

তো লগেপ্রভু নিজোর্‌ চাগর্‌ দায়ূদো কধানি মনত্‌ গুরিনে যিহূদারে ভস্ত গুরিবাত্তে ন-চেলঅ, কিত্তে তে দায়ূদ আর তা বংশধরুনোরে জিংকানিবর্‌ এক্কো চেরাগ দিবো বিলিনে শমক্‌ খেইয়্যে।

১ বংশধর 28:10

ইক্কিনে মনযোগী অ, কিয়া তবনা গুরিবাত্তে এক্কান্‌ ঘর্‌ বানেবাত্তে লগেপ্রভু তরে বেঈ লোইয়্যে। তুই বোলী অ আর কাম্‌ গর্‌।”

২ বংশধর 33:4

যে ঘরান পৌইদ্যেনে লগেপ্রভু কোইয়্যে, “মুই জিংকানিবর যিরূশালেমত্‌ বজত্তি গুরিম,” লগেপ্রভুর সে ঘর ভিদিরে তে কয়েক্কো ডালিপূজো বানেল।

২ বংশধর 6:16

ইক্কিনে ও ইস্রায়েলর গোজেন লগেপ্রভু, তঅ চাগর্‌ মঅ বাবা দায়ূদো ইদু তুই যে শমক্তান্‌ গোজ্যচ্‌ সিয়েন্‌ রোক্ষ্যে গর্‌। তুই কোয়োচ্ছে, যুনি তা পুয়োগুনে তা ধোক্ক্যেন গুরিনে তর্‌ রীদি-সুদোম মজিম চলিবাত্তে মনান্‌ দুয়োন্‌ সালে ইস্রায়েলর সিংহাসনত্‌ বুজিবাত্তে তার্‌ বংশত্‌ মান্‌জ্যর অভাব ন-অবঅ।

ইয়োব 36:7

তে নিদ্দুযি মানুচ্চুনোত্তুন্ তা চোগ্‌কুন ফিরেই ন-নেযায়; তে রাজাগুনো সমারে তারারে বোজেই দে আর উমরত্তে তারারে সর্মান গরে।

গীতসংহিতা 72:17

তার সুনাঙান জিংকানিবর থিদেবর্ ওক্; বেলানে যেদকদিন পহর্ দিবো সেদকদিন তার সুনাঙান্ অদে অদে থোক্। তা মাধ্যমে যেন বেক জাদ্‌তুনে আশিদ্‌বাদ পান; তারা তারে ভালেদি জানাদোক্।

গীতসংহিতা 89:21

মর্ বল্ আঢ্‌তান তা সমারে থেবঅ; মঅ আঢ্‌তানে তারে বল্ দান গুরিবো।

গীতসংহিতা 89:29

মুই তা বংশবোরে উমর সং থিদেবর্ গুরিম; যেদকদিন্ আগাজ্‌ছান থেবঅ তা সিংহাসনান্‌অ সেদকদিন থেবঅ।

গীতসংহিতা 89:4

‘তর্ বংশবোরে মুই উমরত্যে থিদেবর্ গুরিম; বংশর পর বংশ ধুরি তর্ সিংহাসনান ঠিগ্ রাগেম।’ ”

যিশাইয় 49:8

লগেপ্রভু কোইয়্যেদে, “দোয়্যে দেগেবার অক্তত্ মুই তমা তবনাগানির জোব্ দিম আর উদ্ধোর্ পেবার দিনোত্ তরে বল্ দিম। মুই তরে রোক্ষ্যে গুরিম আর তঅ মাধ্যমে মানুচ্চুনোত্তে এক্কান সুদোম্ থিদেবর্ গুরিম, যেনে তুই দেজ অবস্থাগান ফিরেই পারচ্ আর খালি পড়ি থেইয়্যে জাগায়ানি আরঅ মানুচ্চুনোর গজগত্ আনি পারচ্।

