২ শমূয়েল 5:25 - Chakma Bible

²⁵ দায়ূদে লগেপ্রভুর উগুম মজিম্‌ কাম্ গুরিলো। তে গেবাত্তুন্‌ গেষর সং গোদা পথতান্‌ পলেষ্টীয়গুনোরে মারি মারি গেলঅ।

২ শমূয়েল 5:25 Iomraidhean Croise

২ শমূয়েল 8:1

পরেন্দি দায়ূদে পলেষ্টীয়গুনোরে ওদেই দিইনে তারার্‌ নিজো অধীনোত্‌ আনিলাক্। তে পলেষ্টীয়গুনোর আঢত্তুন্‌ মেথেগ-আম্মাাগান্ গজক্ গুরি নেযেল।

১ বংশধর 14:16

গোজেন উগুম্‌ মজিম দায়ূদে কাম্‌ গুরিলো। তারা গিবিয়োনত্তুন্‌ গেষর সং গোদা পথতান্‌ পলেষ্টীয় সৈন্যগুনোরে মাত্তে মাত্তে গেলাক্‌।

যাত্রা 12:28

মোশি আর হারোণরে লগেপ্রভু যে উগুমান্‌ দিয়্যে ইস্রায়েলীয়গুনে ফিরি যেইনে সেধগে কাম্‌ গুরিলাক্।

যিশাইয় 28:21

লগেপ্রভু যুদ্ধো গুরিবো, যেবাবোত্যেগুরি তে পরাসীম মুড়োবোত্ গোজ্যে। তে উত্তেজিত অবঅ, যেবাবোত্যে গুরি গিবিয়োন কলগত্ ওইয়্যে। এবাবোত্যেগুরি তে তার কামানি, তার আমক্ অবার আর অসাধারন কামানি থুম্ গুরিবো।

যিহোশূয় 10:33

এ ভিদিরে গেষরর রাজা হোরম লাখীশর মানুচ্চুনোরে বল্‌ দিবাত্তে এচ্ছ্যে মাত্তর্‌ যিহোশূয় তারে আর তার সৈন্যদল্লোরে ওদেই দিলো। যেরেন্দি আর কনজনে বাঁজি ন-থেলাক্‌।

যিহোশূয় 16:10

গেষরত্‌ যিদুক্কুন্‌ কনানীয় বজত্তি গুরিদাক্‌ তারারে তারা ধাবেইনে নিগিলেই ন-দুয়োন্‌। এজঅ তারা ইফ্রয়িম-গুট্টির মানুচ্চুনো লগে বজত্তি গত্তন্‌; মাত্তর্‌ ইফ্রয়িম-গুট্টির চাগর ইজেবে তারার কামানি গত্তে বাধ্য গরা ওইয়্যে।

যিহোশূয় 18:24

কফর-অম্মোনী, অফ্‌নি আর গেবা। এই বারগান শঅ‌র আর সিয়েনির কায়-কুরে বেক্‌ আদামানি তারা পেইয়োন।

যিহোশূয় 21:21

ইফ্রয়িম-গুট্টির মুড়ো-মুড়ি চাগালা ভিদিরে শিখিম, গেষর, কিবসয়িম আর বৈৎ-হোরোণ নাঙে চেরান আদাম আহ্‌ শঅর্‌ আর সিয়েনির লগে য়েমান চোড়েবার খলা তারারে দিয়্যে অলঅ‌। ইয়েন ভিদিরে শিখিমান এলদে খুনি আসামীর আশ্রয়-শঅর্‌।