২ শমূয়েল 7:10 - Chakma Bible

^10-11 মঅ মানুচ্‌ ইস্রায়েলীয়গুনোত্তে মুই এক্কান জাগা ঠিগ্‌ গুরিনে সিয়েনত্ গাজঅ ধোক্ক্যেন্‌ তারারে বোজেই থোম্, যেনে তারা নিজো জাগাত্‌ গমে ডালে বজত্তি গুরি পারন্ আর মঅ মানুচ্চুনে ইস্রায়েলীয়গুনো উগুরে শাজন্‌গুরিয়্যে নেযানার পরেত্তুন্‌ ধুরি পাজি মানুচ্চুনে তারা উগুরে যে অত্যেচার্‌ গুরি এত্তন্‌ তারা যেনে আর সিয়েনি গুরি ন-পারন। মুই বেক্‌ শত্রুগুনোর আঢত্তুন্‌ তরে মাব্ দিম্‌। “ ‘মুই লগেপ্রভু আরঅ কঙর্‌, মুই নিজেই তর্‌ বংশবোরে অাক্কোই নেযেম্।

২ শমূয়েল 7:10 Iomraidhean Croise

২ রাজাবলী 21:8

ইস্রায়েলীয়গুনে যুনি বানা মর্‌ বেক্‌ উগুমানি গমেডালে পালান্‌ আর মর্‌ চাগর্‌ মোশি তারারে যে রীদি-সুদোমানি দিয়্যে সেধোক্ক্যেন গুরিনে চলন্‌ সালে মুই তারা পূরোণি মানুচ্চুনোরে যে দেজ্‌ছান দুয়োং সে দেজ্‌ছান তারাত্তুন্‌ আর ছাড়া ন-পুরিবো।”

১ বংশধর 17:9

মঅ মানুচ্‌ ইস্রায়েলীয়গুনোত্তে মুই এক্কান্‌ জাগা ঠিগ্‌ গুরি সিয়েনত্‌ গাজঅ ধোক্ক্যেন তারারে বোজেই দিম্‌ যেনে তারা নিজো জাগা-জোমিত্‌ সুগে-শান্দিয়্যে বজত্তি গুরি পারন্‌ আর মঅ মানুচ্‌ ইস্রায়েলীয়গুনো উগুরে শাজন্‌গুরিয়্যে নেযেবার পরেত্তুন্‌ ধুরি বজং মানুচ্চুনে তারা উগুরে যে অত্যেচার্‌ গুরি এত্তন্‌ তারা যেনে আর সিয়েনি গুরি ন-পারন্‌। মুই তর্‌ বেক্‌ শত্রুগুনোরেয়ো দোঙেম্‌। “‘মুই আরঅ কঙর্‌, মুই লগেপ্রভু তঅ বংশবো উগুরে তুলি দিম্‌।

২ বংশধর 33:8

মুই ইস্রায়েলীয়গুনোরে যেদক্কানি উগুম্‌ দুয়োং, অত্তাৎ মোশির মাধ্যমে যেদক্কানি রীদি-সুদোম, সুদোম্‌ আর উগুম্‌ দুয়োং যুনি বানা তারা গমেডালে সিয়েনি পালান্‌ সালে যে দেজ্‌ছান মুই তমা পূরোণি মানুচ্চুনোরে দুয়োং সিয়েনিত্তুন্‌ তারারে আর ধাবেই ন-দিম্‌।”

গীতসংহিতা 44:2

তুই নিজোর আঢে অন্য জাদ্‌‌তুনোরে ধাবেই দিইনে সেই জাগানত্ আমা পুরোণি মানুচ্চুনোরে বোজেয়োচ্; তুই সেই মানুচ্চুনো উগুরে দজা আন্যচ্ আর আমা পুরোণিমানুচ্চুনোরে দাঙর্ অবাত্তে দুয়োচ্।

গীতসংহিতা 44:4

ও গোজেন, তুয়ই মর্ রাজা; যাকোবর জিদেনার বেবস্থাগান তুয়ই গর্।

গীতসংহিতা 80:8

তুই এক্কান আংগুর লুদি ধোক্ক্যেন্ মিসর দেজত্তুন্ আমারে আনিলে; অন্য জাদ্‌তুনোরে ধাবেই দিইনে তুই সিয়েনরে লাগেলে।

গীতসংহিতা 80:9

তুই সিয়েনত্যে ভুই তেল্-তেল্যে গুরিলে; সিয়েনর শিঙোরান মাদিত্ বুজিনে সারা দেজত্ ছিদি গেলঅ।

যাত্রা 1:22

পরেদি ফরৌণে তা মানুচ্চুনো উগুরে এই উগুমান্‌ জারি গুরিলো, “ইব্রীয়গুনো ভিদিরে কনঅ পূয়োর্ জর্ম অলে তুমি তারে নীল গাঙত্‌ ফেলেই দিবা, মাত্তর্‌ মিলেগুনোরে বাঁজেই রাগেবা।”

যাত্রা 15:17

তুয়ই তর্‌ মানেইয়ুনোরে আনিনে চারা ধোক্ক্যেন গুরি লাগেই দিবে তর্‌ নিজোর্‌ মুড়োবোত্‌। ও লগেপ্রভু, তর্‌ নিজোর আত্তোই গোজ্যে সিয়েনই তর্‌ থেবার্‌জাগা; ও প্রভু, তর্‌ নিজো আত্তোই‌ গোজ্যে সিয়েনই‌ সেই সুদ্ধো-সাংগ জাগায়ান্;

