২ শমূয়েল 4:11 - Chakma Bible

¹¹ সালে যিগুনে এক্কো নিদ্দুজী মান্‌জ্যরে তা নিজোর্‌ ঘরত্‌ তা নিজোর্‌ বিচ্ছোন উগুরে খুন গোজ্যেন্, মুই সেই পাজি মানুচ্চুনোরে আরঅ যে কত্তমান্‌ বেশ্ সাজা দিম্। সেনত্তে মুই তমা আঢত্তুন্‌ তার্‌ লো ঝড়ানার্‌ হেনাগান দাবি গুরিম আর পিত্তিমীর্‌ উগুরেত্তুন্‌ তমারে তুলি দিম্।”

২ শমূয়েল 4:11 Iomraidhean Croise

পত্থম 4:11

ভূইয়ানে যেক্কে তঅ আঢত্তুন্ তঅ ভেইবোর্ লোগান গুজি লবাত্তে মুয়োন খুল্যে সেক্কে ভূইয়োর অভিশাপ্‌পানই তঅ-উগুরে পড়িলো।

পত্থম 6:13

এ অবস্থাগান দেগিনে গোজেনে নোহরে কলঅ, গোদা মান্‌জ্য জাদতোরে মুই শেজ্ গুরি ফেলেম্‌ বিলিনে ঠিগ্ গোজ্যং। মানুচ্চুনোত্তে পিত্‌থিমীয়ান অত্যেচার-অবিচারে ভুরি উঠ্যে। মানুচ্চুনো সমারে পিত্‌থিমীর বেক্কানি মুই শেজ্ গুরিবাত্তে যাঙর্‌।

পত্থম 7:23

গোজেনে এধোক্ক্যেনগুরি মাদি উগুরে বেক্‌ পরাণবলাগুনোরে পিত্‌থিমীগান উগুরেত্তুন্‌ তুলি ফেলেল। সেক্কে মানুচ্‌, য়েমান, বুগেদি-আঢি বেড়েয়্যে প্রাণী আর আগাজ পেক্কুনে পিত্‌থিমীয়ান উগুরেত্তুন্ শেজ্ ওই গেলাক্। বানা নোহ আর তা সমারে যিগুনে জাহাজত্‌ এলাক্‌ সিগুনে বাঁজি এলাক্ ।

২ শমূয়েল 16:8

তুই যে জাগানত্‌ রাজাগিরি গরর্‌ সেই শৌল গুট্টির্‌ বেক্‌ মানুচ্চুনোর্‌ লো ঝড়ানার্‌ ফল্ লগেপ্রভু তরে দিয়্যে। সে রেজ্যগান লগেপ্রভু তর্ পূঅ অবশালোমরে দিয়্যে। তুই খুনি বিলিনেই তর্‌ দজাগান এধোক্ক্যেন্ ওইয়্যে!”

২ শমূয়েল 3:27

অব্‌নের হিব্রোণত্‌ ফিরি এজানার্‌ পরেন্দি যোয়াবে তা লগে গুমুরো কধা কবার্‌ ছলনা গুরিনে শঅরর্‌ গেদো ভিদিরে নেযেল। সে পরেন্দি তা বুগুদ গুদো মারিনে তারে মারে ফেলেল। এধোক্ক্যেন গুরিনে তে তা ভেই অসাহেলর লো ঝরানার্‌ হেনাবো সুজিলো।

২ শমূয়েল 3:39

রাজা ইজেবে মরে অভিষেগ্ গরা অলেয়ো এচ্চ্যে মুই বল্‌পোজ্যে আর সরূয়ার পূয়োগুনোরে মুই দোঙেই ন-পারঙ্। লগেপ্রভু যেনে অন্যেয় গুরিয়্যেগুনোরে অন্যেয়র্‌ কাম মজিম সাজা দে।”

