২ শমূয়েল 6:11 - Chakma Bible

¹¹ গাতীয় ওবেদ-ইদোমর ঘরত্‌ লগেপ্রভুর সুন্দুক্কো তিন মাস রলঅ। সেক্কে লগেপ্রভু তারে আর তা ঘরর্‌ বেক্কুনোরে বর্ দিলো।

২ শমূয়েল 6:11 Iomraidhean Croise

পত্থম 30:27

মাত্তর্‌ লাবনে তারে কলঅ, “যুদি মঅ উগুরে তমার কনঅ বেজার্ অবার্‌ কারন ন-থায়্‌ সালে ন-যেয়ো। নানান্ বাবোত্যে লক্ষণত্তুন্‌ মুই বুঝি পারঙত্তে, তমাত্তে লগেপ্রভু মরে বর্‌ দিয়্যে।”

পত্থম 39:23

যোষেফ আদত্‌ যে কাম ভারান এলঅ সিয়েনি জেলখানাত্‌ রাগেয়্যে দাঙর্ নেতাবোর আর দেগাশুনো গরা ন-পুড়িদো, কিত্তে লগেপ্রভু যোষেফ লগে এলঅ, আর ইয়েনত্তে যোষেফে যিয়েনত্‌ আত্‌ দিদো সিয়েনত্‌ লগেপ্রভু দোয়্যে গত্ত।

পত্থম 39:5

যোষেফরে এ বেক্‌ খেমতাগান্‌ দেনার্‌ পরেদি যোষেফত্তে লগেপ্রভু সে মিসরীয় গিরোজ্‌সোরে বেক্কানিদ্‌ বর্ দিলো। পোটীফর ঘর-দোর্‌ আর ক্ষেত-ক্ষেত্তি বেক্কানিদ্‌ লগেপ্রভু বর্ দিলো

২ শমূয়েল 6:10

লগেপ্রভুর সুন্দুক্কো তে দায়ূদ-শঅরত্‌ নিজোর কায়-কুরে অানিবাত্তে রাজী ন-অলঅ। তে সিবে নেযেইনে গাতীয় ওবেদ-ইদোমর ঘরত্‌ রাগেল।

১ বংশধর 26:4

ওবেদ-ইদোমে অলদে বংশ-বাপ্‌। গোজেনে ওবেদ-ইদোমরে আস্‌তোবুয়ো পুয়ো দিইনে বর্‌ দিলো। তাহ্ পুয়োগুন অলাক্‌, পৌইল্যে শময়িয়, দ্বিলম্বরত্‌ যিহোষাবদ, তিন লম্বরত্‌ যোয়াহ, চের্‌ লম্বরত্‌ সাখর, পাজ্‌ লম্বরত্‌ নথনেল, ছয় লম্বরত্‌ অম্মীয়েল, সাত লম্বরত্‌ ইষাখর আর আস্‌তো লম্বরত্‌ পিয়ূল্লতয়।

মালাখি 3:10

তুমি তমার্ বেক দশমাংশগুন্ ভান্ডাল-ঘরত্ আনিবা যেনে মঅ ঘরত্ হানা থায়। এ পৌইদ্যেনে তুমি মরে পোরোক্ষ্যে গুরি চঅ, মুই বেগত্তুন্ খেমতাবলা লগেপ্রভু আগাজর্ বেক দোরানি খুলিনে তমার্ দরকারত্তুন্অ বেশ্ আশিদ্‌বাদ ঢালি দৈং কি ন-দৈং।‌‌‌