যিশাইয় 5:2

তে জাগায়ান্ খুড়িনে বেক্ পাত্তরুন্ তুলি ফেলেল আর সিয়েনত্ লাগেল বেগত্তুন্ গম্ আংগুর লুদি। সিয়েন ভিদিরে বানেল এক্কান অজল্ চুগিদার-ঘর আর আংগুর মাড়িবাত্তে পাত্তর্ কাবিনে ঠিগ্ গুরি নেযেল। সে পরেদি তে সিয়েনত্ গম গম আংগুর ফলত্তে বাজ্জেই থেলঅ, মাত্তর্ সিয়েনত্ ধুরিলাক্ বানা ঝার্ আংগুর।

যিশাইয় 5:7

বেগত্তুন্ খেমতাবলা লগেপ্রভুর আংগুর খেদ্‌তান অলঅ ইস্রায়েল-বংশর মানুচ্চুন্; আর যিহূদার মানুচ্চুন্ অলাক্ তার হুজি অইদ্যে আংগুর-চারা। তে দোল্ বিচের্ তোগেল মাত্তর্ দেগিলোদে লো ঝড়ানা; তে গমান্ তোগেল মাত্তর্ শুনিলোদে দুঘোর্ কানানি।

যিশাইয় 60:18

কনঅ ক্ষতি গুরিবার কধা আর তমা দেজত্ শুনো ন-যেবঅ, তঅ দুযি ভিদিরে শুনো ন-যেবঅ কনঅ ভস্ত বা বিনাশ কধা। তঅ দেবাল নাঙানি অবঅ উদ্ধোর আর তর্ গেট্‌তুনোর নাঙানি অবঅ নাঙ্ গিনেনা।‌‌‌‌‌‌‍‍

যিশাইয় 60:21

সেক্কে তর্ বেক মানুচ্চুনে গম্ অবাক্; তারা উমরত্তে দেজ্‌‌‌চান গজক্ গুরিবাক্।‌‌ তারা মর্ লাগেয়্যে চারা, মর্ আঢ কাম; তারার মাধ্যমে মর্ সয়সাগজ্যে কামানি ফগদাং অবঅ।

যিরমিয় 18:9

আর অন্য কন্ সময় মুই কন্ জাদ্ বা রেজ্যরে গাদেই তুলিম আর থিদেবর্ গুরিবার কধা ফগদাং গুরিলে যুনি তে মঅ চোগেদি ভান্ন্যেই কাম্ গরে আর মঅ কধা ন-শুনে, সালে তাত্তে যে ভালেদি গুরিবার আওজ্ মুই গোজ্যং সিয়েন ন-গুরিম।

যিরমিয় 24:6

মুই তারার ভালেদিত্তে তারা উগুরে খিয়েল্ রাগেম আর এ দেজত্ তারারে ফিরেই আনিম। মুই তারারে গড়েই তুলিম, ভাঙি ন-ফেলেম; মুই তারারে লাগেই দিম, তুলি ন-ফেলেম।

যিহিষ্কেল 28:24

প্রভু লগেপ্রভু আরঅ কোইয়্যেদে, ইস্রায়েল জাদত্তে ব্যথা দিয়্যে কনঅ কাদাগাজ্ বা সূচো কাদা ধোক্ক্যেন ঠাট্টা-মশ্‌‌‌‌‌‌‌‌‌‌‌কারী গুরিয়্যে পাড়াল্যে জাদ্ আর ন-থেবাক্। সেক্কে তারা হবর্ পেবাক্, মুয়ই প্রভু লগেপ্রভু।

হোশেয় 2:18

সেদিন্যে মুই তাত্তে য়েমান, পেগ্ আর বুগেদি আঢি বেড়েয়্যে প্রাণিগুনো লগে মিজেম। মুই দেজত্তুন্ ধনু, লাম্বাছুরি আর যুদ্ধো দূর্ গুরি দিম যেনে বেক্কুনে গমেডালে ঘুম যেই পারন্।

আমোষ 9:15

মুই ইস্রায়েলীয়গুনোরে তারার্ নিজো দেজত্ গাজ ধোক্ক্যেন লাগেই দিম; যে দেজ্‌‌‌‌চান মুই তারারে দুয়োং সিয়েনত্তুন্ আর তারারে কনদিন্‌অ উগুড়েই ফেলা ন-অবঅ।” এ কধাগান তমা গোজেন লগেপ্রভু কত্তে।

ফগদাং পেইয়্যে 21:4

তে তারার্ চোগো পানি পুজি দিবো। মরণ আর ন-অবঅ; দুঘ্, কানানা, আর পীড়ে আর্ ন-থেবঅ, কিয়া আগর্ বেক্কানি থুম্ ওই যেয়্যে।”

বিচের গুরিয়্যেগুন 4:3

যাবীনোর নয়শঅ‌ লুয়োর রথ এলঅ‌ আর তে কুড়ি বজর ধুরিনে ইস্রায়েলীয়গুনো উগুরে অমকদ অত্যেচার গুরি এজের্‌। সেনত্তেই ইস্রায়েলীয়গুনে লগেপ্রভু ইদু বল্‌ পেবাত্তে কানাকুদি গরা ধুরিলাক্‌।

১ শমূয়েল 13:17

পলেষ্টীয়গুনোর তাম্বুলোত্তুন্‌ তিন দল সৈন্য নিগিলি এলাক্। তারাত্তুন্‌ এক দল অফ্রা আদামর পদেন্দি শূয়াল চাগালা ইন্দি গেলাক্।