যিশাইয় 9:6

ইয়েনি বেক্কানি অবঅ, কিত্তে এক্কো পুয়ো আমাত্তে জোর্মেব, এক্কো পুয়ো আমারে দিয়্যে অবঅ। শাজন্‌ গুরিবার ভারান্ তা কানা উগুরে থেবঅ, আর তা নাঙান্ অবঅ অামক্ অবার্ সল্লাদিয়্যে, খেমতাবলা গোজেন, উমরর্ বাপ, শান্তির্ রাজা।

যিশাইয় 9:7

তার শাজন্ খেমতা বাড়ানা আর শান্তির্ থুম্ ন-অবঅ। তে দায়ূদোর সিংহাসন আর তা রেজ্যগান উগুরে রাজাগিরি গুরিবো; তে সেই সময়ত্তুন্ ধুরি উমরত্তে ন্যায়বিচের্ আর সততালোই সিয়েন থিদেবর্ গুরিবো আর সিয়েন থির্ গুরিবো। বেগত্তুন্ খেমতাবলা লগেপ্রভু গভীন্ আওজে ইয়েনি গুরিবো।

যিরমিয় 33:17

ইস্রায়েলর সিংহাসন বোজেবাত্তে দায়ূদোর বংশত্ কনঅ মান্‌জ্যর অভাব ন-অবঅ।‍‍‍‍

যিহিষ্কেল 37:25

যে দেজ্‌‌‌‌চান মুই মঅ চাগর্ যাকোবরে দুয়োং, যে দেজত্ তারার্ পুরোণি মানুচ্চুনে বজত্তি গুরি যেইয়োন সিয়েনত্ তারা বজত্তি গুরিবাক্। তারা, তারার্ পুয়ো-ছাগুনে আর নাদিন্ পুদিনুনে সিয়েনত্ জিংকানিবর্ বজত্তি গুরিবাক্ আর মর্ চাগর্ দায়ূদে উমরত্যে তারার্ রাজা অবঅ।

দানিয়েল 2:44

“সেই বেক রাজাগুনোর অক্তত্ স্বর্গর্ গোজেনে এমন এক্কান রেজ্য থিদেবর্ গুরিবো যিয়েন কনদিন্‌অ ভস্ত ন-অবঅ বা অন্য মান্‌জ্য আঢত্ ন-যেবঅ। সেই রেজ্যগানিয়ে উই বেক্ রেজ্যগানিরে ভস্ত গুরি শেজ্ গুরি দিবো মাত্তর্ সেই রেজ্যগান নিজে উমরত্যে থেবঅ।

সখরিয় 6:12

তারে কঅ, বেগত্তুন্ খেমতাবলা লগেপ্রভু কত্তে, ইবে সেই মানুচ্চো, যিবের্ নাঙান্ চারাগাছ; তে নিজো জাগানত্তুন্ বাড়ি উদিবো আর লগেপ্রভুর ঘর বানেব।

সখরিয় 6:13

অয়, তেয়ই লগেপ্রভুর ঘরান বানেব। তারে রাজার সর্মান দিয়্যে অবঅ আর তে তার্ সিংহাসনানত্ বজিনে শাজন্ গুরিবো। তে এক্কো ধর্মগুরু ইজেবে সিংহাসনত্ বুজিবো আর সেক্কে এই দ্বিয়েন পদথ্ কনঅ অমিল ন-থেবঅ।

মথি লেখ্যে গম্ হবর্ 16:18

মুই তরে কঙর্, তুই পিতর, আর এ পাত্তর উগুরে মুই মর্ মন্ডলীবো গোড়েই তুলিম। নরগর্ কনঅ খেমতা সিবে উগুরে জিদি ন-পারিবো।

ইব্রীয় 3:3

যে মানুচ্চো ঘর্ বানায় তে যেধোক্ক্যেন সেই ঘরানিত্তুন বেশ্ সর্মান পায়, সেই মজিম গোজেনে যীশুরে মোশিত্তুন্ বেশ্ আরঅ বাঈনী পেবার অধিকারী বিলিনে মনে গুরিলো।