১ রাজাবলী 2:32

যে লো-গানি তে ঝোরেয়্যে সে হেনাবো লগেপ্রভু নেযেব, কিত্যে মঅ বাপ্পো দায়ূদে হবর্‌ ন-পেইয়্যেগুরি দ্বিজন মান্‌জ্যরে আক্রমণ গুরিনে মারে ফেলেয়্যে। তারা অলাক্‌ ইস্রায়েলর সৈন্যদলর সেনাপতি নেরর পূঅ অব্‌নের আর যিহূদার সৈন্যদলর সেনাপতি যেথরর পূঅ অমাসা। এ দ্বিজনই এলাক্‌ তাত্তুন্‌ বেশ্‌ আরঅ খাটি আরঅ গম্‌ মানুচ্‌।

গীতসংহিতা 109:15

আমিঝে সিয়েনি লগেপ্রভুর মুজুঙোত্ থোক্, যেনে তে পিত্‌থিমীত্তুন তারার স্মৃতিগানি ফুজি ফেলেই পারে।

গীতসংহিতা 9:12

কিয়া যিবে লো ঝরানার্ হেনা সুজে তে মারে ফেলেয়্যে মানুচ্চুনোরে ভুলি ন-যায়, দুঘি মানুচ্চুনোর্ কানানিগানি তে এলাফেলা ন-গরে।

যাত্রা 21:12

কনঅ‌ মান্‌জোরে আঘাত্‌ গুরিবার্‌ কারনে যুনি তার্‌ মরণ অয়্‌ সালে আঘাত গুরিয়্যেবোরে হামাক্কায়্‌ মারে ফেলা পুরিবো।

যাত্রা 9:15

ইয়েন ভিদিরে মুই মঅ বলান্‌ বেবহার্‌ গুরিনে তর্‌ আর তঅ মানুচ্চুনো উগুরে এন্‌ এক্কান্‌ পীড়ের ভানা বেবস্থা গুরি পাত্তুং যেনে তুমি পিত্‌থিমীয়ানত্তুন্‌ শেজ্ ওই যেদাগোই।

গম্ উপদেজ্ 2:22

মাত্তর্ দেজত্তুন্ পাজি মানুচ্চুনোরে কাবি ফেলা অবঅ আর অবিশ্বেজিগুনোর শিঙোরানি উগুড়ে ফেলা অবঅ।

গম্ উপদেজ্ 25:26

ঘুল্ গুরি ফেল্যে আর দুষিত গোজ্যে পয়নালাবোর পানিগান যেধোক্ক্যেন্, পাজি মান্‌‍জ্যর কারনে পাপত্ পোজ্যে গোজেন ভক্ত মানুচ্অ সেধোক্ক্যেন্।

যিরমিয় 10:11

তুমি মানুচ্চুনোরে কঅ, এই দেব-দেবেদাগুনে আগাজ্‌‌‍‌‍চান আর পিত্‌‌‍‌‍‍‍থিমীগান ন-বানান; তারা আগাজ্‌চানত্তুন আর পিত্‌থিমীর বেক্ জাগানত্তুন্ ভস্ত ওই যেবাক্।‌‍‌‍‍‌‍‌‍‍

হবক্‌‌‌‌কূক 1:12

ও লগেপ্রভু, মর্ গোজেন, মর্ সুদ্ধো-সাংগ মানুচ্চো, তুই কি উমরত্তে নয়? আমি এক্কুবারে ভস্ত ন-অবং। ও লগেপ্রভু, আমারে সাজা দিবাত্তে তুই বাবিলীয়গুনোরে নেযেয়োচ্; ও আশ্রয়-মুড়োবো, তুই আমারে সাজা দিবাত্তে তারারে নেযেয়োচ্।

হবক্‌‌‌‌কূক 1:4

সুদোমানি খেমতানেইয়্যে ওই পোজ্যে আর কনদিন্‌অ ন্যায়বিচের্ ন-অর্। গম্ মানুচ্চুনোত্তুন্ পাজিগুনোর্ খেমতা বেশ্ বিলি বিচের্ উগুদো অর্।

১ যোহন 3:12

সেনত্যে মুই কঙর্, আমি যেন কয়িন ধোক্ক্যেন ন-ওই। কয়িনে শদানর্ মানুচ্‌ এলঅ আর তা ভেইবোরে তে খুন্ গোজ্জ্যে। কিত্ত্যেই তে তারে খুন্ গোজ্জ্যে? কিয়া তে ভান্ন্যেই কাম গত্ত আর তা ভেইবো ন্যায় কাম গুরিদো।