২ শমূয়েল 3:18 - Chakma Bible

¹⁸ ইক্কিনে সিয়েন গর্‌। লগেপ্রভু দায়ূদো পৌইদ্যেনে এগেম্ গোজ্যেদে, তে তার্‌ চাগর্‌ দায়ূদোরে দিইনে পলেষ্টীয়গুনোর আঢত্তুন্‌ আর তারার বেক্‌ শত্রুগুনোর্‌ আঢত্তুন্‌ তার্‌ মানুচ্‌ ইস্রায়েলীয়গুনোরে উদ্ধোর্ গুরিবো।”

২ শমূয়েল 3:18 Iomraidhean Croise

২ শমূয়েল 3:9

দায়ূদো ইদু লগেপ্রভু শমক্‌ হেইনে এগেম্ গোজ্যেদে সেবাবোত্যে গুরিনে যুনি মুই কাম্‌ ন-গরং, অত্তাৎ শৌলর বংশত্তুন্‌ রেজ্য লোইনে দানত্তুন্‌ বের্‌-শেবা সং ইস্রায়েল আর যিহূদা উগুরে দায়ূদোর সিংহাসনান্ থিদেবর্ ন-গরং সালে গোজেনে যেনে অব্‌নেররে সাজা দে আর সিয়েন জদবদে দে।

২ শমূয়েল 8:6

দায়ূদে অরাম রেজ্যর্‌ দম্মেশকত্‌ তার সৈন্যদলুন্‌ রাগেল। সেক্কে অরামীয়গুনে তা অধীনোত্‌ তারে খাজানা দিয়্যে ধুরিলাক্। এধোক্ক্যেনগুরি দায়ূদে যে কনঅ জাগাত্‌ গেলে লগেপ্রভু সিয়োদোই তারে জিদেই দিদো।

১ শমূয়েল 13:14

মাত্তর্‌ ইক্কিনে তর্‌ রাজাগিরিগান আর ভালোকদিন ন-টিগিবো। লগেপ্রভু তার মনে মন্‌জক্কাগুরি এক্কো মান্‌জ্যরে তোগেই নেযেয়্যে আর তারেই তা মানুচ্চুনোর নেতা নেযেয়্যে, কিত্যে তা উগুমানি তুই পালন ন-গরচ্‌।”

১ শমূয়েল 15:28

সেক্কে শমূয়েলে তারে কলঅ, “লগেপ্রভু এচ্চ্যে তঅ সিত্তুন্‌ ইস্রায়েলীয়গুনোর রেজ্যগানঅ এবাবোত্যেগুরি কারি নিলো আর তত্তুনো গম্‌ তর্‌ এক্কো দেজর্‌ মান্‌জ্যরে কাম ভারান্ দিলো।

১ শমূয়েল 16:1

পরেদি লগেপ্রভু শমূয়েলরে কলঅ, “মুই শৌলরে ইস্রায়েলীয়গুনোর রাজা ইজেবে এলাফেলা গোজ্যং, সেনত্তেই তুই আর কয়দিন দুঃখো গুরিবে? ইক্কিনে তুই তর্‌ বাঁশিবোত্‌ তেল ভোরেইনে নিগিলি যাহ্। মুই তরে বৈৎলেহম আদামর যিশয়র ইদু পাদাঙর্‌। মুই তার পূঅগুনো ভিদিরেত্তুন মর্‌ নিজোর নাঙে একজনরে রাজা অবাত্তে বাঁজেই রাগেয়োং।”

১ শমূয়েল 9:16

“এযেত্যেকেল্যে এই সময়োত্‌ মুই বিন্যামীন-গুট্টির বামত্‌ এক্কো মান্‌জ্যরে তইদু পাদেম্‌। মর্‌ মানুচ্চুনোর, অত্তাৎ ইস্রায়েলীয়গুনোর নেতা অবাত্তে তুই তারে অভিষেগ্ গুরিবে। পলেষ্টীয়গুনোর আঢত্তুন্‌ তেয়ই মর্‌ মানুচ্চুনোরে উদ্ধোর গুরিবো। মর্‌ মানুচ্চুনোর ইন্দি মুই মনযোগ দুয়োং, কিত্যে তারার কানানিগানি মর্‌ কানত্‌ এইনে লুম্মেগি।”