২ শমূয়েল 6:5 - Chakma Bible

⁵ দায়ূদ আর ইস্রায়েল জাদর্‌ বেক্‌ মানুচ্চুনে লগেপ্রভুর মুজুঙোত্‌ দেবদারু তক্তার বানেয়্যে বেক্‌ যন্ত্রগানি আর সুরবাহার, বীণা, খঞ্জনী, ঝুম্‌ঝুমি আর করতাল বাজেইনে ফুত্তি গত্তন্‌।

২ শমূয়েল 6:5 Iomraidhean Croise

২ রাজাবলী 3:15

ইক্কিনে বেঈ লোইনে এন্‌ ইক্কো মান্‌জ্যরে মইদু আন।” মানুচ্চো যেক্কে বাশি বাজার্‌ সেক্কে লগেপ্রভুর খেমতাগান্‌ ইলীশায়র উগুরে এলঅ।

১ বংশধর 13:8

দায়ূদ আর বেক্‌ ইস্রায়েলীয়গুনে লগেপ্রভুর মুজুঙোত্‌ তারার্‌ বেক্‌ বলান্‌ দিইনে নাজি নাজি গান গেইয়োন্‌ আর সুরবাহার, বীণা, খঞ্জনী, করতাল আর তূরী বাজেয়োন।

১ বংশধর 15:28

এধোক্ক্যেন গুরিনে বেক্‌ ইস্রায়েলীয়গুনে রঅ সারদে সারদে আর শিংগা, তূরী, করতাল, বীণা আর সুরবাহার বাজাদে বাজাদে লগেপ্রভুর বেবস্থা-সুন্দুক্কো যিরূশালেমত্‌ আনিলাক্।

২ বংশধর 20:28

তারা বাশি, হার্‌মনি আর তূরী বাজাদে বাজাদে যিরূশালেমত্‌ ফিরি এইনে লগেপ্রভুর ঘরত্‌ গেলাক্‌।

গীতসংহিতা 47:5

গোজেনে হুজির রঅবোলোই উগুরে উদি যেয়েগোই, লগেপ্রভু তূরীর রবোলোই উদি যেয়েগোই।

দানিয়েল 3:10

তুই এক্কান উগুম দুয়োচ্ যে, মানুচ্চুনে যেক্কে শিংগা, বাশী, হার্‌‌‌‌‌মোনি, চিগোন আর দাঙর্ বীণা, দাঙর্ বাশী আর অন্য নানান্ বাবোত্যে বাজানার্ রঅ শুনিবাক্ সেক্কে তারাত্তুন্ মাঢা নিগিরি পড়িনে সোনার মূত্তিবোরে জু জু জানা পড়িবো;

দানিয়েল 3:15

ইক্কিনে তুমি যুনি শিংগা, বাশী, হার্‌‌‌‌‌‌‌মোনি, চিগোন-দাঙর্ বীণা, মোড়োলী আর অন্য নানান্ বাবোত্যে বাজানার্ রঅ শুনিনে মাঢা নিগিরি পড়িনে মর্ বানেয়্যে মূত্তিবোরে জু জু জানেবাত্তে যুক্কোল্ থাগঅ সালে দঅ গম্। মাত্তর্ যুনি জু জু ন-জানঅ সালে দোগ্‌দোক্যে আগুনো চুলোত্ সেক্কে তমারে ফেলেই দিয়্যে অবঅ। সেক্কে কন্ দেবেদা মঅ আঢত্তুন্ তমারে উদ্ধোর্ গুরি পারিবো?

দানিয়েল 3:5

তুমি যেক্কেনে শিঙা, বাশী, বাজা, চিগোন আহ দাঙর্ বীণা, দাঙর্ বাশী আর অন্য নানান্ বাবোত্যে বাজানার্ রঅ শুনিবে সেক্কে মাদিত্ মাঢা নিগিরি পড়িনে রাজা নবূখদ্‌নিৎসরর্ থিদেবর্ গোজ্যে সোনার মূত্তিবোরে জু জু জানেবা।‌‌

দানিয়েল 3:7

সেনত্তে যেক্কে তারা সেই বেক্ বাজানার রগুন্ শুনিলাক্ সেক্কে বেক্ জাদর্, দেজর্ আর ভাষার মানুচ্চুনে মাদিত্ মাঢা নিগিরি পড়িনে নবূখদ্‌‌‌‌নিৎসরর্ থিদেবর্ গোজ্যে সোনার মূত্তিবোরে জু জু জানেলাক্।

আমোষ 5:23

তমা গান রবো দূর্ গরঅ। তমা বীণার বাজানা মুই ন-শুনিম।

আমোষ 6:5

তুমি বীণা বাজেইনে গান গঅ আর দায়ূদো ধোক্ক্যেন নানান্ বাবোত্যে বাজনা বানেই থাগঅ।

১ শমূয়েল 10:5

সে পরেন্দি তুই গিবিয়োৎ-হা-এলোহিম শঅরত্‌ যেবে। সিয়েনত পলেষ্টীয় সৈন্যগুনোর এক্কান তাম্বুল্ আঘে। শঅরত্‌ লুমোনার পরেন্দি এন্‌ এক ঝাক্‌ ভাববাদী সমারে তর্‌ দেগা অবঅ যিগুনে গোজেনর দিয়্যে কধা কদে কদে উবোসনার উজু জাগাত্তুন্ লামি এচ্ছোন। তারার দলর্‌ মুজুঙো মানুচ্চুনে বীণা, জুড়ি আর বাঁশি আর হার্‌মোনি বাজাদে বাজাদে আদিবাক্‌।

১ শমূয়েল 16:16

ও মর্‌ প্রভু, মর্‌ মুজুঙোত্‌ আঝিল্ ওইয়্যে এই চাগরুনোরে উগুম দে যেনে তারা যেইনে এন্‌ এক্কো মান্‌জ্যরে থগান্‌ যে দোলেদালে বীণা বাজেই পারে। যেক্কে সেই ভান্ন্যেই আত্মাগান গোজেনর ইত্তুন্‌ তঅ উগুরে এবঅ সেক্কে তে তরে বীণা বাজেইনে শুনেব আর সেক্কে তর্‌ গম্‌ লাগিবো।”